InfoHub Logo

Almatyda «Qazposhta» AQ-nyń iri jobasy fýlfılment-ortalyǵy iske qosyldy.

Premer-mınıstrdiń orynbasary Asqar Jumaǵalıev pen Almaty qalasynyń ákimi «Qazposhta» AQ-nyń aqparattyq-logıstıkalyq ortalyǵynyń jumysymen tanysty. Munda poshta ónimderi avtomatty túrde suryptalady, ol saǵatyna 6 545 sálemdemeni jiberedi. Júıe salmaǵy 10 kg-ǵa deıingi halyqaralyq jáne ishki banderólder men halyqaralyq shaǵyn paketterdi irikteıdi.

«Qazposhta» AQ basqarma tóraǵasy Sáken Sársenovtyń aıtýynsha, ınternet arqyly saýda jasaý kún saıyn artyp kele jatyr. Jyl basynan beri Qazaqstanǵa toǵyz mln-nan astam sheteldik poshta ónimi túsken.

«Eger bıylǵy jyldyń tamyz aıyna deıin biz táýligine 10 myń poshta ónimin iriktesek, suryptaý mashınasy men mobıldi termınaldyń arqasynda óńdeý jyldamdyǵy on esege ulǵaıtyldy. Tehnologıalyq prosesti optımızasıanyń arqasynda poshta ónimderi 24 saǵat boıy suryptalady. Onyń ústine, suryptaý jumystaryn avtomattandyrý prosesi poshta qaltashalaryn naqty baǵyttar boıynsha irikteýge jol ashty, bul hat alýshyǵa sálemdemeni jyldam jetkizýge múmkindik beredi», – dedi ol.

Jaqsy bazanyń, damyǵan logıstıkanyń jáne poshta bólimsheleriniń júıeleri arqasynda «Qazposhta» búgingi kúni elektrondy saýda ınfraqurylymyn júzege asyra alady. Almatyda ınternet-magazınderge kómek retinde fýlfılment qyzmeti iske qosylǵan, ol poshta ónimin suryptaıdy, saqtaıdy, qaptaıdy jáne tutynýshynyń qolyna jetkizedi.

«Qazposhta» Qazaqstan arqyly Qytaıdan Eýropaǵa nemese keri baǵytta tranzıt arqyly habtardy iske qosýmen túrli tranzıtti jobalarǵa qatysady. Bul elimiz arqyly Qytaıdan Reseıge nemese Eýropaǵa tranzıtti ónimderdiń 20%-dan astamyn ótkizýge múmkindik beredi. Eger 2016 jyly «Qazposhta» arqyly tranzıtti lektiń kólemi 53%-dy (10 mln. ónim, 2015 jyly 6,5 mln. bolǵan) qurasa, kompanıa osy jyly 17 mln. ónimge artady dep kútilýde.

---