![Qazposhta SHQO-da «E-PIK» jobasyn engizýde](http://infohub.kz/uploads/thumbnail/20240120113543508_big.jpg)
- 22 qaz. 2018 00:00
- 322
Qazposhta SHQO-da «E-PIK» jobasyn engizýde
Shyǵys Qazaqstan oblysynda Qazposhta AQ oblys ákimdigimen birlesip, «E-PIK» jobasyn engizýde.
«E-PIK» jobasyn engizýdiń arqasynda kóppáterli úılerdiń turǵyndary ákimdik pen turǵyn úı kooperatıvterine ótinish qaldyra alady. Sonymen qatar turǵyn úılerge qajetti qyzmetkerlerdi tirkeıdi: medısına qyzmetkeri, ýchaskelik polısıa, santehnık, elektrık jáne t. b.
21 qazan kúni «Qazposhta» AQ Basqarma tóraǵasy Sáken Sarsenov SHQO-ǵa Qazposhta ujymymen kezdesken bolatyn. Kezdesý barysynda qyzmetkerlermen elektrondy saýda jobalary jóninde birqatar josparlaryn talqylady.
Kezdesý kezinde Basqarma tóraǵasy bıznes, IT, HR jáne e-commerce bloktaryna jetekshilik etetin basshylarmen birge áriptesterdiń suraqtaryna jaýap berip, kompanıanyń strategıalyq damýy boıynsha josparymen, elektrondyq saýda jobalaryn ilgeriletý, satýdy yntalandyrý men bonýstyq baǵdarlamalar týraly oılarymen bólisti.
Sondaı-aq, S. Sarsenov issapar kezinde «Al-Farabı» JSHS ókilderimen kezdesip, jumys máseleleri men odan ári yntymaqtastyq perspektıvalaryn talqylady.
«SHQO-da Qazposhta-pen Semeı, Aıagóz, Óskemen qalalarynan jáne birneshe aýdandardan 6 kompanıa franchaızıńtik model boıynsha jumys týraly kelisim jasady», – dep aıtyp ótti ol.
Aıta ketelik, búgingi tańda atalǵan óńirdiń Qazposhta operatorlary 10 qalaǵa, 15 aýdanǵa jáne 752 aýylǵa qyzmet kórsetip otyr. Al qyzmet kórsetetin jumysshylar sany 1,5 myńǵa jýyq adamdy quraıdy eken.
Aǵymdaǵy jyldyń 9 aıyndaǵy kórsetkish boıynsha fılıal 4 jańa satý núktelerin, qosymsha aıyrbastaý pýnktterin ashty, tólemderdi qabyldaý kasalary joq ǵımarattarda 23 bankomat pen 11 ózine-ózi qyzmet kórsetý termınaldaryn iske qosyp otyr.
Kezdesý sońynda, basshy kompanıanyń 25 jyldyǵyna oraı, dástúr boıynsha Qazposhta Shyǵys Qazaqstan fılıalynyń eńbek sińirgen qyzmetkerlerin dıplomdarmen jáne alǵys hattarmen marapattap ótti.