InfoHub Logo

Astanada jas ınnovatorlardyń halyqaralyq ǵylymı forýmy ótti.

Ádilet mınıstrligi Ulttyq zıatkerlik menshik ınstıtýty alańynda ótken jas ónertapqyshtardyń VI mektebi aıasyndaǵy halyqaralyq forým Qazaqstandaǵy ǵylym qyzmetkerleri kúnine jáne Halyqaralyq zıatkerlik menshik kúnine oraılastyrylǵan.

Forýmdy quttyqtaý sózimen ashqan Ádilet vıse-mınıstri Botagóz Jaqselekova vedomstvo júzege asyratyn memlekettik saıasattyń mańyzdylyǵyn, zertteýshiler men ınnovatorlardyń óz ıdeıalary men ınovasıalaryn saqtaýǵa múmkindik beretin, zańsyz paıdalanýdan qorǵaýdy qamtamasyz etetin, negizgi katalızator – zıatkerlik menshik rólin atap ótti.

Qazaqstan men Qyrǵyzstannyń jas ǵalymdary óz jobalaryn tanystyrdy: «Sıfrlyq resýrstar men baǵdarlama qurý», «Itterdiń sút bezi obyrynyń patogıstologıalyq dıagnostıkasy», «Taý jaǵdaıynda týnel qazýǵa arnalǵan burǵylaý stanoktary» jáne t.b., sodan keıin barlyq qatysýshylar talqylaýǵa belsendi qatysyp, spıkerlerge suraqtar qoıdy.

Keıingi úsh jyl «Nanospýtnık» jobasymen aınalysyp kelgen Almaty qalasy gımnazıasynyń 10-synyp oqýshysy Sholpan Amangeldi jınalǵandardyń erekshe qyzyǵýshylyǵyn týdyrdy. Jas ónertapqyshtyń aıtýynsha, «Nanospýtnık ozon qabatynyń kúıin zertteıdi, jer mańaıyndaǵy keńistiktiń astronomıalyq qozǵalystary jer silkinisin boljaı alady, sonymen qatar qurǵaq klımatty aımaqtar úshin mańyzdy bolatyny – aýdandarǵa jasandy jańbyr shaqyrýyna yqpal ete alady».

Túrli halyqaralyq ǵylymı konkýrstardyń jeńimpazdary atanǵan talantty oqýshylarǵa Jas ónertapqysh mektebi alǵash ret ǵylymı forým formatynda ótip otyr.

«Ǵylymdaǵy balalar» jobasynyń qatysýshylary óz tájirıbelerimen bólisip, basqa oqýshylardyń jańa jetistikterine shabyt berdi.

İs-sharany QAZPATENT jáne «International Center of Scientific Collaborations» JM birlesip uıymdastyrdy.

---