Tuńǵıyq túpsiz ashýly
Asaý teńiz tolqyǵan.
Boıymdy topyraq basýly,
Júre almaımyn jol tuman.
Teńizden qaıtyp ótermin?
Tússem, batyp ketermin!
Aldymdaǵy ólimnen,
Mindim qaıyq kóz jumyp.
Adastyq qazir jónimnen,
Qaıyǵym da hám synyq.
Aıryldym jáne kúrekten,
Tek jan shyqpaı júrekten.
Yzǵarly sýyq, ústi muz,
Tolqyn týlap soǵady,
Qatty kóńil qaırymsyz,
Sý qaıyqqa tolady.
Endi ólmegen ne qaldy,
Qoıasyń qaıda bul jandy?
«Talqandaımyn tánińdi!
Dep qamalar sý halqy.
Qıa almastan janymdy,
Jyladym sonda men jalqy.
Em izdep detti halyqqa,
Jem boldym - aý balyqqa.
Taýdaı tolqyn taǵy kep,
Ushty qaıyq aspanǵa,
Ázireıil tur «bolshy» dep,
Qaıda baram qashqanda?
Jan talastym tunshyǵyp,
Bir batyp sýǵa, bir shyǵyp.
Mine sol ýaqytta:
Altaıdan bir tal bilmeımin.
Tústi neǵyp qolyma?
Kez qyldy ma qudaıym,
Ajalsyzdyń jolyna.
Taldan ustap qarmalap,
Sýdan shyqtym «allalap».
Sýyq ótken, sharshaǵan,
Bola ma, adam, bolmaı ma?
Soqqy jegen qanshadan,
Daýasy ıakı qonbaı ma?
Daýa tegin, em tegin,
Qaıtart alla, eńbegin.

---