Uıyqtapty bir arystan aıdalada,
Tynyshtyqtyq alý úshin saı-panada.
Ústine arystannyń oınaqtapty,
Bir tyshqan innen shyǵyp sol arada.

Tyshqan júr seıil quryp, oınaq salyp,
Bir ýaqyt júgiripti basqa baryp,
Arystan óltirýge aınalypty,
Basyn basqan tyshqandy ustap alyp.

Jalyndy sonda tyshqan: «Óltirme!» – dep, –
Aǵataı, maǵan zıan keltirme! – dep, –
Bir qaıtar menen-daǵy bir jaqsylyq,
Azat qyl, baıqamadym, óltirme!» – dep.

Arystan kúlip aıtty: «Sorly tyshqan!
Ne jaqsylyq qaıtady sen baıǵustan?
Dúnıede saǵan qalǵan kúnim qurystan!
Kúshiń kem judyryqtaı shymshyq qustan.

Jatasyń qoryqqanyńnan qazyp jerdi,
Kúldirdiń bolmasty aıtyp mendeı erdi.
Kúldirip kóńil ashqan aqyń úshin
Azat qyldym», – dedi de, qoıa berdi.

Bir kúni arystanym torǵa tústi,
Územ dep, aqyryp, týlap, saldy kúshti,
Oralyp, shyrmatyyldy, shyqpastaı bop,
Basyna qudaı berdi mundaı isti.

Kún qaıda qutylatyn torly buzyp,
Baqyryp yzalandy jerdi súzip,
Daýysyn tanyp, baıaǵy tyshqan kelip,
Qutqardy tordy qıyp, tistep úzip.

---