InfoHub Logo

Altyn kúz
Uıymdastyrylǵan oqý is - áreketi: Til damytý
Maqsaty: Kúz aılarynyń ataýlaryn ataý, olardyń ereksheligin uǵyndyrý. Kúz mezgilin Jomart kúz, Altyn kúz, qońyr kúz dep ataı otyryp, ár kórinisinen alǵan bilimderin qorytyndylaý. Kúzgi tabıǵat ózgeristerin baqylap, kúz baılyǵyn, ásemdikti sulýlyqty sezine bilýge úıretý.
Jańa sóz: sur - bult, kóńil - kúı
Kórneki quraldar: japyraqtar, kúz mezgiliniń sýreti
Balalar shattyq sheńber quryp, ornymyzdan turyp barlyǵymyz birge jyly lebizderdi bildireıik.

Armysyń jer ana!
Armysyń kók álem!
Armysyń jan dosym!
Armysyń apaılar!
Jylýyńa jylý qos!
Mine, meniń qolym!
Balalar ornymyzǵa jaıǵasamyz.
Dymqyl tuman basady
Shóp sarǵaıyp, óńi taıyp
Dala sury qashady
Oınap almaı
Deneń muzdap tońady.

Tárbıeshi:
- Aıtyńdarshy balalar bul qaı kezde bolady?
- Balalar bizdiń tobymyz ádemi qarańdarshy. Japyraqtar sary, qyzǵylt óte ádemi eken.
- Solaı ma balalar?
- Topty ádemilep qoıǵan, sıqyrly kúz mezgili ádemilendirip qoıǵan eken. Olaı bolsa, oqý is - áreketimizdi bastaımyz.
Balalar kúz mezgilinde neshe aı bar?
Balalar: Úsh aı
Olar qandaı aılar qane ataıyqshy?
Balalar: Qyrkúıek, qazan, qarasha
Kúz mezgiliniń ereksheligi qandaı?
Balalar: Kún jel bolady, jańbyr jaýady, japyraqtar jerge sarǵaıyp túsedi, jerdiń ıisi shyǵady.

Tárbıeshi: Durys aıtasyńdar!
Tárbıeshi: Kúz týraly áńgimeleıdi.
Sergitý sáti
Qoıýlanyp qara bult
Jańbyr jaýady sebelep,
Japyraqty jamylyp
Jasyryndy kóbelek,
Kúnniń kózi ashyldy
Kóbelekter shashyldy.

Tárbıeshi: Balalar men sendermen oıyn oınaǵym kelip otyr.
D/O: Oıynnyń aty «Kim japyraqty kóp jınaıdy»
Oıynnyń sharty: Endeshe japyraqtar shashylyp jatady. Balalar belgi berilgen kezde japyraqtardy jınap shyǵý kerek. Kóp jınaǵan bala jeńedi. Jınalǵan japyraqtardyń tústerin ajyratyp aıtý.
Tárbıeshi: Balalar altyn kúz nege keshigip jatyr eken, kelem dep ýáde berip edi.
Balalar ortaǵa Altyn kúzdi shaqyraıyq.
Balalar( hormen).
- Kelshi kelshi, Altyn kúz.
/ortaǵa japyraqtaryn shashyp Altyn kúz kiredi/
Altyn kúz: Sálem, óren dostarym
Alaqandy tos báriń,
Qymbatty syı alyńdar
Qyzyǵyma qanyńdar.
«Mereke basy án bolar, bereke basy dán bolar,»- demekshi, men kóktemde ekken mol astyqty jınap, qambalardy altyn dánge toltyrdym.
Sondyqtan meni jomart kúz dep ataıdy.
- Balalar men senderge ózimmen birge tapsyrmalar ala keldim.
Apaılaryńa tapsyramyn!
Tárbıeshi: konverti ashyp, tapsyrmalardy oqıdy.

1 - tapsyrma: «Kim tapqyr» jumbaq sheshý
Dóp - dóńgelek doptaı
İshi - qyzyl shoqtaı,
Dámin tatyp kórseń
Odan dámdi joqtaı. /Qarbyz/

Tyrs - tyrs tamady,
Terezemdi qaǵady. /Jańbyr/
Aǵash toly sary shymshyq,
Silkip kórseń túsedi ushyp /japyraq/

2 - tapsyrma: Oramalyńdy ashaıyq
Astynan ne qaraıyq?
Bul ne?
Bul sebet qoı balalar!.
Sebettiń betin japyraqtar jaýyp turady. Al japyraq astynan jemister men kókónister shyǵady. D/O: Kókónistermen jemisterdi ajyratyp, túsin aıtý.
Altyn kúz: Balalar jaraısyńdar, sender jumbaqty sheship, kókónispen jemisterdiń atyn atap, olardyń túsin ajyrattyńdar, oı ushqyrlyqtaryńdy kórdik, balalar jaraısyńdar!
Myna kókónisterdi apaılaryńa tapsyrdym. Sońynan bólip jersińder.
Balalar endeshe men sendermen qoshtasaıyn. Men uzaq jol júrýim kerek.
Saý bolyńyzdar!