InfoHub Logo

Asqar shyńǵa qol sozǵan azappenen.
Altyn basty arlandaı ǵajap, eren.
Qashap salǵan sheberdiń músinindeı.
Ult týyldy uly bop Qazaq degen.

Sary arqa sal - seri sáni me edi.
Moıynqumdy terbegen áni me edi.
Talaı talant týmastan keter me edi.
Tý tikpese Kereı men Jánibegi.

Rasynda baqtyń salmaǵy salmaǵy bar.
Sondyqtan ajaldyń óz almaǵy bar.
Tatý eldiń buzyldy tynyshtyǵy.
Qylysh saılap qıada qalmaǵy bar.

Taǵdyr salsa, qaramas tońǵanyńa.
Qańbaq - yrys, joldas bop qonǵanyna.
Quıryǵyna jarmasyp, berekeniń.
Kez bop shyqty kesirmen jońǵaryna.

Kóńil tógip, kúımenen kúzdiń jasyn.
Jyraý joqtap bastaıtyn sózdiń basyn.
Alty Alashtyń ardaǵy Abylaılap.
Qosqan edi úsh bólek júzdiń basyn.

Ia, solaı jalǵady kerýenin.
Jaraǵa jyl, ýaqyt ta berýde emin.
Qyz Jibekti Tólegen ańsap kúnde.
Ǵashyq erkin salatyn serýenin.

Aınaldyryp ol kúndi elesine
Erik ketti ótkenniń kemesine.
Kisenge quryqtalǵan qulyn qusap.
Qul bolyp taǵy qaldy KEŃESİNE.

Jıylyp jeltoqsanda jaý etegi.
Jastan - jyr, qannan qyzyl baý etedi.
Silkip tastap tarıhty jelbiregen.
Kók týǵa osynaý jurt táý etedi.

Qalaısha sanamaısyń muny ǵajap!
Urpaǵym, tegim meniń, ulym azat!
Ǵasyrdyń jutylmaǵan tozaǵyna.
Uly dala, Uly el, Uly qazaq!

Mańǵystaý oblysy, Túpqaraǵan aýdany,
Fort - Shevchkenko qalasy, Baýtın aýyly,
"Aqbota"balabaqshasynyń tárbıeshisi
G. Baıseıtova