InfoHub Logo

Altyn kúz
Ádemi sazdy áýen oınalyp turady, balalar tárbıeshimen birge kirip oryndyqtarǵa jaıǵasady.
Júrgizýshi: Qurmetti qonaqtar, ustazdar! «Balbóbek» balabaqshasynyń, «Balapan» tobynyń «Altyn kúz» atty erteńgiligine qosh keldińizder!
Armysyzdar, halaıyq,
Barmysyzdar, halaıyq!
Kúzgi toıdy jup jazbaı,
Birge qarsy alaıyq!
Júrgizýshi: Balalar, qazir jyldyń qaı mezgili?
Balalar: Kúz mezgili.

Júrgizýshi: Búgin barlyǵymyz kúz merekesine jınaldyq. Endeshe kúz hanshaıymyn ortaǵa shaqyraıyq.
Birge: Berekeli kúz keldi, merekeli kúz keldi.
Kúz: Sálemetsińder me, balalar!
Balalar: Sálemetsiz be, Altyn kúz!
Kúz: Bereke baq daryǵan,
Jomart kóńil jarqyn jaz.
Sary altynǵa malynǵan,
Altyn kúz degen men bolam. Armysyzdar, qurmetti qonaqtar, kishkentaı búldirshinder! Men merekege keshigip qaldym ba?
Balalar: Joq.
Júrgizýshi: Shoǵy tolǵan gúldeı jaınap
Shaqyrady jarqyn júz
Saırandaǵan kúlip - oınap,
Keldi mine Altyn kúz!
Kúz: Balalar, senderdi kórgenime qýanyshtymyn. Men senderge bir jumbaq jasyraıyn.
Aǵaıyndy bári
Shyqsa jasyl
Tússe – sary. Bul ne?
Balalar: Japyraq.
Kúz: Durys taptyńdar, jaraısyńdar!
Júrgizýshi: Altyn kúz, bizdiń balalar kúz týraly óleń, taqpaqtar biledi. Siz jaılanyp otyryp, balalardyń ónerin tamashalańyz.
Án «Otan»
Taqpaqtar:
Aıarý: Altyn, sary, qyzyl, kók,
Alýan - alýan japyraq.
Aǵashtardan jamyrap
Ushty kenet japyraq

Aıjan: Ortaq meken jer shary
Tóbemizde bir aspan
Barlyq ulttyń balasy
Dostyǵymyz jarasqan

Nurıslam: Nan qoqymyn shashpańdar
Jerde jatsa baspańdar
Terip alyp qasterlep
Torǵaılarǵa tastańdar

Júrgizýshi: «Qolshatyr» bıi (Aıana, Móldir, Palına, Darıa, Qaldan, Erkenaz, Aıarý,)

Tosyn sát: Saıqymazaq kiredi.
Saıqymazaq ata - anamen oıyn oınatady.
Júrgizýshi: Jemisterdi qarsy alaıyq
Erkenaz: Men órikten irimin,
Alma, almurtqa inimin
Táttilerdiń birimin,
Dastarhannyń gúlimin
Sýsynyńdy qandyrar
Salqyn saýmal shyrynmyn.

Qaldan: Pisip turǵan almamyn,
Tamsandyrar bal dámim.
Jerge silkip túsirme,
İsip keter mańdaıym.

Nurdáýlet: Men monshaqty shıemin
Qumarsyńdar bilemin,
Ketip qalyp júrmesin
Tamaǵyńa súıegim.

Bıbinur: Til úıirgen almurtpyn
Tańsyǵymyn bar jurttyń
Jaqsy ósire almaıdy.
Qarasa eger salǵyrt kim

Kúz: Óte tamasha, balalar! Kázir menimen oıyn oınaısyńdar ma? Japyraqtardy bir bólek sebetke, alma, almurttardy bir bólek sebetke jınaımyz.
Oıyn: «Japyraqtar men jemisterdi jınay»
Oryssha taqpaqtar:
Aıary: Ý mená kolúchıı bok
Na makýshke – hoholok
Zamechatelnyı na vkýs
Ananasom ıa zovýs

Serik: Detskıı sad, detskıı sad
Pochemý tak govorát
Potomy, chto dryjno v nem
My odnoı semeı rastem

Júrgizýshi: «Uldar bıi» (Nurdáyet, Beknur, Núrıslam, Serik, Nurasyl)

Júrgizýshi: Jaraısyńdar, balalar! Al endi qonaqtarymyzdy synap kóreıik

«Uıqasyn tap» oıyny.

1. Pisetin kezi dál kúzde
Mezgilsiz ony úzbe
Aýzynan ketpes bal dámi
Onyń aty (shabdaly)
2. Kip-kishkene bolsa da,
Aǵashtyń basyn ıedi.
Jemisterin aıyryp,
Tanısyń ba? (shıeni )
3. Japyraqty tasalap,
Ósetin jeri – baqsha - baq
Kúreń qyzyl shirkin - aı
Onyń aty…(tańqýraı )
Júrgizýshi: Altyn kúz, bizdiń balalarymyzdyń kúz merekesine daıyndaǵan kúzgi sán úlgilerin tamashalańyz.
Kúzgi sán úlgileri:
«Top - top balaqan» óleńin tamashalańyzdar
Júrgizýshi: Altyn kúz, balalardyń ónerleri unady ma?
Kúz: Rahmet, balalar, maǵan mereke qatty unady. Al endi meniń ormanǵa baratyn ýaqytym boldy
Berekeli baq - dáýlet,
Arta tússin toılanyp.
Saý bolyńdar, balalar,
Kelgenshe jyl aınalyp
Júrgizýshi: Osymen, Altyn kúz merekesine arnalǵan erteńgiligimiz aıaqtaldy. Tamashalaǵandaryńyzǵa rahmet!

Jambyl oblysy, T. Rysqulov aýdany
Lýgovoı aýyly "Balbóbek"bóbekjaıy
Jýmagýlova Gýljan Bazarbaevna