InfoHub Logo

Altyn kúz  (Ortańǵy top úshin)

Maqsaty: Kúz mezgiliniń erekshelikterin uǵyndyrý. Kúz ónimderimen tanystyrý, olardyń aǵzaǵa paıdasyn túsindirý. Merekelik kóńil – kúı ornatý. Balalardy án salýǵa, bı bıleýge, túrli is - áreketterge tartý, beıimdilikterin arttyrý. Shyǵarmashylyq oı - qıaldarynyń damýyna yqpal etý. Ata - analar qaýymymen tyǵyz qarym – qatynas qalyptastyrý.

Barysy: Bólme merekege saı bezendirilgen. Ortaǵa 3 bala shyǵady:
1 - bala: Qýanyshtyń aǵaıyn
Qońyraýyn qaǵaıyn
Qýandyryp bizderdi
Ólkemizge kúz keldi!
2 - bala: Aınala sary ala
Qyrmanǵa dán tola
Jemister pisipti
Qoımaǵa túsipti!
3 - bala: Endeshe ne turys
Bolmasyn jan qalys
Toılaıyq, kúleıik
Qýanyp bıleıik!
 Bı "....................."
(Mýzyka jetekshisiniń sheshimimen jalpy bı qoıylady. Barlyq balalar shyǵyp kóńildi bı bıleıdi. Bı aıaqtala bergende bir bala álsireı qulaıdy)
1 - bala: Toqtańdar, toqtańdar!
Boıymnan ál quryp
Kózderim buldyrap
Basym aınalyp barady!
(Basqa balalar kómektesip, demeıdi)
2 - bala: Endi, endi ne etemiz?!
(Qulaǵan balanyń atyn ataıdy) qalaı kómektesemiz?
3 - bala: Sabyr saqta, saspaıyq
Dáriger shaqyraıyq!
1 - bala: Jo - joq! Dáriger kerek emes!
Qazir ózim turamyn tez!
4 - bala: Onda dári iship al,
Mende mine, kóp dári bar!
5 - bala: Aýyrmaý úshin sýyq sýǵa shomylý kerek
Bul - dáleldengen resept!
1 - bala: Ah!
Bári birge: Dáriger, dáriger! ("Jedel járdem" mashınasynyń dybysy estiledi. Dáriger kıimin kıgen bala keledi)
Dáriger: Meni nege shaqyrdyńdar,
Qandaı shaǵym, aryzdar bar?
Bári birge: (Álsirep qulaǵan balany ataıdy) dárigerlik kómek kerek!
Dáriger: Qazir qarap shyǵaıyn,
Neden aýyrǵanyn uǵaıyn... (Fonendoskoppen keýdesin tyńdaıdy)
Dáriger: - A - a - a - dep qane, aýzyńdy ashshy...... (Tekseredi)
Tisteriń ornynda, tamaǵyń ispegen
Qol - aıaǵyń álsizdengen
Qyzýyń yssy eken
Bildim, neden aýyrǵanyńdy...!
Jetkilikti mólsherde aǵzańa
Dárýmender jetispegen!
1 - bala: Endi ne isteımin?
Dáriger: Dárýmender tabıǵı bolǵany durys,
Kóp - kóp kókónis, jemister jeýge tyrys!..
6 - bala: Qazir kúz mezgili tústi ǵoı,
Jemister de, kókónister de pisti ǵoı!
Qoımaǵa qońyraý shalaıyq
Kúz ónimderin osynda aldyraıyq!
7 - bala: Durys aıtasyń! (Qalta telefonymen qońyraý shalady)
- Alo, alo! Qoıma ma?
Bizge jemister men kókónister kerek
Mashınaǵa tıep jiberińiz
Múmkin bolsa tezirek!
(Mashınanyń dybysy estilip, rúl ustaǵan júrgizýshi bala jemister men kókónisterdi «tıep» alyp keledi)
Alma: Men - almamyn, almamyn
Tańdandyrar bal dámim
Pisip toldym, minekeı!
Baptap erek baǵbanym
Órik: Men - órikpin, órikpin
Dámimmen tátti elittim
Súıiktimin sábılerge
Aıtpasam da bólip tym
Júzim: Meni bári júzim der
Bir - birlep dámdep úzip jer
Qyzyqtyram kórkimmen
Qatar - qatar tizilgen
Shıe: Men shıemin, shıemin
Kúnniń kózin súıemin
Qajettimin adamǵa
Ony jaqsy bilemin!
Qıar: Men qıarmyn, sándimin
Salattardyń sánimin
Dárýmenim mol meniń
Jegenge qýat syılaımyn!
Asqabaq: Tańdandyrar bárin
Asqabaqpyn dámdi
Keptirilgen dánim
Taptyrmaıtyn dári!
Kartop: Men kartoppyn, kartoppyn
Bir qarasań - doppyn?!
Nemen jeseń de jaǵam
Meni qossań tátti bolar taǵam!
Qyzanaq: Meniń atym - qyzanaq
Tuzdy seýip molyraq
Bankilerge salyńyz
Aýzyn myqtap jabyńyz
Taǵamǵa dám qosamyn
Qysta tábet ashamyn
Tárbıeshi: Boıǵa qýat nári
Taptyrmaıtyn dári
Ónimderdi ortaǵa ala
Toılaıyq endi shattana!
Án «Altyn kúz»
Tárbıeshi: Altyn kúz, jańbyrly kúz, jomart kúz, sýyǵy shyńdaıtyn, sulýlyǵy arbaıtyn márt kúzdiń toıynda
- sharshaýdy bilmeýge!........ (Balalar qaıtalaıdy)
- kóńildi bı bıleýge!....... (Balalar qaıtalaıdy)
- ásem sazdy án salyp, (Balalar qaıtalaıdy)
- bir - birimizge jaqsy tilek tileýge ant eteıik!
Balalar: Ant etemiz, ant etemiz, ant etemiz!
Tárbıeshi: Qane onda.....
Qyzyqtaıyq birge, súıinelik,
Qolshatyrly qyzdar bıine erip!
Bı «Qolshatyrly qyzdar bıi»
(Bı aıaqtalǵanda úntaspadan jeldiń dybysy estilip japyraqtar ushady)
Tárbıeshi: Tentek jel shashyp ketipti
Japyraqtardy san alýan
Tezirek jınap alaıyq
Qane, qane kim jyldam?!
Oıyn «Kim jyldam?»
Tárbıeshi: Qyzyl, jasyl, sary altyndaı
Japyraqtar kúzdiń kórki
Oılanaıyq, tolǵanaıyq
Kúz týraly ánge eltip!
Án «Kúz»
Tárbıeshi: Jarnamaǵa qulaq túrińizder
Jańalyqtardy bile júrińizder...
- Áp - sátte aq qaǵazǵa kúzgi tabıǵatty, kúz keremetterin beınelegen ata - anaǵa úlken syılyǵymyz bar. Asyǵyńyzdar, asyǵyńyzdar, asyǵyńyzdar! (Birneshe ata - analar malbertte sýret sala beredi)
Tárbıeshi: Ásem ánsiz toı bola ma?
Án arnaıyq kúzge jańa!
Jeke án «Sálem, sálem Altyn kúz!» mýz: A. Espenbetova
Tárbıeshi: Sán áleminen syrttap, qur qalmańyzdar,
«Kúz - 2013» sándi kıimder sherýin tamashalańyzdar!
Sándi kıimder sherýi
Tárbıeshi: Vokaldy top búgin bizde qonaqta
Kelipti kúzge án arnamaqqa!
Jeke án « Egin jınaý» Mýz: A. Fılıppenko
Tárbıeshi: Endi bir sát nazar sap
Maqtaý menen syıǵa laıyq
Sýret ónerin tamashalaıyq!
(Kúz taqyrybyna sýret salǵan ata - analar ortaǵa shyǵyp óz týyndylaryn qorǵaıdy)
Tárbıeshi: Ónerlerińizge rızamyz
Sýretshi ekensizder naǵyz
Syılyǵymyz sizder úshin!
(Kúz taqyrybyna daıyndalǵan japsyrý, kartına, jumsaq oıynshyq túrinde jasalǵan jemis nemese kókónis t. b. syıǵa tartylady)
Tárbıeshi: Jarnama, taǵy jarnama!
Jańalyqtan qur qalma!
Tilek aıtqanǵa syılyq bar
Kúzge arnap ortada!
(Balabaqsha meńgerýshisi - men 1 ata - anaǵa sóz beriledi, syılyqtar beriledi)
Tárbıeshi: Kúz toıyn osymenen tamamdaıyq
Taǵy da jomart kúzge án arnaıyq!
Án «Jomart kúz» 

Qyzylorda qalasyndaǵy №8 «Búldirshin»
sanatorıalyq balabaqshasy komýnaldyq
memlekettik mekemesiniń mýzyka jetekshisi
Jumabekova Bıbigúl Músirephanqyzy