InfoHub Logo

Altyn kúz keldi, baqshama!
Zalǵa mýzyka áýenimen balalar kiredi.
(Balalar án yrǵaǵymen zalǵa kirip, sheńber boıynda turady)
Júrgizýshi: Bereke baq daryǵan,
Jomart kóńil, jarqyn júz,
Sary altynǵa malynǵan,
Jetti mine, altyn kúz!

- Sálemetsińder me, balalar! Búgin bizdiń zal qandaı ádemi, qanshama túrli - tústi japyraqtarǵa toly. Balalar, búgin bizde qandaı meıram?
Balalar: Kúz meıramy!
Olaı bolsa kúz týraly taqpaqtaryn aıtýǵa ortaǵa Álisher, Aqsyndar, Aqmaraldy shaqyramyz.
Álisher: Sarǵaıdy toǵaı,
Sap - sary mańaı.
Sońǵy ánin aıtyp,
Qus ketti qaıtyp.

Aqsyndar: Kúzdiń qazan aıynda,
Alma, almurt pisedi.
Japyraqtar sarǵaıyp,
Sybdyr - sybdyr túsedi.

Aqmaral: Keledi kóship kombaın,
Altyn darıa egindi.
Jınap marjan bıdaıyn,
Kúzimiz netken kóńildi.

Án: «Kúz kelgende». Oryndaıtyn: Hor.
(Balalar otyrady, tarsyldaǵan jańbyrdyń daýysy estiledi).
Júrgizýshi: Oı, balalar! Estip tursyńdar ma? Jańbyr jaýaıyn dep turǵan sıaqty. (Jańbyrdyń daýsymen zalǵa bult kiredi).
Bult: Sálemetsińder me, balalar!
Balalar: Sálemetsiz be?
Bult: Kúzgi kók bult men bolam,
Kóterilip teńizden,
Aspanǵa bıik baramyn,
Qalasam qazir senderge,
Jańbyr bolyp jaýamyn.
(Balalarǵa jańbyr shashady).
Júrgizýshi: Jańbyr jaýmaı toqtaı tur,
Dabylyńdy soqpaı tur.
Saıaǵyńdy túgendep,
Úıirińdi soqpaı tur!
- Biz sen jaıly án bilemiz jáne osy ándi saǵan syılaımyz.
Án: «Jańbyr».
Erasyl: Jetti jelmen altyn kúz,
Jemis jınaý saltymyz.
Jıyp - terip bolǵan soń,
Toı jasaıdy halqymyz.

Aızada: Sap - sary ǵyp dalany,
Boıapty ǵoı kúz degen.
Qustar qanat qaǵady,
Qoshtasqandaı bizbenen.

Eljas: Qarashy, kúz keldi, kúz keldi,
Sary altyn jaýypty izderdi.
Qus bitken kerýen túzedi,
Kóńilsiz netken kúz edi.

Bult: Rahmet, balalar! Qandaı ádemi án! Sender jańbyrdan qoryqpaısyńdar ma?
Balalar: Joq.
Bult: Aıaqtaryńdy sýlaımyz dep qoryqpaısyńdar ma?
Balalar: Joq.
Bult: Qalaı sender barlyqtaryń batylsyńdar? Senderdiń oınaǵylaryń keledi ǵoı, olaı bolsa «Tamshylar men japyraqtar» oıynyn oınaımyz.
(Kilem ústinde tamshylar men japyraqtar shashylyp jatady. Eki - tórt bala shyǵyp, birinshi sebetke tamshylardy, ekinshi sebetke japyraqtardy jınaıdy).
Bult: Balalar, sender barlyǵyń jyldam jáne shapshań ekensińder.
Júrgizýshi: Bult, senimen óte kóńildi. Balalar senimen oınady, kúldi, biraq bizge áli de bireý jetispeıtin sıaqty. Bizde kún joq eken. Qane, balalar, bárimiz meıramymyzǵa kúndi qonaqqa shaqyraıyq. (Balalar oryndaryna otyryp, qoldaryn shapalaqtap, aıaqtaryń typyrlatyp, kúndi shaqyrady). Kún keledi.
Kún: sálemetsińder me balalar? Sender meni shaqyrdyńdar ma dostarym?
Balalar: Iá.
Kún: Men jarqyrap tóbede,
Nuryn tógip turatyn.
Shýaq shashyp bárine,
Bala janyn uǵamyn.

Bult: Kún, kún, toqtaı tur!
Sózime meniń qulaq túr.
İshim toly sýǵa,
Sýsyz ómir bolama?
- Endeshe men bárine kerekpin, men myqtymyn!
Kún: Joq, men myqtymyn!
(Bult pen Kún daýlasyp, aıaqtaryn topyldatady)
Júrgizýshi: Tynyshtalyńdar, Daýlaspańdar! Balalar, kún men bultty tatýlastyrý úshin kúzdi qonaqqa shaqyraıyq.

Mańǵystaý oblysy, Túpqaraǵan aýdanynda
"Aıgólek" bala - baqshasynyń tárbıeshisi
Alıpkalıeva Tajıgýl Ibraevna