InfoHub Logo

1981 jyly 21 jasar Izraıldik saıahatshy Iossı Gınsberg Amazon tropıktik jýnglıinde joǵalyp, úsh apta boıy tamaqsyz, qaýipti jándikter men janýarlar arasynda, óz ómiri úshin kúresýge týra keldi. Óz jolynda Iossı ıagýarlar, ýly jylandardy kezdestirgen. Onyń osy erligi týraly "Netflix" 2017 jyly kıno shyǵaryp, búkil saıahatty kınoplenkaǵa túsirdi.

^{Iossı Gınsberg sapar aldynda}

Amazon jýnglılerin kórý Iossıniń buryńǵy maqsaty bolǵan. Sondyqtan ol otanynda áskerı daıyndyqtan ótken soń, birshama aqsha jınap, Ońtústik Amerıkaǵa saparǵa shyǵady.

Jol barysynda 21 jasar jigitke taǵy eki adam qosyldy: Markýs Stamm, Shveısarıalyq muǵalim, jáne Kevın Geıl, Amerıkalyq fotosýretshi. Bolıvıa elindegi La Pas qalasynda saıahatshylar toqtap, jergilikti jerdi aralaǵan kezde, olar Avstrıalyq Karl Rýprehterdi kezdestirdi. Jigitterge ol ózin Amazonǵa altyn izdeýge bara jatqan geolog retinde tanystyrdy. Iossı oǵan senip, ózimen birge alýyn suraıdy. 

Saıahat bastalǵanda, tórt adam Asarıamas ózenine kóterilip, Amazonkanyń belgisiz aımaqtaryna bardy. Biraq azyq-túlik taýsylǵandyqtan, olar birte-birte álsireı bastady.

Jigitterdiń jaǵdaıy tipten nasharlaǵan soń, olarǵa maımyldardy óltirip, jeýge týra keldi.

Aqyrynda top óz saparyn tastap, oralýǵa jol izdestirgende, top ekige bólindi. Rýprehter men Stamm jaıaý qaıtýdy kózdese, olarmen urysyp qalǵan Gınsberg pen Geıl sý arqyly, jasandy salmen qaıtýdy kózdedi. 

Kóp uzamaı Gınsberg pen Geıl úlken máselege tap boldy. Ózen aǵysy sarqyramaǵa jaqyndaǵan tusta kúsheıip olar saldy basqara almaı qaldy. Geıl jaǵaǵa jetkende, Gınsberg basyn sýdan joǵary ustaýǵa tyrysyp joǵary aǵyspen júzýdi jalǵastyrdy. Sýdyń kúshi Gınsbergti jarty saǵat boıy súırep júrdi. Áıteýir degende Gınsberg jaǵajaıǵa jetkende, Geıl ekeýi birin-biri joǵaltqandaryn túsindi. Bes kúnnen keıin Geıldi jergilikti balyqshy kórip, qutqardy. Al Gınsberg bolsa jýnglıden úsh apta boıy shyǵý jolyn izdeıdi. 

Osy ýaqyt ishinde Gınsberg úlken qaýipterdi kezdestirgen. Onyń biri — ıagýar. Túnde jyrtqysh mysyq pen saıahatshy betpe-bet kezdesedi. Osy kezde Gınsberg Djeıms Bond fılminen alynǵan qýlyqty paıdalandy, shybyn qýatyn spreıdiń aldyna shaqpaq qoıyp, ıagýardy otpen qorqytyp jiberedi. 

Saıahattyń sońyna qaraı ol áıeldi kezdestirdi. Saıahatshynyń aıtýynsha ol áıelmen únemi sóılesip turǵan, alaıda ol jaýap bermegen. Gınsberg olar ekeýine uıyqtaıtyn jer salyp, áıelge oryn qaldyrdy. Bul áıel galúsınasıa bolǵan. Áıel kenet joǵalyp ketkende, 21 jastaǵy jigit ony esinen tanyp qaldy dep alańdaǵan.

Kóp uzamaı ol qaıyqtyń daýysyn estıdi. Qutqarylǵan Kevın Geıl qutqarý (izdeý) operasıasyn uıymdastyryp, qutqarýshylar tobymen birge Iossı Gınsbergti taýyp alady. 

Al saıahattyń basqa qatysýshylary, Rýprehter men Stammdy áshkim taba almady. Kishigirim zertteý nátıjesinde Rýprehter jigitterdi aldap shyqqany anyqtaldy. Ol eshqandaı geolog emes, jigitter barǵan jerde eshqandaı altyn bolǵan joq. Shyn máninde Rýprehter InterPol izdep júrgen qylmysker bolyp shyqty. 

Osydan keıin Iossı AQSH pen Aýstralıada ómir súrip, kásipkerlikpen aınalysyp motıvasıalyq spıker bolyp jumys istedi.

---