InfoHub Logo

Taqyryby: «Ana bizdiń kúnimiz»
Maqsaty: Ár adam úshin basty tulǵa – Ana týraly túsindirý.
Balalardyń tilderin, oılaý qabiletin damytý.
Analaryn syılaýǵa tárbıeleý.
Kórnekiligi: Sharlar, qanatty sózder, plakat, tehnıkalyq qural.

Júrisi:
Tárbıeshi: - Qosh, keldińizder, aıaýly analar, qadirli ustazdar! Kóńilderińizge kóktem shýaǵyndaı sezim men nur quıyp, 8 – naýryz merekesi de kelip jetti. Osynaý kóktem merekesiniń qaı kezde de orny bólek. Olaı bolatyny, analarǵa ystyq sezim, alǵys pen qurmet eshqashan sónbek emes. Olar – ómirdiń gúli, kóńildiń jyry, ár otbasynyń altyn dińgegi. Mynaý tynymsyz tirshilik pen keń dúnıeniń ózi tek analar men ajarly tańmen birge árbir sábı júregi óziń dep soqsa, búgingi «Ana bizdiń kúnimiz» atty erteńgiligimiz sizderge arnalady. Endi balalarymyzdyń ónerin tamashalańyzdar.

İ júrgizýshi: Toı perdesin ashaıyq
Toıǵa shashý shashaıyq
Analardy qurmettep
Án marjanyn ashaıyq.

İİ júrgizýshi: Sizderden ósken balalar
Batyrlar men danalar.
Quttyqtaımyz meırammen,
Qurmetti abzal analar.

İ júrgizýshi: - Qymbatty aq jaýlyqty ájeler, asyl analar! Sizderdi kóktem aıynyń eń alǵashqy meıramy 8 – naýryz merekesimen quttyqtaımyn!
İİ júrgizýshi: - Kóktemgi kúnniń kózindeı jyly júzdi, nurly kelbetti analarymyzdy, synyptas qyzdardy kóktemniń shuǵylaly merekesimen quttyqtaımyn!

Jannur: Qýanamyz, syılaımyz,
Qýanyshtyń myń gúlin.
Analardy quttyqtap,
Jyrdan shashý arnaımyz.

Janat: Ún qatasyń bal tilmen
Erkeleımin ár kún men.
Quttyqtaımyn, anashym,
Segizinshi naýryzyńmen!

Aıan: Balanyń da tiregi
Dalanyń da tiregi.
Shanshymasyn eshqashan
Analardyń júregi.
Bárińiz de anasyń,
Biz úshin kún bop janasyń.
Qutty bolsyn, meıramyń,
Quttyqtaımyn anashym!
Bı: «Kóńildi balalar». Oryndaıtyndar: Aıan, Aıym, Parasat, Aqgúl, Bereke, Bıbinur

Aqerke: Anam meniń panam ǵoı,
Sodan qorǵan tabam ǵoı.
Asyqpa anam, erteń aq
Otyn bolyp janam ǵoı.
Anam meniń asyl jan,
Qushaǵy nur shashylǵan.
Kún sekildi kúledi
Sıpap ylǵı basymnan.

Aıym: Qutty bolsyn, ardaqty anam,
Asyl anam merekeń!
Qutty bolsyn teńdik alǵan
Qýanyshty merekeń!
Murat, múlde, maqsatym
Jaqsy kún men jaqsy tún.
Naǵyz baqyt ananyń
Aqtaý der em aq sútin.

Parasat: Segizinshi naýryz kúnin
Meıramdaıdy analar.
Analardyń shattyǵyn
Quttyqtaıdy balalar.
Án: «Quttyqtaımyn, mama»

Ádemi: Analardy súıemiz,
Sózin oıǵa túıemiz.
Ájeni de ardaqtap,
Ádeppen bas ıemiz.
Álpeshtegen balasyn
Ana – baqyt, ana – jyr.
Árkim súıip óziniń
Maqtan eter anasyn.

Gúlhan: Aqyl quıǵan sanama
Kúnnen artyq rasynda.
Kún alysta, al anam
Ylǵı meniń qasymda.
Bı: «Chýnga - changa» Jumatqyzy Janat
Tárbıeshi: - Búgingi meıram analardiki ǵana emes, ardaqty ájelerdiki de. «Qarıasy bar úıdiń qazynasy bar» - beker aıtylmaǵan. Kelesi quttyqtaýlarymyz sizderge arnalady qurmetti ájeler!

Aıshabıbi: Ájemdi meıramymen quttyqtaımyn,
Aıtatyn án, beretin gúlim daıyn.
«Ájetaı seni jaqsy kóremin» dep
Aqyryn qulaǵyńa sybyrlaımyn.

Sultan: Óziń meni ósirgen,
Aınalaıyn, aq ájem.
Tentek bolsam keshirgen
Shóldediń be, dana ájem.
Shaı qaınatyp bereıin,
Sheker salyp jan ájem.
Ózim quıyp bereıin,
Baldaı tátti bal ájem.

Janat: Óskende men al endi,
Aralaımyn álemdi.
Syılyq ákep ájeme,
Tań qaldyram bar eldi.
Qyzdardyń oryndaýyndaǵy bı: «Aıgólek»

Ásem: Shýaq tógip kúlimdeıtin qarasam,
Anashymdy kúnge ǵana balasam.
Jer betinde eń jaqynym ózińsiń
Mápeleısiń, aıalaısyń árqashan!

Aqgúl: Aınalaıyn anashym,
Kókte kún bop janasyń.
Et júregiń eljirep
Qushaǵyńa alasyń.
Syılaǵan maǵan ómirdi
Anashym meniń aıaly.
Júregi jumsaq kóńili
Kún shýaqty saıaly.

Nursultan: Teńdesi joq danasyń,
Arqa súıer panasyń.
Eńbegińdi aqtaımyn
Aman bolshy anashym!

Ásel: Ana bizdiń kúnimiz,
Ana bizdiń gúlimiz.
Ulandy ana qýantyp,
Uzaq ómir súrińiz!

Bereke: Erlik eńbek atqarǵan,
Eńbegimen maqtalǵan,
El senimin aqtaǵan,
Aınalaıyn, aq anam!
Bizdi ósirip baptaǵan,
Jaqsy bolsaq shattanǵan,
«Altynym» dep maqtaǵan,
Aınalaıyn, aq anam!

Mahmýd: Naýryzdyń segizi
Sulýlyqtyń negizi.
Ádemi sózi balanyń,
Anaǵa aıtar lebizi.
Anasyz joq bir kúniń,
Ájesiz joq bir kúniń.
Usynamyz biz búgin,
Sózdiń sulý shoq gúlin.
Uldardyń oryndaýyndaǵy bı: «Qara jorǵa»

Tárbıeshi: - Osymen bizdiń merekemiz aıaqtaldy, qymbatty da aıaýly analar men ájeler! Merekelerińiz qutty bolsyn! Álemdegi eń sulý, eń meıirimdi, eń qamqor adam osy otyrǵan sizdersizder. Denderińiz saý, kóńilderińiz shat bolsyn, árqashan aman bolaıyq!