InfoHub Logo

Taqyryby: Ana – ómir bastaýy atty bastaýysh synyptaryna arnalǵan synyptan tys is shara.
Maqsaty: Ana – ómirdiń bastaýy, ómirdiń jalǵasy degen uǵymdy oqýshylarǵa usyna otyryp, anaǵa degen mahabbatyn odan ári qalyptastyryp, anany qurmetteýge, baǵalaýǵa tárbıeleý.
Mindeti: Gramatıkalyq tapsyrmalar arqyly oqýshylardyń ana tilin bilip, qurmetteýge baýlý.
Qoldanylatyn ádis – tásilder: Interaktıvti taqta, saıys tapsyrmalary.
Barysy.
İ. Uıymdastyrý. (Aıaýly anam atty óleńi qosylyp, slaıdtan sýretter kórsetiledi).

Sálemetsizder me, oqýshylar! Búgingi synyptan tys sharanyń taqyryby – «Ana - ómirdiń bastaýy» dep atalady. Álemdegi eń keshirimdi, eń meıirimdi jan – ana. Onyń meıirimdiliginde shek joq. Óz balasyn baǵyp - qaǵýda ana ózin - ózi umytyp, barlyq kúsh - jigerin perzentine jumsaıdy, ol arqyly onyń jany nurlana, nárlene túsedi. Al balanyń anaǵa degen mahabbaty jetkiliksiz. Ony barynsha qurmet tutyp, qasterleý árbir balanyń boryshy. Ana mahabbatyn sózben aıtyp jetkizý múmkin emes.
Endi, oqýshylar búgingi is sharany bastaıyq. Kim ana jaıynda óleń biledi? Qanekı, ortaǵa shyǵyp, ana týraly taqpaqtar aıtaıyq.

1 oqýshy:
Álemniń jaryǵyn,
Syıladyń sen maǵan!
Dalanyń ár kúnin,
Jınadyń sen maǵan!

2 oqýshy:
Ózińsiń ǵoı ómirimniń tiregi.
Aman júrseń - maǵan sol ǵoı keregi.
Baqytty bol, aýyrma dep tileıdi
Sábıińniń judyryqtaı júregi!

3 oqýshy:
Óteýge boryshym,
Anashym jan syrym.
İzdedim sen úshin,
Álemniń asylyn.
Álemniń baılyǵyn,
Syılar em kesh meni.
Syılar em aı, kúnin, qolyma túspedi.

İİ. Saıys sabaq.
Jaraısyńdar, oqýshylar! Ana týraly kóp taqpaq biletin ekensińder. Búgingi is sharany saıys túrinde ótkizeıik. Úsh topqa bólineıik, ár toptan bir oqýshy kelip, myna dorbashadan toptyń aty jazylǵan stıkerdi alyp shyǵady. Al qanekı, birinshi toptyń ataýy – Báıterek, ekinshi toptyń ataýy – Juldyz, úshinshi – Qarlyǵash. Endi búgingi ádilqazylarmen tanysaıyq. Qazaq tili jáne ádebıet pániniń muǵalimderi Kaıkına Altynaı jáne Akaýov Toqtar. Osy ádilqazylar oqýshylardy baǵalaıtyn bolady. Al endi saıysymyzdy bastaıyq.
1-tapsyrma. Myna sýretti sózjumbaqty shesheıik. Qaı top birinshi jáne durys jaýap berse sol top jeńimpaz atanady.

Ana – ómir bastaýy atty bastaýysh synyptaryna arnalǵan synyptan tys is shara. júkteý