InfoHub Logo

Taqyryby: Ana - ómirdiń shýaǵy
Maqsaty: 1. 8 - naýryz Halyqaralyq áıelder merekesin atap ótý.
2. Anaǵa degen meıirimdi, súıispenshilikti arttyrý, úlkenge izet, kishige úlgi bola bilýge úıretý.
3. Oqýshy boıynda izgilik, ınabattylyq, bıazylyq sıaqty qazaq qyzyna tán jaqsy qasıetterdi qalyptastyrýǵa tárbıeleý.
Kórnekiligi: Zal merekege saı ásem bezendirilgen. Sharlar, slaıd.

Muǵalim:
- Armysyzdar, baqytty balalyq shaǵymyzdyń shat kóńildi ótýine barlyq jaǵdaıdy jasap otyrǵan aıaýly da ardaqty analar! Sizderdi 8 - naýryz halyqaralyq áıelder merekesimen shyn júrekten quttyqtaımyz!
- Adam boıyndaǵy jaqsy qasıet kúnniń nurynan, ananyń aq sútinen jaralǵan. Sondyqtan qurmetti asyl analar, qadirli ájeler búgingi «Ana - ómirdiń shýaǵy» atty merekelik keshimiz sizderdiń qurmetterińizge arnalady.

1. Araılym: Qosh kelipsiz, qurmetti ata - analar,
Júzderińnen meıirimmen nur tamar.
Aldaryńda jaýqazyndaı qulpyrǵan.
Balǵyn shaqty biz baqytty balalar!

2. Erasyl: Mereke qutty bolsyn, analarym,
Mápelep, erkelettiń, aıaladyń
Lebizińe alǵysty aıta kele
Án jyrymdy qabyl al analarym!

Araılym: - Qymbatty ustaz - analar, arýlar! Kóńilderińizge kóktem shýaǵyndaı sezim men nur quıyp, taǵy da 8 - naýryz halyqaralyq áıelder kúni keldi.
Erasyl: - Osynaý kórkem merekeniń qaı kezde de orny bólek. Olaı bolatyny, analarǵa degen ystyq sezim, alǵys pen qurmet eshqashan sónbek emes.
Araılym: - Olar - ómirdiń gúli, kóńildiń jyry, ár otbasynyń altyn dińgegi. Mynaý tynymsyz tirshilik pen keń dúnıeniń ózi tek analarmen ajarly.
Erasyl: - Búgingi araılap atqan nurly tańmen birge árbir sábı júregi óziń dep soqsa, búgingi merekelik keshimiz de analarǵa arnalady.

1. Elnazar: Sizderden ósken balalar
Batyrlar men danalar.
Quttyqtaımyz meırammen,
Qurmetti abzal analar.

2. Eldar: Qutty bolsyn analardyń meıramy,
Jarqyrańdar jaz kúnindeı jaıdary.
Merekesi bul kóktemniń alǵashqy,
Baqyt bersin ár kóktemniń aılary.

3. Aıaýlym: Dúnıede eń kemeńger danany,
Ana tabady, aıalaıdy baǵady.
Sol úshin de qudiretińe bas ıip,
Qurmetteıik qasıetti – anany.

4. Aıjan: Mereıli sát merekege ulasyp,
8 - naýryz keldi qyr asyp.
Qyz - kelinshek, názik jandar meıramy,
Kóktemimniń shapaǵatyn tur shashyp.

Án: «Analar altyn». Analarǵa ashyqhattaryn tapsyrady.
1. Madına: Qurmetteıik, o adamdar, analardy,
Bizdi ómirge ákelgen danalardy.
Sebebi ana degen asyl jan ǵoı,
Oılaýmenen istelik ár qadamdy.
2. Maqsat: Aq sútinen jaralǵan,
Aq sútinen nár alǵan,
Anaǵa bas ıemiz!
Týǵan eldiń tili dep,
Týǵan jerdiń úni dep,
Anaǵa bas ıemiz!
3. Arýjan: Adam bar ma ana sútin tatpaǵan,
Alýan - alýan aýyr syndy attaǵan,
Adaldyqty ar - namysty saqtaǵan
Men ananyń sonysyna maqtanam.

Erasyl: Teńizdeı terbetilip kól betinde
Bıshiler bılep ketti terbetile.

Aqqýdaı qalyqtaǵan teńizdegi,

Bıshiler ónerlerin kórsetýde, - deı otyryp kelesi kezekti «Kóktem válsi» bıine beremiz.

1. Daıana: Ana deımiz bárimiz de ańqyldap,
Ana deıdi jas sábı de jarqyldap.
Ana degen báıteregi ómirdiń,
Ana degen — altyn qazyq, altyn baq.
2. Alıbı: Ana degen — asyl jandar bolattaı,
Ana degen — móldir jandar bulaqtaı.
O, adamdar, qadirleı bil Anany,
Jat qylyqqa aqyl - oıdy tonatpaı.
3. Araılym. M: San myń shákirt ózińnen tálim aldy.
Aıaýly Ustaz - ana, isińniń bári unamdy.
Ár kún saıyn atyńdy qaıtalaımyn.
Eske alǵandaı tań saıyn án urandy.