InfoHub Logo

Mýzyka 2 synyp
Sabaqtyń taqyryby:«Ǵajaıyp mýzyka ertegisi»
Sabaqtyń maqsaty: 1. Qazaq halqynyń mol murasymen tanystyrý, sonyń ishinde balaǵa eń jaqyn ańyz - ertegiler álemimen tabystyrý.
2. Mýzykalyq ertegi sóziniń mánin túsindirý negizinde balany erteginiń qyzǵylyqty da mándirek bolýy úshin mýzykany tyńdaýǵa tárbıeleý.
3. Oqýshylardyń ulttyq aspaptar jónindegi túsinigin keńeıtý, olardyń mýzykaǵa, ulttyq aspaptarǵa degen qyzyǵýshylyǵyn damytý.
Sabaqtyń kórnekiligi: ınteraktıvti taqta, mýzykalyq ortalyq;
Sabaqtyń túri: saıahat sabaq.
Sabaqtyń ádisi: baıandaý ádisi

Sabaqtyń barysy:
1. Uıymdastyrý.
2. Úı tapsyrmasyn tekserý.
3. Jańa sabaq. Sabaqtyń júrisi:
Sabaǵymyz «Ǵajaıyp mýzyka ertegisi» dep atalady. Sondyqtan sabaqty mýzykalyq ertegi jelisimen ótkizemiz.
Ertegi - aýyz ádebıetinen mol oryn alatyn jáne jazý óneri bolmaǵan kezde aýyzsha shyǵarylǵan kúrdeli shyǵarmalardyń bir túri.
Men sizderge «Sıqyrly aspaptar» ertegisin aıtyp beremin, durys kóńil qoıyp otyryńyzdar, óıtkeni men sizderge ertegi barysynda jumbaqtar jasyramyn. Jumbaqtardy sheshýge kómektesesińder.
Burynǵy ótken zamanda bir kúıshi ǵumyr keshipti. Bala kezinen óner qýyp, kúı shertipti. Ómir boıy dombyra, qobyz, jetige, sybyzǵy, shańqobyz aspaptaryn jasapty. (osy kezde slaıdtan atalǵan aspaptar kezekpen shyǵyp turady) Onyń oryndaǵan kúılerin tyńdaǵan adamdar da, jan - janýarlar da júrekterine tátti shyryn quıylǵandaı erekshe sezimge bólenedi eken. Syrqat adam aýyrǵanyn, muńdy adam qaıǵysyn umytyp, jylaǵan bala jylaǵanyn toqtatyp, ómir boıy osylaı bolýdy qalap, sıqyrly sáttiń bitpeýin tileıdi eken. Kúıshiniń jáne onyń aspaptarynyń erekshe sıqyry da osyndaı eken. Jyldar ótip, kúıshi qartaıypty. Kúıshi:
- Kimde kim meniń sıqyrly aspaptaryma til bitirip shyrqatsa, sol adamǵa aspaptarymdy mura etip qaldyramyn,- dep jar salady.
Sol zamanda Ónerbaı degen kisiniń jeti uly bolypty. Olar shetinen ónerli, aqyldy. Daryndy bolyp ósken eken. Olar óner, bilim izdep el aralap júrip, kúıshiniń úıine keledi. Balalar amandasyp úıge kirgende ilýli turǵan aspaptar syr shertkisi kelip turǵandaı kúńirenip ketedi. Endi, balalar, qarıanyń aspaptaryn muraǵa alýy úshin ne isteýi kerek dep oılaısyńdar? Árıne jasyrǵan jumbaqtaryn sheshýleri kerek.
- Durystap tyńdańdar. Qarıanyń birinshi jumbaǵy:
Toǵyz belbeýli,
Eki terbeýli
Qos qulaqty
Úni unamdy (6 slaıd)

- Káne kim aıtady? Bul qandaı aspap? Durys jaýabyn bergen bala taqtaǵa shyǵyp, qolyna dombyra aspabyn alady. (dombyrada kúı estilip turady)
Únim meniń shalqıdy bar ǵalamǵa,
Arnaımyn saz - kúıimdi bar adamǵa.
Qurmanǵazy, Táttimbet, Dına ájemniń
Kúılerin kim jetkizer bolashaqqa.
- Qarıanyń ekinshi jumbaǵyn tyńdańyzdar:
Bas, qulaq, moıny bar,
Úp - úlken shanaǵy bar.
Ysqyshpen ysqanda
Ándetip shyǵar taǵy áni bar.(7 slaıd)
- Káne kim aıtady? Bul qandaı aspap? Durys jaýabyn bergen bala taqtaǵa shyǵyp, qolyna qobyz aspabyn alady. (qobyzdyń úni estilip turady)
- Ata Qorqyt jasaǵan nar qobyzbym
Tarıhty da jyrlaǵan naz qobyzbyn
Qansha ǵasyr ótse de kıelimin.
Urpaqtarmen birge jasap kelemin.
- Qarıanyń úshinshi jumbaǵyn tyńdańyzdar:
Jeti ishekten jeti túrli ún shyǵar,
Áýezinen jeti taraý muń shyǵar.
Oınap ketseń jeti túrli muń shyǵar,
Bul qandaı aspap?
- Káne kim aıtady? Bul qandaı aspap? Durys jaýabyn bergen bala taqtaǵa shyǵyp, qolyna jetigen aspabyn alady. (jetigenniń úni estilip turady)
- Qaıǵy basqan qarıanyń
Zaryn jyrlap beremin
Jeti ulyna arnalǵan
Kúıdi shertip beremin.
- Qarıanyń tórtinshi jumbaǵy:
- Syzylǵan úni, súıkimdi tili,
Úrleseń oınaıtyn, aspaptyń biri