InfoHub Logo

Taqyryby: Ana - ómirdiń shýaǵy
Merekelik keshtiń basty maqsaty: Názik jandy arýlarymyzdyń qoǵamdaǵy róliniń aıtarlyqtaı ekendigin dáleldep, olarǵa qýanysh syılaý. Oqýshylardyń olarǵa degen izgi nıetterin kórsetý.
Keshtiń kórnekiligi: Elbasy joldaýy, Joldaýdan úzindi jazylǵan qaǵazdar, ulaǵatty sózder, sýretter, shar, shaqyrý bıleti, úntaspa, gúl t. b.
Keshtiń barysy: Qonaqtardy keshke shaqyrý, olardy qarsy alý, tilek bildirý, óner kórsetý, quttyqtaý sózder, qorytyndy sóz, jalpy qorytyndy jasaý.
Beınerolık «Ana baqyty»

1 - júrgizýshi: Armysyzdar, aıaýly analar, qurmetti ustazdar, gúldeı qulpyrǵan qyzdar! Barlyǵymyz asyǵa kútken kóktemniń alǵashqy kúnderimen birge 8 naýryz Halyqaralyq áıelder kúni de kelip jetti. Bul - bir qolymen besikti, ekinshi qolymen álemdi terbetken analar men názik jandy qyzdar qaýymynyń tól merekesi.
Senen ósken balalar,
Batyrlar men danalar.
Quttyqtaımyz meırammen,
Qurmetti, jan analar!
(Eki júrgizýshi sózin aıaqtaı salysymen sahna tórinde turǵan oqýshylar, fleshmob bıleıdi de, sahnadan shyǵyp ketedi).

2 - júrgizýshi: Qosh keldińizder, qurmetti analar men mektebimizdiń ustaz, qyzdary! Búgingi merekelerińiz qutty bolsyn! Sizderge sarqylmaıtyn densaýlyq, uzaq ǵumyr tileımiz. Osy kúni ózderińizge baǵyttalǵan tilekter perishteniń qulaǵyna shalynsyn. Árdaıym bizderdiń janymyzda júre berińizder.
Ana desem sheshek ashyp janary,
Ómirimniń bastaý alar ajary.
Ana degen tirshilikke pana bop,
Árbir úıde juldyz bolyp janady, - deı otyryp, alǵashqy merekelik quttyqtaý sózdi synyp jetekshimizge beremiz.

1 - júrgizýshi:
Biz ǵana emes, qadir tutqan babalar.
Analardan týǵan nebir danalar.
Ana degen tirshiliktiń tiregi,
Armysyzdar, qasıetti analar!
2 - júrgizýshi:
Shalqyp, tasyp ánimiz
Jadyrasyn janymyz,
Ana, seni quttyqtap,
Ándetemiz bárimiz.
Aldaryńyzǵa Ábilmansurdyń oryndaýyndaǵy «Ana» atty ánin qol soǵyp qoshemettep qarsy alyńyzdar.
1 - júrgizýshi:
Barsha ana qutty bolsyn merekeńiz,
Árqashan ana sizben berekemiz.
Aqtasaq aq sútińdi, asyl anam,
Sonda biz kisilikke teńesemiz,- deı otyryp ul - qyzdaryńyz júrekjardy tilekterin usynady. Oqýshylar óleńder oqıdy.

1 - oqýshy: Anasyzdar, ár úıge panasyzdar,
Bala dese ot bolyp janasyzdar.
Sátti bassa urpaǵyń,- mereı tasyp,
Qyz kúlkisin sýsyn qyp qanasyzdar.

Ana - ómirdiń shýaǵy. júkteý