InfoHub Logo

Ókpe, renish, olardy bildirý joldary» taqyrybynda júrgiziletin psıhologıalyq jattyǵý

Sabaqtyń taqyryby: Meniń emosıam. minez - qulyq jattyǵýy
Maqsaty:
▪ Jasóspirimderdiń kommýnıkatıvtik mádenıetin damyta otyryp, olarǵa qarym - qatynas jasaý tásilin úıretý.
▪ Janjal jaǵdaılarda konstrýktıvti áreket jasaı bilýdi qalyptastyrý..
Kútiletin nátıje:
 Jasóspirimderdiń kommýnıkatıvtik mádenıeti damıdy, qarym - qatynas jasaý tásilin úırenedi.
Janjal jaǵdaılarda konstrýktıvti mádenıeti damıdy, qarym - qatynas jasaı biledi.
Kórnekiligi: Jattyǵýlarǵa qajetti materıaldar.
Túri: slaıd - prezentasıa

1. «Meniń emosıam» jattyǵýy
Maqsaty: artısik qabiletti belsendi etý, ózin erkin sezinýge jetý, emosıasyn sıtýasıalarǵa para - par etip kórsete bilý iskerligin qalyptastyrý.
Ýaqyty: 10 mınýt.
Materıal: Adam tániniń músheleri jáne emosıasy belgilengen túrli emosıa toptamalary. Toptamalarda túrli emosıalar berilgen, olar: «Qaıǵy bet», «Qýanysh erin», «Renjý oń qol», «Kókirektik arqa», «Qorqynysh aıaqtar», «Tańqalý Qastar».
Nusqaý: Men qazir sizderge adam táni men emosıalyq jaǵdaıy belgilengen toptamalar taratamyn. Sizder ony muqıat qarap, emosıany beıneleńizder. Mysaly «Qaıǵy qoldar» toptamasy neni bildiredi sony qoldyń kómegimen kórsetý qajet. Toptyń mindeti – sol emosıany anyqtap tabý.
Taldaý:
Emosıanyń sizder úshin qandaı mańyzy bar?
Adam ómirinde ol qandaı rol atqarady?
Ol qandaı ómirlik sıtýasıalarda týyndaýy múmkin?

2. «Óz emosıańdy qalaı basqarý kerek» mını - leksıa
Maqsaty: emosıany basqarýǵa úıretý.
Ýaqyty: 10 mınýt.
Jaǵymsyz emosıany qalaı ketirýge bolady?
Sizdi túsinetin dostaryńyzdyń arasynda jaǵymsyz emosıańyzdan arylý. Eger siz bir jaǵymsyz emosıańyzdan arylǵyńyz kelse, onda jastyqty uryńyz, bet oramaldy qurǵaq bolsa da syǵyńyz. Ashý energıasy ıyq, qoldyń joǵarǵy bóliginde jáne saýsaqtarda jınalady. Kez kelgen dybys shyǵaryńyz, ashý kúshi moınyńyzǵa tyǵylyp qalýy múmkin. Tolyqqandy arylý qandaı da bir sport túrimen aınalysýda shyǵady. Sondyqtan da naǵyz sportshylar dene jáne jan saýlyǵyna ıe. Adamǵa tabıǵattyń jaqsy áseri mol. Qıyn jaǵdaıda serýen jasaý, ózen aǵysynan jáne kóldiń móldirligine qaraý, taza aýamen tynystaý kóp kómektesedi. Tynys alý arqyly emosıany retteý. 3 - 4 qysqa tynys alý men ony shyǵarý mıǵa baratyn ımpúlster aǵyny jaqsaryp, streske áser etedi. Sosyn tereń tynys alý qajet.
Tabıǵat bizdiń mıymyzǵa túsetin psıhıkalyq aýyrlyqtan qorǵanýdyń tamasha quraly jylaý men kúlkini bergen. Kúlki júıke júıesiniń erekshe qorǵanyshy. Ol qaýipti ımpúls aǵymdarynan qutqarady. Osy jattyǵýda jylaý men kúlkiniń, emdik qasıetteri birigedi. Al endi emosıany retteıtin birneshe jattyǵýlar jasaımyz.
1. Bas barmaqty ishine qaratyp, judyryqtańyz. Tynysyńyzdy jaımen ishke jınap, judyryǵyńyzdy qysyńyz. Sosyn judyryǵyńyzdy birtindep bosatyp, tynysyńyzdy shyǵaryńyz. 5 ret qaıtalańyz. Endi osy jattyǵýdy kózdi jumyp jasaımyz. Bul tıimdiligin arttyrady.
2. Eki grek jańǵaǵyn alaqanda aınaldyryńyz. Eki alaqanǵa kezekpen jasańyz.
3. Kishkentaı bóbek saýsaǵyńyzdyń basyna massaj jasańyz.
4. Jańǵaqty kishkentaı bóbek saýsaǵyńyzǵa jaqyn ornalastyryp, ekinshi alaqanmen 3 mınýttaı aınaldyryp qımyl jasańyz.
3. «Buzyq telefon» jattyǵýy
Maqsaty: Zeıindi damytý, emosıalyq qataıýdan aryltý, kóńil - kúıdi kóterý.
Ýaqyty: 10 mınýt.
Nusqaý: Sizder aspan jáne jer prınsıpi boıynsha eki topqa bólinesizder. Eń sońynda turǵan adam aldaǵy turǵan adamnyń ıyǵynan túrtip qaratyp alyp, bı qımylyn kórsetedi. Qaıyrylyp qaraǵan adam bı qımylyn esine saqtap, kelesi adamǵa adamdy qaratyp, osylaısha jattyǵý jalǵasady. Sosyn top aıaqtalǵanda, bıdiń alǵashqy nusqasy men sońǵysy salystyrylady. Sóıtip, alǵash bı qımylyn kórsetken adam toptyń bas jaǵyna barady.
Taldaý: Kóńil - kúıińizben bólisińiz. Qımyldy oılap taýyp, ony qaıtalaý qıyn boldy ma? Oıynnyń maǵynasy ne?

Meniń emosıam minez - qulyq jattyǵýy. júkteý