Ana qýanyshy
OQO Shymkent qalasy №103 JOM
5 «B» synyp oqýshysy: Qýanyshbaeva Zarına
Pán muǵalimi: Amıreeva Aıgúl
Meniń eń jaqyn dosym anam... Men anamdy qatty jaqsy kórem. Bul dúnıede qaı bala anasyn jaman kóredi. Osy anamyz shyr-pyr etip, kúndiz-túni jumys istep, «Men jemegendi balam jesin, men kımegendi balam kısin» deıdi ǵoı. Múmkin bireýlerdiń jaman jolǵa túsip ketkennen keıin shyǵar, jaman kóretinderi. Biraq sonda da ana júregi «balam» dep eljirep turady ǵoı. Ana degen, sen týylǵannan bastap seni mápelep, aıalap, kishkentaı kezinen bastap eliniń patrıoty bolsyn dep tárbıeleıdi. Seniń jetistikterińdi kórgisi keledi.
Bir kúni men sabaqtan kóńildi bolyp keldim. Meniń kóńildi bolyp kelgen sebebim, barlyq sabaqtan toqsandyqqa «bes» shyqqan edim. Men kıimderimdi aýystyrmaı turyp, tabeldi anama kórsettim. Sol kezdegi anamnyń kórseńizder ǵoı. Meni maqtan etip:
- Osy betińnen qaıtpa. Sen osylaı oqysań, elińniń patrıoty bolasyń, -degen bolatyn. Men anamnyń sol kúndegi sózinen bir sózdi túıdim. Eger men osy betimnen taımasam kóleńke jerde otyryp, qarnym toq bolyp, ýaıymym joq bolady. Al egerde oqymaı, sabaqty nashar oqysam, kúnniń ystyǵynda aýyr-aýyr kirpishter kóterip júremin.
Aǵaıyndar, Bul ómir ózi bir ret qana keledi. Osy bir ret keletin ómirde qolymyzdan kelgenshe analarymyzdy qýanyshqa bóleıik!
You Might Also Like
