InfoHub Logo

Ózdiginen ushatyn apparattar («dron» dep te atalady) dúnıe júzine kóz ilespes jyldamdyqpen taralyp  jáne kúnnen kúnge tehnologıalyq jaǵynan kúrdelenip keledi. «Drondar» týraly bárin bilemin dep oılaısyz ba? Tekserip kóreıik.

Sizge arnap eń qyzyqty derekterdi árqaısysyna sáıkes fotosýrettermen dáıektep usynyp otyrmyz.

Bastapqyda ózginen ushatyn apparattar –drondar komersıalyq emes, áskerı maqsatpen jasalǵan. Olar áskerı operasıalarda qoldanylýy tıis bolǵan. Qazir jospar tabysty oryndaldy: keıbir apparattar jaý tylynda kózge túspeı barlaý jasaıdy, qarsylastyń nysandaryna dál tıetin soqqy beredi. Aıtalyq, ásker vzvody qorshaýǵa túsip qalyp, oq-dári taýsylar bolyp, kómek ázir keletindeı bolmasa, dron eshkimniń kózine túspeı qajet jerge oq-dári jetkizip bere alady.

Japonıanyń Secom uıymy saǵatyna 10 shaqyrym jyldamdyqpen ushatyn jáne avtokólik turaǵynda qaraýyl qyzmetin atqara alatyn ushý apparatyn jasap shyǵardy. Shaǵyn tikushaq tártip buzýshylardy sýretke túsirip, turaqtaǵy kólik nomerin tirkep ala alady. Bir ǵana qural ornatylatyn on kameranyń ornyna jumys istep, tártipti qamtamasyz ete alady. Mundaı zattyń baǵasyn, árıne, barlyq kompanıalardyń qaltasy kótere bermeıdi – 6620 dollarǵa satyp alyp, aı saıyn servıske 41 dollar tólep otyrý kerek. Alaıda, básekelestik artqan kezde qalaı bolaryn kim bilsin.

DHL pochta kompanıasy birinshi apparatty 2013 jyly synaqtan ótkizgen. Onyń maqsaty   - adam aıaǵy jete bermeıtin jerlerge pochta jetkizý bolatyn. Al 2014 jyldan bastap ondaı drondar sý ótkizbeıtin konteınerlerge salynǵan pochta tasýǵa jappaı kiristi. Google jáne Amazon syndy tanymal kompanıalar sondaı jabdyqty satyp alatyny týraly málimdep úlgerdi.

Japonıa jáne AQSH fermerleri ushatyn apparattardy alqaptardyń ústinen pestısıdter men tyńaıtqyshtar sebý úshin qoldanyp júr. Ol qol eńbegine qaraǵanda arzanyraq túsedi, al tıimdiligi birneshe ese artyq. Bálkim, jaqyn arada fermerler ózderiniń ornyna bar jumysty mashınalar istep jatqanyna qarap qana otyratyn shyǵar.

Syktyvkar qalasynda klıentterge pıssany ushyp aparatyn mashınalar synaqtan sátti ótti.  Álemdik «Dodo Pizza» kompanıasy osylaısha klıent tartýdy kózdepti jáne bul rette birshama tabysqa jetti. Pıssany aparatyn ornyna jetkizý úshin radıobógetteri eń az baǵytty tańdaý kerek. Siz alańda nemese óz páterińizde otyryp pıssaǵa ınternet arqyly tapsyrys beresiz, alaıda, báribir syrtqa shyǵyńyzǵa kerek bolady, óıtkeni dron terezeńizge ushyp kelmeıdi.

Delft ýnıversıteti stýdentteriniń biri salmaǵy bar-joǵy 4 kg, saǵatyna 100 shaqyrym jyldamdyqpen usha alatyn ǵajaıyp mashına qurastyryp shyǵarypty. Onyń basty maqsaty – kóshedegi keptelister saldarynyn medısınalyq kómek ýaqytynda jetpegeni sebepti kisi ólimi kóp bolatyn iri qalalardaǵy júrek tamasy ustaǵan adamdardyń ómirin qutqarý. Al «dron» sanaýly sekýndtar ishinde qajet jerge paıdalaný jónindegi nusqaýlyq qystyrylǵan defıbrıllátor alyp ushyp kele alady. Qınalǵan adam, ne onyń jaqyndary qurylǵynyń operatoryna habarlasyp, shaqyrý qaldyrady, sóıtip, onyń meken jaıyna qutqarýshy dron jiberiledi.

Sonymen, ózdigimen ushatyn apparattar tek jurtshylyqtyń kóńilin kóterý úshin ǵana emes, adamdarǵa kómek kórsetý úshin de kerek eken. Tehnologıalar damýy geometrıalyq progresıamen ósip keledi, sonyń arqasynda «drondardyń» jańa úlgileri jasalýda.

---