InfoHub Logo

Bala, bala, bala dep, Túnde shoshyp oıanǵan.
Tún uıqysyn tórt bólip, Túnde besik taıanǵan.
Balalar, bul kim dep oılaısyńdar? ANA! (balalar «ANA» sózin alyp shyǵady.)

Qurmetti analar! Sizderdi áıel janymen baılanysty tamasha kóktem merekesi – 8 Naýryzben shyn júrekten quttyqtaımyz! Alǵashqy kóktem merekesi Jer betine ómir syılaýshy názik, aqyldy, symbatty, meıirimdi jandarǵa arnalǵany qandaı tamasha mereke! Álemdegi eń asyl jan ol – Ana. Ana bul aıaýly da meıirimdi jan. Balanyń tili shyqqannan – aq birinshi sózin «Ana» dep aıtady. Ómirdiń esigin ashqannan soń osy ómirdegi ózińniń jan anańdy kóresiń. Osy bir «ANA» degen úsh áriptiń aıasynda adamzat balasyn qýanysh syılar qanshalyqty qasıet bar deseńshi! Arý - ana, Arý - asyl jar, Arý – kóńildiń gúli, Arý - ómirdiń jyry, tipti aıta berseń sóz jetpeıdi. Olaı bolsa, búgingi analarǵa arnalǵan «Ana - asa qymbat jan!» erteńgiligine qosh keldińizder!

Bı: «Mama»
Analardy súıemiz,
Aqylyn oıǵa túıemiz.
Ájeni de ardaqtap,
Ádeppen bas ıemiz.
Bal bóbegin baptaǵan
 Mamam úshin maqtanam
 Aıalaıtyn bizderdi
Kóp jasasyn jaqsy adam.
2. Ana bizdiń kúnimiz
Ana bizdiń gúlimiz.
Ulandardy qýantyp,
Uzaq ómir súrińiz
 3. Mápeleısiń meni anam,
 Qolyńdaǵy qusyńdaı
 Qulpyra ósip dem alam
 Qushaǵyńda qysylmaı
4. Bizdi ósirgen apataı,
Eńbegińde zor eken 
Qutty bolsyn apataı
Qutty bolsyn merekeń
 5. Aıalaǵan saıalaǵan,
 Bar baqytym berekem
 Apataıym quttyqtaımyn
 Búgin seniń merekeń.
Erkeleımin shattanam,
 Jarqyn kúlkiń baq maǵan
 Aq betińnen súıeıin
 Kelshi, kelshi aq mamam

7. Bal bóbegin baptaǵan
 Mamam úshin maqtanam
 Aq betińnen súıeıin
 Kelshi, kelshi aq mamam.
Ásemgúl jattaý
Hor: «Anamyzǵa myń alǵys» (Analarǵa gúl berý)

«Kúnderdi jına» oıyny:

Oıyn sharty: ár bir komandaǵa kúnniń bólikteri beriledi (sheńber jáne 10 shýaqtary). Balalar osy bólikterden kún qurý kerek. Kim birinshi bitiredi sol jeńedi.

Asyljan (kórkem sóz)
Jylylyqtan jaralǵan
Qushaǵy onyń – tań meken.
Meniń aıdaı anamnan
Asqan sulý bar ma eken?
Meıirim – nur tógilgen
Kún kózindeı janary,
Oıymdy oqyp óńimnen,
Dirildeıdi qabaǵy.
Jerdegi bar taǵamnan
Ana súti nárli eken.
Bul jalǵanda anamnan
Súıikti adam bar ma eken?
Jer betiniń ǵumyry
Kún nurymen araıly.
Bizdiń úıdiń jylýy
Anamyzdan taraıdy.
Meniń anam aqylshym,
Kún sekildi bilgenge
Shashyraıdy shýaǵy
Úıimizge kirgende

Oıyn: «Óz balańdy tap»

Balalar, analarymyzdy quttyqtadyq! Eshkimdi quttyqtaýǵa umytqan joqpyz ba? (Ásemgúldi quttyqtaý)
Osymen bizdiń merekemiz aıaqtaldy. Qymbatty da aıaýly analar! Merekelerińiz qutty bolsyn! Álemdegi eń sulý, eń meıirimdi, eń qamqor adam osy otyrǵan sizder. Denderińiz saý, kóńilderińiz shat bolsyn, árqashan aman bolaıyq! Saý bolyńyzdar!