InfoHub Logo

(Bastaýysh synyptary dekadasynda ótkizilgen)
Aınalamen tanystyrý
Sabaqtyń taqyryby: «Nan dastarhanǵa qalaı keledi?»
Maqsaty: Dán tuqymymen tanysý, bıdaıdan nan jasalatynyn aıta otyryp, dastarhanǵa jetkenge deıingi isteletin eńbek mazmunymen, qoldanylatyn tehnıkalardyń attarymen tanystyrý. 
Damytýshylyq maqsaty: Balalardyń aqyl - oı belsendiligin arttyrý. naqyl sóz, maqal - mátel arqyly til baılyǵyn damytý.
Tárbıelik maqsaty: Berilgen tapsyrmany oryndaýǵa, eńbekqorlyqqa tárbıeleý, naqyl sózderdiń tárbıelik mánin túsinýge talpyndyrý. Úlkenderdiń eńbegin baǵalaı bilýge tárbıeleý.
Jańa sózder: naýbaıhana, dıirmen, kombaın, dıhan, elevator.
Ádis - tásilder: túsindirý, sergitý, oıyn, áńgimeleý, suraq - jaýap.
Kórneki quraldar: Eńbek adamdarynyń sýretteri, nan túrleriniń sýretteri, nan, baýyrsaq, oıynǵa dıdaktıkalyq quraldar, un, smaılık.
Pánaralyq baılanys:  til damytý,  beıneleý,  saýat ashý,  matematıka
Sabaq barysy:  Uıymdastyrý.
1. Amandasý
2. Suraq-jaýap. 
- Balalar, qazir jyldyń qaı mezgili?
- Qys mezgilinen keıin qaı mezgil keledi?
- Kóktemde qandaı ózgerister bolady?
3. Mine, bizdiń aldymyzda dastarhan jaıýly tur. Onyń ústinde nandardy kórip tursyńdar. Endi biz osy dastarhanǵa nan qalaı keletinin myna sýretterden kóretin bolamyz.
4. - Kóktemde myna sýrettegi traktorlar jerdi jyrtyp, jerge mynadaı bıdaı dánin sebedi. (balalarǵa bıdaıdy kórsetemiz)
- Dıhanshylar jaz boıy egilgen dánderdi sýaryp, kútip - baptaıdy. (dıhan sózine túsinik berip ketemiz)
- Kúz bolǵanda jaıqalyp, bıdaı ósip shyǵady. Ósip shyqqan bıdaıdy kombaınshylar  oryp,  mashınalarǵa salyp beredi. (kombaın sózine toqtalyp ketý)
- Kólikter ony elevatorǵa tasıdy. Elevatorda bıdaıdy jyldap saqtaýǵa bolady. (elevator sózine toqtalý)
- Qajet bıdaıdy dıirmenge aparyp, odan un jasap shyǵarady. (dıirmen sózine toqtalý) Balalarǵa undy kórsetemiz.
- Daıyn bolǵan unnan naýbaıhanalarda túrli nan ónimderin shyǵarady.
- Mine, balalar, bizdiń dastarhanymyzǵa nan osyndaı kóp eńbektiń arqasynda keledi eken.
Taqtadaǵy unnan jasalǵan ónimder týraly sýretterge toqtalý.
5.Dıdaktıkalyq oıyn: «Qaısysy artyq?»
Oıynnyń sharty: Berilgen sýretterdiń ishinen nan ónimderine jatpaıtyn taǵam túrlerin shyǵaryp tastaýlary kerek.
6.Sergitý sátti 
Jaıqalady aq bıdaı
Basyn ıip aqqýdaı.
Traktor men kombaın
 Júrgizýge men daıyn
7.Dıdaktıkalyq oıyn: (taqtamen jumys)  «Durys ornalastyr»
Oıynnyń sharty: Un, toqash, nan sýretteri beriledi. 
8. Aınalamen tanystyrý álippe - dápterinen berilgen tapsyrmany oryndaý. Balalarǵa bıdaıdyń sýretin salǵyzý.
 Jumbaq jasyrý: 
Uzyn murtty sarylar
Qoınynda dáni bar.         (bıdaı)
Bıdaı - pshenısa.
Nan - hleb;     
9. Maqal - mátelder
1.    Nan-tamaqtyń atasy 
2.As - atasy nan 
3Eńbektiń nany tátti, jalqaýdyń jany tátti 
4    Dastarhan kórki -  nan
5    Dastarhanynda nan joqtyń, Tamaǵynyń dámi joq 
10. Tyıym sózder:
Nandy aıaq astyna tastama. 
«Jerde jatqan nandy eńkeıip al. 
Dándi shashpa, nandy baspa.
Nan – Qasıetti dám, onymen oınaýǵa bolmaıdy
11. Dıdaktıkalyq oıyn: «Tez oıla» (Mamandyq túrleri ataý.) 

 
1. Jerdi jyrtady. 
Traktor 
2. Egilgen dánderdi sýaryp, kútip-baptaıdy. 
Dıqanshy 
3. Bıdaıdy orady, bastyrady.
 Kombaınshylar
  4. Bıdaıdy jyldap saqtaıtyn jer . 
elevator
  5. Bıdaıdan un jasaıtyn adam.
Dıirmenshi
  6  Nan pisiredi.
Naýbaıshy
  7. Ystyq nan qaıda túsedi . 
dúkenge
  8. Anamyz unnan ne pisiredi? 
Baýyrsaq, shelpek, nan, toqash

 12.Sergitý sátti
Nan qıqymyn shashpańdar,
Jerde jatsa baspańdar.
Terip alyp qasterlep,
  Torǵaılarǵa tastańdar.
13. QORYTYNDY BÓLİM. 
- Balalar biz esimizge túsireıikshi aq baýyrsaq, tátti toqash, batondar bizdiń dastarhanǵa kelý úshin qandaı joldardan ótedi eken?
- Sol úshin qanshama adam jumys istep, ter tókti, qane esimizge túsirip atap keteıikshi
Traktorshylar, kombaınshylar, naýbaıshy, dúkenshiler
  - Sondyqtan qanshama adam kúni - túni eńbek etip, ter tókken qasıetti nandy biz qadirleýimiz, qasıetteýimiz kerek