InfoHub Logo

«Balapan» tobynyń erteńgiligi estıar toby

Júrgizýshi 1: Adam boıyndaǵy barlyq jaqsy qasıet kúnniń nurynan, ananyń sútinen taralǵan. Sondyqtan, qurmetti asyl analar, qadirli apaılar, qyzǵaldaq qyzdar búgingi «Ananyń biz gúlimiz»- atty erteńgiligimizdi sizderdiń qurmetterińizge arnaımyz
Júrgizýshi 2:
Shýaqty kóktem keldi gúlin alyp,
Kóktemniń merekesi búgin anyq.
Ómirdiń kóktemi de, gúli analar,
Ana dep bas ıedi kúlli halyq.
(Balalardyń taqpaǵy Albına, Almat, Almıra, Abý, Malıka, Sanjar, Tomırıs, Altynbek, Gúlzada, Rasýl)
Júrgizýshi 1: Án: «Kóktem»
Júrgizýshi 2: Búgin ertegi keıipkerleriniń rólinde balalar ózderi oınap kórsetedi. Bul ertegi Ybyraı Altynsarınniń «Maqta qyz ben mysyq» ertegisi. Zalda «Erte, erte, ertede» óleńi oryndalady.
Maqta qyz ben mysyq ómir súripti.
Maqta qyz ústel ústin retteıdi. Ydystardy jıystyrǵan kezde meıiz taýyp alady.
Maqta qyz (Mysyǵyn shaqyrady)
- Mıaýym meniń, qaıdasyń?
- Tarǵylym meniń, kele ǵoı, men saǵan meıiz beremin (mysyq kelmeıdi)
- Kelmeseń, kelmeı – aq qoı, óz obalyń ózińe,- dep (meıizdi qyz jep qoıady)
Osy kezde úı artynan «máý» degen dybys shyǵady.
Maqta qyz yńyldap án salady, mysyq shyǵady.
Maqta qyz – Gúlzada
Mysyǵym - aý, mysyǵym,
Tarǵyly jaqsy túsiniń.
Tańerteń de, keshte de,
Betin jýǵan pysyǵym.
Pish - pish desem, kele ǵoı,
Aıtqanyma kóne ǵoı.
Shaqyrǵanda pish - pish dep,
«Máý! - dep dybys bere ǵoı.
Ájeı: Sol kezde mysyq shyǵyp Maqta qyzǵa óleń aıtyp beredi.
Mysyq - Asyljan:
Meniń atym mysyq,
Eki kózim qysyq.
Tyshqan aýlap otyramyn
Sút - kójemdi iship – deıdi
Mysyq: Maqta qyz, sen meni nege shaqyrdyń?
Maqta qyz: Aıtpaımyn!
Mysyq: Endeshe, men seniń qatyǵyńdy tógemin.
Maqta qyz: Oı, oı. Sen ne istediń? Sol úshin men seniń quıryǵyńdy kesip alamyn! (quıryǵyn kesip alady)
Mysyq: Bershi, quıryǵymdy!
Maqta qyz: Bermeımin! Qatyǵymdy qaıtaryp ber!
Ájeı: Sóıtip, mysyq sıyrǵa keledi.
Sıyr - Danıar:
Meniń atym sıyr,
Órisim alys qıyr.
Etim úshin, sútim úshin,
Adamdar maǵan úıir - deıdi.
Mysyq: Máý, sıyr, sıyr, sen maǵan qatyq bershi!
Sıyr: Sen maǵan japyraq ákel, meniń qarnym ashyp tur.
Ájeı: Sóıtip, mysyq aǵashqa barady.
Aǵash - Daýlet:
Men jasyl aǵashpyn,
Kútseńder gúl asham,
Jolyńa nur shasham,
Japyraǵym azyq,
Butaǵym qazyq.
Saıama saǵalarsyń,
Salqyndap dem alarsyń.
Mysyq: Aǵash, aǵash, maǵan japyraq bershi!
Aǵash: Maǵan sý ákelip ber men shóldedim, men saǵan japyraq beremin.
Ájeı: Sóıtip, mysyq sý izdep kele jatsa, aldynan sý tasyp júrgen qyzdar shyǵady.