InfoHub Logo

Ańshylyqty kásip qylǵan eki aǵaıyndy jigit áldebir sebeppen elden ketip, bir taýdyń shatqalyn mekendeıdi. Kúnderdiń bir kúninde ekeýi eki qyrqada ań aýlap júrgende, aǵasy bir qulan atyp alady. Atyp alǵan qulannyń etin qapqa salyp, terisin kúnge degditip otyrǵanda aspandy aıaq astynan bult torlap, qalyń nóser burshaq quıyp ketedi. Ańshy qulan terisin tastyń bir qýysyna kúrkelep, sony panalaýǵa májbúr
bolady. Mine, osy bir shaqta, bir qyrqaǵa shyǵa kelgen inisiniń kóz ushynda qulan kósilip jatqandaı bolady. Oılanbastan sadaq tartqan inisi, qulandy baýyzdap ala qoıaıyn dep kelse, ólip jatqan óziniń aǵasy bolyp shyǵady. Aǵasyn kelmeske jóneltken beıbaq aýyr qaıǵyǵa dýshar bolyp, eńirep júrip, aǵasyn arqalap qosyna qaıtady. Birden qosqa ákelýge batyly barmaı, súıekti jaqyn bir jerge jaıǵastyryp, aǵasy nyń
qosyna keledi. Aldynan shyqqan jeńgesi qaınysyn qannen-qapersiz qarsy alady. «Keshiktińder ǵoı, aǵań qaıda?» degen suraqqa, qaınysy aıtarǵa jaýap tappaı, joq syltaý aıtyp qosyna kiredi. Sol kezde keregede turǵan qońyr dombyra qolyna túsip, bir muńdy kúı shertedi. Sezimtal jeńgesi: «oıpyrym-aı! Myna kúıiń buryn-sońdy estilmegen zar ǵoı! Sen ne sumdyqty bastap otyrsyń! Osy, aǵańnan aıyrylyp qalyp otyrǵannan saýmysyń?» — depti. Sonda ańshynyń qolynan dombyra túsip ketken eken dep ańyz qylady.

 

---