InfoHub Logo

Bilim-all.kz jáne Bilimland.kz saıttary birlese uıymdastyryp otyrǵan Esse jáne óleń-jyr baıqaýynyń taǵy bir úzdik týyndysy anyqtaldy. «Tilim meniń» atty óleńiniń avtory – jas qalamger Nurıla Bókebaı qarasha aıynyń kezekti jeńimpazy atanyp otyr!

Úzdik dep tanylǵan týyndyny nazarlaryńyzǵa usynamyz:

Tilim meniń

Tilim meniń!
Qýanyshym ózińsiń túńilgenim,
Qadirińdi túsinip uǵyndy elim.
Tilim meniń, qadirim, qasıetim,
Tilim barda jandandy, tirildi elim!

Tilim meniń!
Shyrqar ánim ózińsiń, jyrym meniń,
Qazaq tilim – aıbynym, asqaqtyǵym.
Sarqylmaıtyn, óshpeıtin únim meniń!
Tilim meniń – basyma qonǵan baǵym,
Tilimmennen gúldensin, tuǵyrly elim!

Tilim meniń!
Jarqyraǵan juldyzym, kúnim meniń!
Óziń barda muńaıyp, túńilmedim,
Qazaq tili – tirshilik qýatymsyń,
Óziń barda, óshpeıdi únim meniń!

Ana tilim!
Qulamaıtyn báıteregim,
Naqylyńnan sanama oı teremin.
Ózińsiń ǵoı júregim , janym, qanym!
Sen bolmasań ómirde qaıter edim?!

Búginde shabytym kep óleń jazdym.
Dápterim men qalamǵa qol jalǵadym,
Meniń tilim – qazaǵymnyń baılyǵy dep,
Qasıetti, tilim jaıly jyr qozǵadym!

(Avtordyń orfografıasy men pýnktýasıasy saqtalǵan)

Jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eskertý! Qurmetti qatysýshylar, óleń engizý barysynda, ilmekter órisine bilim2019 ilmegin (qatesiz, tyrnaqshasyz, probelsiz) mindetti túrde qosyńyzdar (keri jaǵdaıda saıysqa qatyspady dep esepteledi.)! İlmek útir arqyly qoıylady. Mysaly: bilim2019, týǵan jer, el, ... dep. Odan bólek, avtory degen uıashyqty bos qaldyryp, avtory ózim degendi de (jazýdyń ústine basý kerek) basyńyzdar.

Esse engizý barysynda saıys2019 degen bólimdi tańdaýdy umytyp ketpeńizder.(keri jaǵdaıda saıysqa qatyspady dep esepteledi.) Avtory degen uıashyqty bos qaldyryńyzdar.

Barlyq talaptarmen Qalamgerler saıysy siltemesi arqyly ótip, tolyǵyraq tanysýǵa keńes beremiz.

---