InfoHub Logo

Aqbókendi zertteýshi qazaqstandyq ǵalym Albert Salemgareev tabıǵatty qorǵaý salasyndaǵy bedeldi Whitley Awards 2023 júldesin aldy.

Sársenbi kúni keshke brıtandyq Whitley Fund for Nature qaıyrymdylyq qory tabıǵatty qorǵaýǵa úles qosqan alty adamdy Whitley Awards syılyǵymen marapattady.

Marapattaý rásimi Ulybrıtanıanyń Koróldik geografıa qoǵamynda ótti.

Laýreattardyń biri - Qazaqstan bıosanalýandyqty saqtaý qaýymdastyǵynyń múshesi Albert Sálemgareev boldy, ol syılyqty popýlásıasy 1,3 mln-nan asatyn aqbókendi saqtaý isine qosqan úlesi úshin aldy.

«Albert jáne onyń komandasy Koróldik veterınarıa kolejimen jáne Azyq-túlik jáne aýyl sharýashylyǵy uıymymen jumys isteı otyryp, bolashaqta jabaıy janýarlar aýrýlarynyń oshaqtaryn anyqtaý jáne olarǵa áreket etý shemasyn ázirledi», - dedi qazaqstandyq tabıǵatty qorǵaýshynyń zertteý prezentasıasynda.

«Albert aqbókenderdi 2006 jyldan beri zerttep, olardyń daralaryna arnaıy taratqyshtary bar qarǵyny ornatý arqyly spýtnıktik tańbalaý baǵdarlamasyn basqaryp keledi», - dep habarlady Qazaqstannyń Ulybrıtanıadaǵy elshiligi Facebook jelisindegi paraqshasynda.

2009 jyldan beri barlyǵy 186 janýarǵa eń salynyp, alynǵan málimetter olardyń tóldeý kezinde shoǵyrlaný oryndaryn anyqtap túsinýge yqpal etkeni atap ótildi.

Bul derekter «Altyn dala» rezervatyn qurý jáne Yrǵyz-Torǵaı memlekettik tabıǵı rezervatynyń aýmaǵyn keńeıtý úshin paıdalanyldy.

Janýarlardyń qonys aýdarý joldarynyń kartalary olardyń teris áser etý qaýpin azaıtý úshin jol ınfraqurylymyn josparlaýda qoldanylady.

Laýreattarǵa syılyqty tabıǵatty Whitley Fund for Nature qorynyń qamqorshysy Ulybrıtanıa hanshaıymy Anna tabys etti.

Jeńimpazdar jobalaryn damytqany úshin £40 000 kóleminde grant aldy.

A.Salemgareev jáne onyń komandasy bul qarajatqa jabaıy janýarlardyń sýarý oryndaryna kedergisiz kirýi jáne mal ustaıtyn jergilikti turǵyndarmen sý resýrstaryna qatysty janjaldardyń aldyn alý boıynsha sheshim izdestirý úshin zertteý júrgizedi.

---