InfoHub Logo

Taqyryby: Aqyldy tyńdaı bilý de óner
Maqsaty: Oqýshylardyń syılastyq qundylyǵy týraly túsinikterin keńeıtý.
Mindetteri:
aqyldy tyńdaı bilýdiń ómirdegi mańyzdylyǵyn túsindirý;
aqyldy tyńdaı bilý iskerlikterin damytý;
aqyl, ónege, ósıetterdi tyńdaýǵa, baǵalaýǵa tárbıeleý.
Kórneki quraldar: úntaspa, oqýlyq, dápter, Danalyq sózder sandyǵy, úlestirmeli kespe qaǵazdar.
Balalar sheńber quryp, qol ustasyp turady. Úntaspaǵa qosylyp bári kóńildi án shyrqaıdy.
Baqytty balalyq shaq
Sózin jazǵan: N. Isabaev
Ánin jazǵan: S. Qalymov
Biz – baqytty balamyz erkelegen
Tyńdap óstik án men kúı, ertegi, óleń
Týǵan jerdiń aımalap samal lebi,
Otan – ana bizderdi mápelegen.
Qaıyrmasy:
Qandaı jaqsy baqytty balalyq shaq!
Qandaı ásem oınaǵan qozy - laq..
Qulynym! Dep ákeshim erkeletse,
Balapanym dep anam jaıar qushaq....
Mátinmen jumys
Muǵalim sabaq taqyrybynyń mánin ashý maqsatynda áńgimeleý júrgizedi.
S. Aqaev «Qorada malyń bolsyn, kóshede talyń bolsyn»
Muǵalim balalardyń pikirlerin bilý úshin suraqtar qoıady.
Balalaryna aıtqan áke ósıetiniń máni nede?
Balalardyń áke sózin tyńdaı bilgenniń arqasynda qandaı dárejege jete bilgenderi týraly óz oıyńdy bildirip kór.
Maqal - mátel taldaý
Ata – anańnyń aqyly -
Saırap jatqan jolmen teń.
Aqyldynyń aqyly –
Sarqylmaıtyn kólmen teń.
Túıindeme
Danyshpan atanyń aqyl keńesi
1. Adamdarǵa izet bildirińder!
2. Túsinbegenińdi surap alyńdar!
3. Aıtylǵan sózge mán berińder!
4. Áńgimeni muqıat tyńdap alyńdar!
5. Sóıleýshiniń sózin bólmeńder!
6. Sóılep turǵan adamǵa kóńil bólińder!
7. Únemi úlkendi tyńdaýdan jalyqpańdar!
Jaǵdaıattardy taldaý
Oqýshylar oqýlyqtaǵy sýretter boıynsha jaǵdaıattardy sheshedi.
Tapsyrma: Jaǵdaıat boıynsha sýretterdegi balalarǵa qandaı aqyl - keńes berer edińder?
Jattyǵý
1. Aqbotanyń qorjynynan ár oqýshy kespe qaǵazdarǵa jazylǵan danalyq sózderdi dápterlerine jazyp, jarıa etedi, esinde saqtaıdy.
2. Ózderi tyńdap ósken, ómirde qoldanyp júrgen aqyl sózderdi esterine túsirip, dápterlerine jazady jáne jarıa etedi.
Tapsyrma
Sabaqta Ózderińe aıtqan úlkenderdiń aqyl sózderin esterińe túsirip, aıtyp berińder degen tapsyrma beriledi.
Tapsyrma: Dápterde berilgen bulbuldyń, kúıshiniń, ustazdyń, balanyń, ájeniń sýretteri tustaryna qaldyrylǵan bos joldarǵa olardyń qandaı aqyl sózderin tyńdaǵylaryń keletindigin jazyńdar.
Jattyǵý
Qorytyndylaý.
Oqýshylardyń oılaryn bekitý úshin «Qorjynǵa», «Aqyldy bala» qandaı bolýy kerek, ár oqýshy óz oıyn qaǵazǵa jazyp qorjynǵa salady. Mysaly: ótirik aıtpaıdy, sabaqtan sebepsiz qalmaıdy.
Bizge úlgi - ónege bolatyn úlkenderdiń, danalardyń aqyl - ósıetterin, danalyq sózderin tyńdap, olardy ómirde qoldana bilsek, ómirden óz ornymyzdy naqty taba alamyz. Sol sebepti qoldan kelgenshe úlkenderdiń keńesin, aqylyn qulaq túrip, tyńdaǵan jón.

Bári birge oryndarynan turyp, «İzettilik álippesi» qara sózin oqıdy.
Úntaspaǵa qosylyp án shyrqaıdy.
İzettilik álippesi
Sózin jazǵan: A. Asylbekov
Ánin jazǵan: M. Áýbákirov
Atam meniń ámanda
Ádepti jan bol degen.
Ata sózi sanamda,
Jasy úlkenge jol berem.

Aldyn orap kisiniń,
Kesip ótpeı kóldeneń.
İzetimen kishiniń
Sálemdesip, qol berem...