InfoHub Logo

Kóptegen adamdar óte aqyldy, daryndy jáne eńbekqor, biraq olardyń qolynan túk kelmeıdi. Al aqyl-parasaty ortasha, qabileti azdaý adamdar jetistikke jyldam jetip jatady. Bundaı ádiletsizdiktiń sebebi nede? Qalaýyna jetýge múmkindik bermeıtin aqyldylardyń batylsyzdyq tuzaǵy.

Ózińizdi bir orynnan jyljı almaı turyp qalǵandaı sezinip júrsiz be? Silikpeńiz shyǵyp, qur aınalyp júgirip júrgendeı sezim bar ma? Kóptegen aqyldy, bilikti jáne eńbekqor adamdardyń problemasy nede? Nege olardyń qolynan túk kelmeıdi de, talanty men aqyly azdaý adamdar kóbirek tabysqa jetip jatady? Sebebi bireý-aq. Bul batylsyzdyq tuzaǵy. 

Aqyldy, qabiletti adamdar áreketsizdik, uzaq taldap-saraptaý, jaǵdaıdy basqasha oılap kórý jáne qolaıly sátti kútý degen batpaqqa batyp qalǵan. Aqyly men qabileti tómendeý adamdardyń jetistikke jetýine olardyń belsendi ustanymy men jyldam áreketi sebep bolady. İs júzinde kez kelgen áreket tartynshaqtyq pen batylsyzdyqtan anaǵurlym tıimdi.

Aqyldylardyń batylsyzdyq tuzaǵy

Qate áreketten góri, batylsyzdyqtyń kesirinen kóbirek joǵaltasyń.

Soprano áýleti

Aqyly azdaý adamdar múmkinshiliktiń bárin kóre bermeıdi. Olar anyǵyraq, tıimdirek bolyp kórinip turǵandy tańdaı salady. 2-3 esiktiń ishinen durystaýyn tańdaıdy da, alǵaı qaraı zyryldap jyljı beredi. Olar qatelesip, mańdaıyn soǵyp jatady, degenmen alǵa júre beredi.

Aqyldylaý, zıalylaý adamdar basqasha áreket etedi. Olardyń kórgen esigi men áreket nusqalarynyń sany kóbirek. Nátıjesinde olar kóptegen nusqalardy qarastyra bastaıdy, aldaǵy jasalar qadamdardyń túr-túrin oılastyryp, eń qolaıly sátti kútýge kirisedi.

Aqyldy adamdardyń saraby men taldaýy kóp, bul óz kezeginde aqparattyń kóbeıe túsýine, soǵan baılanysty eseptiń odan saıyn kúrdelenýine aparyp soǵady. Al sheksiz taldaý ádette sheshimniń qabyldanbaı qalýyna sebep bolady. Esepteýde belgisizdik pen kezdeısoqtyq óte kóp, al aqyldylar mundaıdan seskenedi. Aqyldy adamdar sheshim qabyldaǵannyń ózinde, kóbine keshigip qalady. Ol kezde poıyz ketip qalǵan.

Ómirde tabysty bolý úshin sheshim jasaýdyń mańyzy  

Úreıli jáne armanshyl batylsyzdyq jalqaýlyqqa eredi de, sharasyzdyq pen kedeılikke sebep bolady.

Ýılám Shekspır

Sol sebepti aqyldy adamdar qalamaıtyn nársemen aınalysyp, mamandyǵyn nemese qam-qareket salasyn ózgerte almaı júredi. Sondyqtan aqyldy adamdar bolashaǵy múldem joq, jalaqysy mardymsyz jumysty istep júre beredi. Osylaısha talantty adamdar, megapolıs nemese astanaǵa ketip, óz armandaryn júzege asyrýdyń ornyna aýyl men shaǵyn qalalarda ómirin ótkizýde.

Oılanyp, bolýy múmkin nusqalardy esepteý jaman emes. Bir jerde toqtap, qajetti sheshimdi qabyldamaý jaman. Ómir boıy batylsyzdyq tuzaǵynan shyǵa almaý jaman.

Durys sheshimdi qalaı jasaý kerek?

Oılanyp-tolǵanýǵa jaratylatyn eń uzaq ýaqytty belgilep qoıyńyz: bir kún, bir apta, bir aı.

Sheshimniń jaqsy/jaman tustaryn, perspektıvasy men qaterlerin taldap, qarastyryp shyǵyńyz.  

Shynaıy jalpy ahýaldy kóre alý úshin jaǵdaıdy beıtarap, ádil qarastyrý.  

Qysqamerzimdi paıda men kúmándi usynystarǵa qyzyqpaý, jolamaý. 

Uzaqmerzimdi perspektıvaǵa jáne bolashaq nátıjege nazar salý.

Sheshim qabyldaýyǵa yqpal etetin faktorlardy qarastyryp shyǵý, olardy taldaý.

Qolda bar aqparatqa súıenip, birneshe úzdik sheshimdi tańdap alý. 

Jaqsy aqyl-keńes bere alatyn tabysty kisimen aqyldasý. 

Jaqsy nusqalardy egjeı-tegjeıli, jete oılastyrý. 

Oılanyp-tolǵanatyn ýaqyt aıaqtaldy ma? Úreı men batylsyzdyq kedergi bolýǵa tyrysady. 

Qazirgi sátte eń durysy dep qabyldaǵan sheshimdi úzildi-kesildi (qaıtarymsyz) qabyldaý.

Sheshim qabyldaý árdaıym táýekeldi, ekiushty bolady. Biraq odan ótken qaýip-qater — esh táýekel etpeı, ómir boıy batylsyzdyq batpaǵynda ómir súrý.

Batylsyzdyq pen áreketsizdikti emes, is-áreketti qarý et. Ózińe oılanýǵa bir kún, bir apta nemese bir aı ber de, sosyn sheshim jasap, iske kiris...

Oqýǵa keńes beremiz:

Sheshim qabyldaýda turaqsyzdyq

---