Shoqtyǵyna er batqan, qaıqańdaǵan,
Men - bir báıek jorǵamyn baıpańdaǵan...
Kúlesiń-aý,
Kúlesiń... Saıtan-bala,
Sen aıt meniń oıymdy, aıta almaǵan.
Umtyla ber urynbaı quzat-jarǵa.
Men súringeı sóreden uzap bar da,
Ýat, meıliń, janymdy syzat shalǵaı,
Biraq meniń jyryma tuzaq salma!
Jyrym meniń - jalǵyzym, jan daýysym.
Jan daýysym!
Joqtaǵan ar-namysyn.
Ar-namysy taptalyp qalmaý úshin,
Arpalysyp, álsirep qalǵany shyn...
Aqyn bolsań, almas bol taıpalmaǵan!
Sen aıt meniń oıymdy, aıta almaǵan.
Qarapaıym jyrymnyń dánin al da,
Qaýyzyn,
Saıtan-bala,
Qaıtar maǵan.

---