Sol mańǵa soǵa almadym kópten beri,
Kúz be edi?!
Esimde joq, kóktem be edi?!
Esimde tek - dalanyń ókpek jeli,
Esimdi alyp, qushaqtap, ópken meni,
Sol mańǵa soqpaı kettim kópten beri.
Sán túzegen Esildiń óńirinde,
Aq qaıyńdar áli júr kóńilimde.
Erekshe edi ol jerdiń kóli múlde,
Erekshe edi sol jerdiń eli múlde,
Erekshe oryn alyp júr kóńilimde.
Sýyp barǵam sýytqan qylyqtardan,
Jylbip qaıtyp ketken em,
(Sýyp barǵam...)
Arasynan ormannyń aqyn kórdim,
Jyryn izdep júr eken umyt qalǵan...
Jaǵasynda Esildiń turypty arman!..
Aqqýdyń qanatyndaı syńqyldaǵan,
Úninen sol aqynnyń jyr tyńdaǵam.
Jyr tyńdaǵan:
Tyń dalam - sylqym dalam.
Aq Esil bir tolastap, bir týlaǵan,
Jaǵada aq qaıyń mas, bylqyldaǵan.
...Ótinem, sol aqynnyń taǵdyryn ber,
Ózgeni qımasań da, jurtym, maǵan?..
Aq Esil - aq otaýym, alqa kólim,
Qaıyń baq, oıdym orman, qamqa jerim.
Aqynnyń amanat bir jyryndaı-aq,
Ańsaımyn da turamyn Arqa jelin.

---