InfoHub Logo

Aqyryn júrip, anyq bas,

Eńbegiń ketpes dalaǵa.

Búgingi keıipkerimiz - Shúkirjan Aqnur Tańatqyzy. Balhash qalasynyń týmasy. Qaraǵandy qalasyndaǵy Nazarbaev zıatkerlik mektebiniń túlegi Aqnur  qazirgi tańda AQSH-tyń Nú-Iork qalasynda turyp jatqan qazaqstandyq jerlesimiz. «Pittsburg State University» - de grafıcheskıı dızaıner mamandyǵy boıynsha bilim alýda.

- Shet elge oqýǵa túsýdi bala kezden armandadyńyz ba? Shet elge oqýǵa baramyn degen sheshimdi qashan qabyldadyńyz?

- Shet elge oqýǵa túsýdi 2014 jyldan keıin eń birinshi ret Malaızıaǵa baryp kelgennen beri armandadym. Sheshimdi 2014-2015 jyldary  qabyldadym.

- Shet elde ómir súrý qıyn ba? Sizdiń oıyńyzsha qandaı artyqshylyqtary men qıyndyqtary  bar?

- Shet elde ómir súrý árkimniń ózine baılanysty. Eger turatyn jerińizdiń tilin bilseńiz, az da bolsa mádenıeti men tanys bolsańyz jáne eń bastysy naqty josparyńyz bolsa qıyn emes. Eger esh  josparsyz shet elge shyqsańyz qıyn bolady dep oılaımyn.

- Qansha til bilesiz?

- Qazaq, orys, aǵylshyn, túrik tilderin bilemin.  Ispan tilin meńgerip jatyrmyn.

- Birneshe til úırený úshin qandaı laıfkahtar qoldanýǵa bolady?

- Birneshe til úırený úshin siz sol tildi ne úshin oqıtynyńyzdy aıqyndap alýyńyz kerek. Mysaly men ıspan tilin oqyp jatyrmyn. Sebebi, Amerıkada latyn-amerıkandyqtar  ıspansha sóıleıtin adamdar óte kóp, men osy jaqta turyp jatqandyqtan ıspan tilin óz ómirimdi biraz jeńizdetý úshin úırengeli jatyrmyn. Sol sıaqty, aǵylshyn  tilin shet elde oqýǵa túsýge, saıahattaý úshin úırený degen sıaqty naqty maqsat taýyp, oqyǵan jón. Jáne eń bastysy  merzim qoıý kerek. Mysaly, 2 jyl úırenip magıstratýraǵa túsemin degen sıaqty.

- Shet elge oqýǵa túsemin dep nıet etip júrgen oqýshy nemese stýdentterge qandaı keńes berer edińiz?

- Eshteńeden qoryqpańyzdar. Tek óz kúshterińizge senińizder. Armandar oryndalady, maqsatyn aıqyn bolsa . Qazir shet elge túsýge daıyndalyp júrseńizder, bul istiń jemisi shyǵady.

- Sizdiń ómirlik ustanymyńyz qandaı?

- Aqyryn júrip anyq bas, eńbegiń ketpes dalaǵa.

- Týǵan jerlesterińizge degen aıtar jyly lebizińiz...?

- Sizder de el aralap, jer kórip júrgenderińizdi qalaımyn. Maqsattaryńyzǵa jete berińizder!

- Áńgimeńizge kóp raqmet!

Ýlanova Elnýra Ýlanqyzy

---