InfoHub Logo

Sabaqtyń taqyryby: «Aqparattar álemi» saıysy
Sabaqtyń maqsaty: Oqýshylardyń ınformatıka pánine bolǵan qyzyǵýshylyǵyn arttyrý, logıkalyq oılaý qabiletin jetildirý, tapqyrlyqqa, izdenimpazdyqqa baýlý.

Aqparattaný kúnbe-kún
Órge basyp keledi.
Tappaı izdep júrgeniń
Kompúterge endi.
Internetke qosylý
Bir – aq jumys keregi!
Barlyq pánder jazylyp,
Dıskilerdi turady
Kezekpenen aǵylyp,
Ekranǵa shyǵady,
Tilin bilgen mamandar
Qyryn, syryn biledi!
Kompúter – seniń kómekshiń
Qalamyń, ári qaǵazyń!
Kerek emes demessiń,
Azdaǵan bolsa habaryń – dep otyryp, saıysymyzdy bastaımyz!
Armysyzdar, búgingi saıysqa jınalǵan ınformatıkany súıýshi qaýym, ustazdar men oqýshylar! Sizderdi " Aqparattar álemi " ne shaqyramyz.
Olaı bolsa saıysymyzdy bastaımyz.
Al, oqýshy, ustazdar
Ortaǵa nazar salaıyq
Saıyskerler shyqpaq saıysqa
Qol soǵyp qarsy alaıyq

İ. « Internet» tobyn ortaǵa shaqyraıyq
İİ. « Kompúter» tobyn shaqyramyz
Naqty bilim, tereń oı sanalady.
Baǵa berer ádilqazy ortamyzda,
Sizderge qurmetpen qol soǵylady.
Qazylar ornyqtyrar ádildikti,
Kimderdiń jaýaptary ádil shyqty.
Bilim men tapqyrlardyń saıysynda,
Jeńiske jeter deımiz naǵyz myqty – deı otyryp, ádil qazy múshesimen tanys bolaıyq.
Ádil qazy alqasy men tanys boldyq, endi saıys kezeńderimen tanysaıyq.

Búgingi saıysymyz 7 – kezeńnen turady.
1 – kezeń. Aqparatty berý
2 – kezeń. Aqparatty tabý
3 – kezeń. Aqparat ázili
4 – kezeń. Aqparat almasý ( Kórermender qorjyny )
5 – kezeń. Aqparatty sáıkestendirý
6 – kezeń. Aqparatty óńdeý
7 – kezeń. Aqparatty jetkizý

Ár kezeń bitken soń ádil qazy alqasy toptarǵa upaı sanyn beredi, joǵarǵy upaı 5, tómengi upaı 3.
Aldaǵy biz baratyn baǵyt anyq,
Ozat jan ekenińdi taǵy tanyt,
Informatıka álemine aıaq basyp,
Kompúter tilinde biz jarysalyq – deı otyryp, saıyskerlerge sáttilik tileımiz, birinshi kezeń tanystyrýdy bastaımyz.
1 – kezeń. «Aqparatty berý»
İ. «Internet» tobyn ortaǵa shaqyraıyq
İİ. «Kompúter» tobyn shaqyrymyz
Bul kezeńniń sharty boıynsha ár top ózin tanystyrady.

2 – kezeń. «Aqparatty tabý»
Bilimniń ushqyrlyǵyn tanyp kelgen
Asyp tasyp, asyqpa, qalyspa sen
Ýaqyt degen zymyrap, zýlap jatyr
Tapqyrlyq pen shapshańdyq qajet eken – dep, kelesi «Aqparatty tabý» atty kezeńimizdi bastaımyz. Toptarǵa ınformatıka sabaǵy boıynsha jumbaqtar jasyrylady. Al qanekı olaı bolsa ekinshi kezeńimizdi bastaımyz.
1 - jumbaq
Eki batyrmaly,
Bir burandaly.
Jalǵyz ózi - aq,
Sansyz is tyndyrady. (Tyshqan )
2 - jumbaq
Aqparatty saqtap taratqan,
Jurtty ózine qaratqan. (Kompúter )
3 - jumbaq
Bıologıada bul parazıt
Kózge zorǵa kóriner
Informatıkada ólshem birlik
Aqparatty ólsheıtin (Bıt )
4 - jumbaq
Tetigin bassań alańsyz,
Jazady qaǵaz - qalamsyz. (Pernetaqta )
5 - jumbaq
Bar qurylǵy árkim bilmes,
Ǵalamtormen baılanystyrar.
Telefonǵa jalǵanyp ap,
Aqparatpen almastyrar (modem )
6 – jumbaq
Ádette únsiz turamyn
Belgi berseń uǵamyn
Jazýy bar qaǵazdyń
Quraly bop shyǵamyn (prınter )
7 - jumbaq
Kompúterdiń aınasy
Baǵdaryńdy tańdashy
Sýret pen sózin kórsetip
Tıer saǵan paıdasy (monıtor )
8 - jumbaq
Barlyq sýret, mátindi
Kompúterge engizgen
Kerek emes jerin de
Kompúterden óshirgen (skaner )
9 - jumbaq
Qysy – jazy sheshpeıtin,
Kóılegi bar jasyldan.
Ózgertpeıdi esh keıpin
Jaralǵandaı asyldan. (shyrsha )
Ádil qazylar alqasynan 2 – kezeń boıynsha saıyskerlerdiń upaı sandaryn bilsek.

3 – kezeń. « Aqparat ázili»
Qıyndyqtan ótkizer
Bilim degen bıik shyń
Baqytqa seni jetkizer
Bilim degen aqylshyń – deı otyryp «Aqparat ázili» atty kezeńimizdi bastaımyz. Bul kezeńde saıyskerlerimizdiń úı tapsyrmalary boıynsha ınformatıka álemine baılanysty daıyndap kelgen kórinisterin tamashalaıyq.
Ádil qazylar alqasynan 3 – kezeń boıynsha saıyskerlerdiń upaı sandaryn bilsek.