InfoHub Logo

Embergen Mediresinuly Terekovtiń týǵanyna - 100jyl
Maqsaty: Óskeleń jas urpaqqa Embergen Mediresinuly Terekovtiń eńbegi men shyǵarmashylyǵyn pash etý;
İ - júrgizýshi: Sálemetsizder me, Qurmetti qonaqtar, oqýshylar men ustazdar! SSRO men Qazaq SSR - iniń oqý aǵartý isiniń úzdigi, qadirmendi ustaz ári jergilikti sazger, Uly Otan soǵysynyń ardageri, marqum Embergen Mediresinuly Terekovtiń týǵanyna - 100jyldyǵyna arnalǵan «Ulaǵatty ustaz» atty keshke qosh keldińizder!

İİ - júrgizýshi: Búgingi kesh boı sergitip bolsyn bazar,
Mýzyka áýeni de sýdaı tasar;
Ári ustaz, kompozıtor Embergendeı,
Atamyzdyń jyr tolǵaýy kóńil ashar.

İ - júrgizýshi: Talaptyń tulparynda jaınaqtaǵan,
Órge shaýyp shabyty jaı jatpaǵan.
Kiltin ashyp mýzyka qaqpasynyń,
On saýsaǵy túrli aspapta oınaqtaǵan.

İİ - júrgizýshi: Tolqyǵan júrek syryn áýeletip,
Syıqyrly ánge qosty oı terbetip;
Áserli sazdy áýender yrǵaǵymen
Jetkizetin kóńildiń kúıin shertip.

İ - júrgizýshi: Maza bermeı nebir qıal shyraǵy,
Tulpardaı bop jerge tımeı tuıaǵy,
Embergendeı aǵamyz áýeledi,
Ashylǵandaı syr sandyqtyń bulaǵy.

İİ - júrgizýshi: Bilemin kóp ániniń unaǵanyn,
Tolqymaı men qalaı tura alamyn,
Jyr – nóserin qýat berer óń boıyna
Bas ıelik ustazdyń talantyna.
Dına Nurpeıisovanyń kúıi «Toıbastar» oryndaıtyndar: Mektep janynan quralǵan dombyrashylar ansambli, jetekshisi Mustafına Shattygúl.