InfoHub Logo

«Aqparattyq kaleıdoskop» oıyn - sabaǵy
Sabaqtyń maqsaty:
• oqýshylardy negizgi ınformatıka uǵymdarymen tanystyryp, jınaqtaǵan bilimderin qorytyndylaý;
• oqýshylardyń logıkalyq oılaýyn, salystyrý, júıeleý, zeıinin qalyptastyrýdy, basty oıyn qısyndy jetkize bilýin, este saqtaýyn damytý;
• oqýshylardyń topta jumys isteı bilýge, qarsylasyn syılaı bilýge, tapqyrlyqqa, shapshańdylyqqa tárbıeleý.
Kórnekiligi:
DK, ınteraktıvti taqta, komandalardyń emblemasy, prezentasıalar, jetondar, kartochkalar
Oıyn erejesi:
Oıynǵa oqýshylardan turatyn eki komanda qatysady, olar óz komandalaryn tanystyryp, emblemalaryn qorǵaıdy. Ár konkýrs jeńimpazyn ádilqazylar anyqtaıdy
Ótý barysy:
I. Komandalardyń ózderin tanystyrýy (8a synyby «Prosesor», 8b synyby «PENTIÝM» komandalary)
II. «Sınonımder» tabý oıyny
III. «Zıandy keńester aıtý» oıyny
IV. Hakerler saıysy
V. «Bári kerisinshe» oıyny
VI. «Qatardy jalǵastyr» oıyny
VII. «Adasqan áripter» oıyny
VIII. «Aýystyrmaq» oıyny
IX. «Maqtaý qoshemet aıtý» oıyny
Árbir utqan konkýrstyń artynan komanda jeton alyp otyrady, kóp jeton jınaǵan komanda jeńiske jetedi

Júrgizýshi:
Sálem berdik, qurmetti ustazdar, ádil – qazylar, oqýshylar! Sizdermen birlese otyryp «Aqparattyq kaleıdoskop» atty oıynymyzdy bastaýǵa ruqsat etińizder.
Oıyn tolqyn, aınalǵan qatty aǵysqa
Tabylǵandaı tanymda, jat daýysta.
Bireý ozyp keledi qatarynan,
Bireý qalyp jatady asyǵysta.

Oıyn tolqyn jatqanda asyp, tasyp,
Bireý myǵym, bireýler shalys basyp.
Bul oıynnan ótedi ǵulama oılar,
Jeńseń de jeńilse de qalma jasyp.

Aldymen oıynǵa qatysýshy talantty da daryndy oqýshylarymyzdy qoshemetpen ortaǵa shaqyraıyq. Ár synyptan 6 oqýshydan qatysady Ádiletpen keńes qura bilińder – deı otyryp saıysymyzdyń 1 - shi kezeńi Komandalar ózderin tanystyryp emblemalaryn qorǵaıdy.
2. « Sınonımder» tabý oıyny
Júrgizýshi kezekpen 8 sóz oqıdy. Árbir sózge sınonımder taýyp aıtý kerek, birinshi bolyp sınonımdi durys aıtqan komanda 1 jeton alady. Kóbirek jeton jınaǵan komanda utysqa
jetedi.