InfoHub Logo

Aqtaý joǵarǵy oqý oryndarynyń birinde janjal shyqty. Oǵan birden 50 stýdenttiń dıplomdyq jumysyn qorǵaı almaǵany sebep bolǵan dep habarlaıdy KTK arnasy.

Dısertasıalar Bilim mınıstrliginen kelgen komısıanyń kóńilinen shyqpaı, kúzde qaıta tapsyrýǵa jiberipti. Stýdentterdiń dıplomdyq jumysty qorǵaı almaýynyń da sebepteri bar eken. Sóıtse, ony eshqaısysy jaza almaı, satyp alǵan kórinedi.

Aqtaý gýmanıtarlyq-tehnıkalyq ýnıversıtetiniń stýdentteri kúni keshe kópten kútken dıplomǵa qol jetkizdik dep oılaǵan. Tipti saýyq keshine qamdanyp ta qoıǵan eken. Biraq tekserýge kelgen memlekettik komısıa bul jospardyń tas-talqanyn shyǵardy. Óıtkeni, stýdentterdiń dıplomdyq jumysy talapqa saı emes dep tanylǵan.

"İshpeı-jemeı, kıinbeı eńbek etip, osy balalar erteń qara jumysshy bolmasyn, qoldarynda dıplom bolsyn dep oqytyp jatyrmyz. Bul qalaı bolǵany, túsinbeı otyrmyn. Eńbegimiz esh ketti ma, balalarymyz qańǵyp oqydy ǵoı", - deıdi Rahash Baıturova.

Óz ǵylymı jumystaryn tek sanaýly stýdent qorǵaı alypty. Al birinshi kúni-aq 50 dıplomdyq jumysta kemshilikter tabylǵan. Olardyń qatarynda bolashaq qarjygerler men qazaq tili pániniń muǵalimderi bar. Stýdentter ýnıversıtette bilimniń joqtyǵynan dıplom jumysyn ustazdarynan satyp alǵanyn ashyq aıtyp otyr.

«Mynaý durys emes» satyp aldyńdar deıdi. Árıne, biz satyp alamyz. Bizde bilim joq. Myna jaqta durys bilim bergen joq. Bizge baǵyt-baǵdar beretin ǵylymı jetekshi taǵaıyndalǵan joq", - deıdi 4 kýrs stýdenti Jupar Qultaeva.

Al taǵy bir 4 kýrs stýdentiniń aıtýynsha, komısıa tek, Almatydaǵy ýnıversıtettiń magıstratýrasyna túsken jaǵdaıda ǵana dıplomdaryn qabyldaıtynyn aıtqan.

"Almatydan kelgen komısıa dıplomdaryńdy qabyldamaımyn, ótpeıdi dedi. Almatydaǵy ýnıversıtettiń magıstratýrasyna túsetin bolsańdar men qabyldaımyn dıplomdy. Túspeseńder qabyldamaımyn dedi" - deıdi 4 kýrs stýdenti Gúlnar Tájiqojaeva.

Ashýly stýdentter rektordy jaǵadan alýǵa deıin bardy. Sebebi, bilim sapasyna sol jaýapty. Al jumystardy birinen soń birin qaıtarǵan komısıa músheleri bundaı daıyndyqtaǵy bolashaq mamandar úshin jaýapkershilikti óz moınyna alǵysy joq.

Alma Túsipova, memlekettik komısıa múshesi:

-Prosto onı samı ne delalı etı raboty.

-Ne samı?

-Konechno!

-Vy schıtaete chto onı kýpılı etı dıplomy?

-Zaprosto! Ý nıh v golove dengı. Komý onı otdalı pýstonı ı otvechaıýt. Izvınıte, vot za takoı balogan mená po golove ne pogladát. My spesıalısty ı ne ımeem prava delat takogo. Mne stydno derjat takıe raboty v rýkah.

Degenmen stýdentterge óz kemshilikterin túzeýge kúzge deıin ýaqyt berildi. Tek endi dıplomdyq jumysty bolashaq ustazdar men qarjygerlerdiń ózderine jazýǵa týra keledi.

---