InfoHub Logo

Aqtóbede qalasyndaǵy №51 mektep-gımnazıasynan shý shyqty. Besinshi synyp oqýshysynyń ata-anasy balasyna qosymsha qytaı tilin úıretý úshin ata-analar jınalysy ótkenin málimdedi.

Bul týraly Tilshi.kz portaly habarlaıdy.

«Balalar onsyz da qazaq, orys, aǵylshyn tilderinde sabaq oqıdy. Endi kelip, aptasyna eki saǵat qytaı tilin oqytý kerek dep sheshipti. Onyń ústine, ózimiz orystildi bolǵan soń, balamyzdy qazaq mektebine bergenbiz, — deıdi aty-jónin atamaýdy ótingen ata-ana.

Aqtóbe qalalyq bilim bóliminiń basshysy Lázzat Orazbaeva «Tilshige» bul jaıttan habarsyz ekenin jetkizdi. Degenmen, «ata-analar qalasa, qosymsha kýrs ashýǵa bolady» dedi ol.

Belgili bolǵandaı, atalǵan mektep-gımnazıasyndaǵy qosymsha qytaı tili sabaǵyn ashý týraly bastamany ata-analar emes, bilim ordasynyń ózi kótergen eken.

"Bizdiń mektepte nemis, arab, fransýz tilderiniń muǵalimderi jumystan ketip qaldy. Qytaı tili mamany keldi. Sondyqtan, sarapshylar keńesi osy pán boıynsha qosymsha sabaq ótkizý jóninde sheshim qabyldadyq. Aptasyna eki saǵat besinshi synyp oqýshylaryn oqytamyz. Mektep bitirgen túlekterimiz Qytaıǵa oqýǵa ketip jatady. Keıbiri aqyly negizde til úırenip júr. Osylardy eskere kele, bıyl alǵash ret qytaı tili sabaǵyn engizip otyrmyz. Onyń ári qaraı jumys isteıtinin-istemeıtinin kelesi jyly sheshetin bolamyz", — deıdi № 51 mektep-gımnazıasy dırektorynyń orynbasary Janna Quspanova «Tilshige».

Aqtóbe oblystyq bilim baqsarmasynyń basshysy Sáýle Ómirbekovanyń aıtýynsha, «fakúltatıvti sabaqtar oqý josparynyń varıatıvti bóligine sáıkes ótkiziledi. Oǵan qatysý erikti túrde, №51 mektep-gımnazıasy lıngvısıkalyq bilim berý mekemesi», — dedi ol.

---