Qazaqstanda oqýlyqtardy genderlik saraptamadan ótkizý josparlanýda
Qazaqstanda 2030 jylǵa deıingi otbasylyq jáne genderlik saıasat tujyrymdamasy aıasynda oqýlyqtar men oqý baǵdarlamasyn genderlik saraptamadan ótkizý josparlanýda.
Bul týraly búgin Astanada atalmysh tujyrymdama jobasyn tanystyrý kezinde QR Densaýlyq saqtaý jáne áleýmettik damý vıse-mınıstri Svetlana Jaqypova málim etti.
«Bilim berý salasynda genderlik teńdikti nyǵaıtý zańnamalyq bazany jetildirý, pedagogıkalyq qaýymdastyqtyń genderlik saýalda quzyrlylyǵyn joǵarylatý, beıindi normatıvtik-quqyqtyq aktilerdi, oqýlyqtar men oqý baǵdarlamalaryn genderlik saraptamadan ótkizý arqyly qol jetkiziledi», - dedi ol.
Sonymen qatar áıelder men áıelderdiń jalaqy aıyrmashylyǵyn qysqartý, kásipkerlik qyzmettiń barlyq túrlerine qoljetimdilikti keńeıtý jáne genderlik búdjetteýdi engizý tetikteri júzege asyrylady.
Tujyrymdama jobasynyń maqsaty - jynys erekshelikterine qaraı zorlyq kórsetý oqıǵalaryn joıý jáne Qazaqstannyń bitimgerlik mısıasyna áıelderdiń qatysýyn ulǵaıtý.
Sondaı-aq mektepke deıingi uıymdardan bastap, otbasylyq qundylyqtardy nyǵaıtý boıynsha ıdeologıalyq jumys júrgiziledi. Mınıstrlik erler men áıelderdiń teń seriktestiginiń negizinde qurylǵan otbasylardyń, otbasylyq tárbıe jáne áke ınstıtýtyn damytýdyń negizinde otbasy ınstıtýtyn nyǵaıtýdy kózdeýde.
Tujyrymdamany júzege asyrý úsh kezeńnen turmaq: 2017-2019 jyldar, 2020-2022 jyldar jáne 2023-2030 jyldar.
You Might Also Like
-
Aýyz ıisi ózimizdiń de jáne aınalańyzdaǵy adamdardyń da mazasyn qashyratyn jaǵymsyz jaǵdaı. Adamnyń ózine degen senimin ketiretin, psıhologıalyq qaterlerge de aparýy múmkin keleńsizdik. Bul turǵyda ...
-
Aqtóbede qalasyndaǵy №51 mektep-gımnazıasynan shý shyqty. Besinshi synyp oqýshysynyń ata-anasy balasyna qosymsha qytaı tilin úıretý úshin ata-analar jınalysy ótkenin málimdedi.
