InfoHub Logo

Bilim berý salasy: «Tanym»
Uıymdastyrylǵan oqý is - áreketi: Sensorlyq tárbıe
Taqyryby: Ár tekti zattardy pishini men kólemi boıynsha saralaý
Maqsaty: Balalardy oıyndar arqyly zattardy pishini men kólemi boıynsha saralaýǵa, bir jerden ekinshi jerge jınaı bilýge úıretý. Este saqtaý, oılaý qabiletterin arttyrý, sóz dybystaryn aıtýǵa, derbes is - áreket jasaýdy, tústerdi ajyratýdy meńgertý.
Ádis - tásili: suraq - jaýap, kórsetý, túsindirý, oıyn oınatý, án aıtý
Kórnekiligi: Doptar, qoraptar
Sózdik jumys: Dop, sary tústi, kók tústi, domalaq

«Dobym, dobym, domala» oıynyn oınaýǵa balalardy uıymdastyrý
- Balalar, men myna jerge ádemi kórpesheler jaıyp qoıdym, sonyń ústine jaıǵasyp otyryp oıyn oınaıyq.
- Aıaqtaryńdy ashyp, dop kelgende tez ustap alatyndaı bolyp otyra qoıyńdar.
- Mynaý ne balalar?
- Ol dop.
- Biz doppen ne istep jatyrmyz?
- Bir - birimizge domalatyp jatyrmyz
- Doptar ádemi me?
- Ia, ádemi.
- Dop úlken be, kishi ma?
- Dop úlken.
- Doptyń túsi qandaı?
- Túsi kók
Kishkentaı dopty kórsetý
- Al, myna doptyń kólemi úlken be, kishi me?
- Ol dop kishi
- Kishi doptyń túsi qandaı?
- Túsi sary
- Qarańdarshy, qandaı kóńildi domalaıdy. Doptyń pishini qandaı?
- Pishini domalaq
- Endi, balalar ornymyzdan turaıyq, qolymyzdy uraıyq.
Eki dopty salystyrý, qaıtalatý.
- Balalar, dopty jerge soqsaq, sekiredi eken, qarańdarshy, dop sondaı kóńildi. Biz de dop sıaqty sekireıikshi.
Balalar qýanyp sekiredi.
- Balalar, aınalamyzǵa qaraıyqshy, biz oınap doptardy shashyp tastappyz. Osy shashylyp jatqan doptardy qoraptarǵa jınaıyq. Mynaý kók tústi úlken doptardy, kók tústi qorapqa salamyz. Al, kishi sary tústi doptardy, sary qorapqa salyp jınaıyq.
Balalar doptardy jınap qoraptarǵa salady.
Jaraısyńdar, balalar! Osy kóńildi dobymyzǵa arnap án salaıyq.
Dop.
Domala dop domala
Balshyqqa tek jolama
Jek kóremin onyńdy
Búldiresiń qolymdy
Sekirip ót ordan da
Sekirip ót joldan da
Qýsa kúshik jetpesin
Mashına basyp ketpesin

Kútiletin nátıje: Balalar zattyń úlken, kishi bolatynyn biledi
Tústerdi ajyrata alady.