InfoHub Logo

Arystan aýyryp, bir apanda jatady, barlyq ańdar onyń halin surap kelip júredi. Biraq túlki kelmegen edi. Qasqyr túlkige narazy bolady da, sonyń úshin arystanǵa kelip, túlkini jamandaıdy:

— Túlki seni qurmet etip, tym bolmasa halińizdi suramady ǵoı, — deıdi. Arystan ashýlanyp, túlkini shaqyryp alady. Túlki qasqyrdyń
jamandaǵanyn sezedi de arystanǵa aıtady:

— Maǵan beker ashýlanasyz, men sizdiń aýrýyńyzdy esitken soń, bir tynym tapqanym joq, sizge aýrýyńyzdy jazatyn dári izdep mazam ketti, mine jańa ǵana taýyp kele jatqanym edi, — deıdi. Sonda arystan qýanyp ketip:

— Ol ne dári? — deıdi.

Túlki aıtady:

— Eger de tiri qasqyrdyń terisin sypyryp alyp, jylydaı jamylsańyz degende, arystan sózdiń aıaǵyn tyńdamastan, qasynda turǵan qasqyrdyń terisin bassalyp sydyra bastaǵanda, túlki sózin aıtyp bolmastan kúlip, shyǵyp júre beredi.

---