InfoHub Logo

Túlki bir kúni ottap júrgen bir qazdy ustap alyp, aldyńǵy eki aıaǵymen basyp turyp, mazaq qylyp, qazdy biraz azaptaıyn dep murtynan kúlip aıtypty:

— Á, qaz, seniń qolyńa men tússem, sen ne qylar ediń? — depti.

Qaz sál oılanyp turyp:

— Ne qylar edim? Belgili emes pe, seni tisimmen tistep turyp, eki aıaǵyńdy keýdeme qoıyp, kózimdi jumyp:

— Á, qudaı, bergenińe myń shúkir! — der edim de,

— Seni jep qoıar edim, — depti.

Túlki:

— Mynaýyń durys eken. Men de seni óziń aıtqandaı qylyp jeıin depti de, qazdy tistep, ózi shońqıyp otyryp, aldyńǵy eki aıaǵyn keýdesine alyp, moldadaı kózin jumyp:

— Á, qudaı... — deı bergende, qaz qanatyn qaǵyp qalyp, qańqyldap ushyp kete beripti.

Túlki:

— Á, qudaı... — degen kúıinde aýzy ańqıyp, shońqıyp qala beripti.

---