InfoHub Logo

«Ózin - ózi taný» páni sabaq jospary
Taqyryp: «Arman – jarqyn bolashaq beınesi»
Qundylyǵy: Durys áreket
Qasıetter: ýaqytty únemdeı bilý, azamattyq jaýapkershilik, qoǵamǵa rıasyz qyzmet etý, ádilettilik.
11 synyp
Sabaqtyń maqsaty:
«Armanyna qadam bas!» atty áńgimeni shynaıy ómirmen baılanystyra otyryp balalardyń «Durys áreket» qundylyǵy týraly túsinikterin keńeıtý.
Mindeti:
- Ýaqytty únemdeı bilýdi, azamattyq jaýapkershilikti sezinýge úıretý.
- qoǵamǵa rıasyz qyzmet etýdiń mańyzdylyǵyn túsindirý.
- oqýshylardy ádilettilikke, qanaǵattylyqqa tárbıeleý.

Sabaq barysy:
1. Uıymdastyrý kezeńi. (Oqýshylarmen amandasý.)
Tynyshtyq sáti. (Baıaý áýenmen aıtylady. )

Ormanǵa saıahat
Denelerińizdi túzý ustańyz. Kózderińizdi jabyńyzdar. Tereń tynys alyp elestetińizder. Qazir biz birge ormanǵa saıahatqa baramyz. Elestetip kórińizder, sizder oryndaryńyzdan turyp, synyptan shyǵyp, dalaǵa shyqtyńyzdar. Dalaǵa shyqqanda sizder taza aýany sezindińizder, osy aýamen tereń tynys alyp, betterińe kún shýaǵynyń jylýy seziledi. Ormanǵa qaraı baǵyttańyzdar. Ormanǵa kirip, jan jaqtaryńyzǵa bir qarańyzdar. Aınala tolǵan ásem, túrli tústi gúlder. Taza aýamen taǵy da tereń tynys alyńyzdar. Qarańyzdar sizder gúldi kórdińizder. Osy gúlge jaqyndap gúldiń hosh ıisin ıiskeńizder. Ormanda qustardyń áni, aǵashtardyń ıisi, jándikterdiń tynysy seziledi. Aǵashtarǵa qarańyzdarshy, olar bıik jáne úlkeıip bara jatyr. Siz ózińizge bir aǵashty tańdap, sol aǵashtyń qasyna jaqyndańyz. Aǵashty aqyryn qushaqtap turyńyz. Aǵash sizge óz energıasyn beredi. Aqyryndap aǵashty jiberip, aǵashtyń astyna otyryńyz. Jan – jaǵyńyzǵa qarańyz. Orman ishindegi tirshilikti kórip tursyz ba? Osy qalypta biraz otyryńyz. Bul sizdiń aǵashynyz. Bul aǵashqa siz qalaǵan ýaqytyńyzda kele alasyz. Ormannyń taza aýasymen taǵy da tereń tynys alyp, artqa qaıtýǵa daıyndalyńyz. Kelgen joldaryńyzben ormannan qaıta shyǵyńyz. Aqyryndap mektepke kirip, óz kabınetimizge kireıik. Óz orynymyzǵa otyraıyq. Osy sezimdi júrekterińizde saqtańyzdar.

2. Dáıeksóz
Arman – jaryq juldyz, onsyz aıqyn baǵdar joq, baǵdar bolmaǵan soń, alǵa basý da joq, tirlik te joq.
L. N. Tolstoı.
Dáıeksózdiń maǵynasy nede?
Nelikten armandy jaryq juldyzǵa teńeıdi?
Baǵdar degen sózdi qalaı túsinesińder?

Mektep: Q. Qaıdosv orta mektep
Muǵalim: Eralına Asem

Arman – jarqyn bolashaq beınesi. júkteý