InfoHub Logo

Taqyryby: Armysyń, áz Naýryz!
Maqsaty:
1. Qazaq halqynyń ejelden saqtalyp, atadan balaǵa mura etip qaldyrǵan salt - dástúrin, naýryz meıramynyń mánin túsindirý, ári damytý jáne kórkeıtý.
2. Oqýshylardyń oılaýyn damyta otyra, oı qıalyn, órisin, izdený negizderin damytý.
3. Oqýshylardy ultjandylyqqa, ımandylyqqa, ınabattylyqqa, halqymyzdyń salt - dástúrin qasterleýge, saqtaýǵa tárbıeleý.
1 - júrgizýshi.
Baǵyma kóktemmenen enip ediń
İzdedim shýaǵyńnan kóńil emin.
Bir mezgil joǵalǵanym tabylǵandaı
Shattandy shashýyńnan tóńiregim
Kórkeıtsin baspasyn da dalany muń
Terbetsin tabıǵatty dana jyryń
Qosh keldiń tórimizge tórlet búgin!
2 - júrgizýshi:
Qurmetti ustazdar, oqýshylar, qonaqtar! Bárimizdiń kópten kútken Naýryzymyz da keldi!
Naýryz toılaryńyz qutty bolsyn! Ulystyń Uly kúni atalǵan Naýryzda eńbekterińiz ónimdi bop, tilekterińiz qabyl bop, aman - esen toıdan toıǵa jetip, eski aýyrtpalyqtaryńyz eski jylda ketip, jańa jylda, jańa úmit, jańa tirshilikpen, osy ulystyń uly kúninde elimizge, jerimizge Naýryzymyz esigin qýanyshpen ashsyn. Barlyq jaqsy nıet - tilekterińiz qabyl bolsyn! «Armysyń, Áz Naýryz» atty merekelik keshine qosh keldińizder!

1 - júrgizýshi:
Ýa, jarańdar, jarańdar!
Báriń beri qarańdar,
Naýryz dýman bastaldy,
Bir sát zeıin salaıyq.
Ushtasqan oımen máńgilik
Bizderde bar san ǵuryp,
Ǵasyrlardan ǵasyrǵa
Kele jatqan jańǵyryp.
2 - júrgizýshi:
Kúttirip kelgen jyl basy,
Bizben birge jyrlashy.
Elimniń dastarhanyna
Bereke, yrys syılashy.
Ata - babam toılaǵan
Naýryzymyz armysyń!
2 - júrgizýshi
Naýryz baılanysty taǵy qandaı erekshelikter bar, halyqtan surap kóreıikshi. (Daıyndalǵan kartochkalardy alyp, suraqtarǵa jaýap beredi).
Naýryzsheshek – naýryz aıynda ósetin japyraqty, túrli tústi gúldi, qaýashaqty ásem shóp. Maıynyń dárilik qasıeti bar. Qazakstannyń taýly aımaqtarynda onyń birneshe túri ósedi. «Naýryzsheshek» «Qyzyl kitapqa» engen, sırek kezdesetin baǵaly ósimdik.
Naýryzek – naýryz aıynda ushyp keletin kóktem qusy. Qarasy shaǵyn ǵana, osy qusty shyǵys eli kútip júredi. Ony alǵash kórgender «Naýryzegim keldiń be?» dep shaqyryp jem shashady. Naýryzekti eshkim qýmaıdy, úrkitpeıdi.
Naýryznama – shat - shadyman, oıyn – saýyq. Toıda at jarys, palýan kúres, basqa da sport saıysy, aıtys, túrli oıyndar ótkiziledi, kóńildi jumbaqtar, án, óleńder, naýryz jyrlary aıtylady. Naýryznamada qyzdar jınalyp bas qosyp, uıqyashar ázirleıdi. Ol et, ýyz sıaqty dámdi taǵamdardan jasalady. Jigitter qyz – kelinshekterge saqına, syrǵa, aına, taraq sıaqty syılyqtar beredi. Ony «selt etkizer» dep ataıdy. Bul dástúrli syılyqtaǵy aına páktikpen jastyqtyń, taraq ádemilik pen sulýlyqtyń, ıissý - búrshigin jańa jarǵan jaýqazyndaı qulpyrýdyń, jaınaı túsýdiń belgisi.
Bul kúni qarttarǵa arnalyp jyly – jumsaq taǵamdardan «belkóterer»
dep atalatyn dám daıyndalyp taratylady.
Naýryzsha. Naýryz aıynda jup – juqa, qıyqsha qyrbyq qar túsedi. Ony halyq «naýryzsha» dep ataıdy.
Naýryzkóje – Naýryz toıyna tán kópshilikke arnalǵan merekelik taǵam. Ony ár úı jeti túrli dámnen( sút, et, sý, tuz, tary, qurt, jemis, t. s. s.) jasap, oǵan qazy, shujyq sıaqty syıly músheler qosyp merekemen quttyqtaýǵa kelgenderge yqylaspen usynady. Naýryzkójeniń dástúrlik, merekelik, ulttyq taǵylymy óte zor.
1 - júrgizýshi:
Kele jatyr jylymyz,
Meıramdaımyz muny biz.
Jas balasha nurlanyp,
Jadyrasyp bárimiz.
2 - júrgizýshi
Naýryz toıy, Naýryz toıy,
Qutty bolsyn aǵaıyn.
Naýryz toıy, Naýryz toıy,
Keldi bizdiń Jańa jyl!
Oljas pen Dıas «Naýryz toıy»
1 - júrgizýshi:
Qut bereke, Naýryz aıym keldi dep,
Jer túledi, jasyl jelek jelbirep,
Aınalaıyn atameken keń dalam.
Tolyqsıdy nurǵa tolyp, eljirep
2 - júrgizýshi:
Ár eldiń salty basqa demekshi, ár aýyl naýryz merekesin ózinshe toılaıdy. Endeshe bizder Abylaı han aýylyndaǵy naýryz merekesi qalaı ótip jatyr eken. Sony tamashalaıyq. Bizben birge bolyńyzdar.
(Aýyl beınesi. Ortada stol, ata, áje, nemeresi, kelini)
Nemeresi: Ata osy Naýryztól degen ne?
Ata: Balam - aý Naýryztól degenimiz, Naýryz aıynda mal tóldeı bastaıdy. Olar «naýryz tóli» dep atalyp, tól basy retinde baǵalanyp, mal - jandy qazaq balasy ony erekshe kútip baǵady. Tól basy satylmaıdy, eshkimge syıǵa berilmeıdi. Mundaı maldy kóbine óz qyzyǵyna, toıyna, qurban aıt kúnderinde soıyp, yrym etedi.
Nemere: Rahmet, Ata. Keleside bilip júretin bolamyn.
Qydyr ata keledi. Amandasady, ústelge otyrady
1 - júrgizýshi:
Ýa jarańdar, jarańdar!
Kóńiliń bar alańdar
Ata menen anań bar
Úlken kishi aǵań bar
Naýryz toıyn toılaımyz
Báriń beri qarańdar!
2 - júrgizýshi:
Bermen jaqyn turyńdar,
Sózime kóńil buryńdar.
Jaýqazyndaı Naýryzdyń
Jarapazan jyry bar.
Qydyr ata: Jaraısyńdar balalarym, ónerleriń órge júzsin.
Ata: Qydyr atadan bata suraıyq
Qydyr atanyń batasy
Azamat bop erjetińder,
Aqyldy bolyp erjetińder
Azamat bolyńdar kórikti,
Ǵumyryń bolsyn berikti
Azamat bolyńdar ardaqty
Minezderiń bolsyn salmaqty
Ónerli bolyńdar jan – jaqty
Osy aıtqannyń bári qabyl bolyp
Alla bersin senderge zor baqty! Áýmın.
Ata: Báıbishe, búgingi Naýryz meıramyn qos merekege ulastyryp qudaǵıdy shaqyryp nemeremizdi besikke salǵyzaıyq.
Kórinis «Besikke salý»
. Aspanymda aqsha bulttar aýnaıdy,
Naýryz toıy kóńilimdi baýraıdy.
Tebirengen tabıǵat ta máz meıram,
Ańqyldaǵan qazaǵymnan aýmaıdy.
1 - júrgizýshi:
Qosh kelipsiń, Naýryz!
Arman toıy halyqtyń,
Qýanyshy halyqtyń,
Qutty bolsyn qadamyń!
Seni toılap qarsy alyp,
Bar álemge jar salyp,
Sálem berdik biz sizge!
2 - júrgizýshi:
Júrińder Naýryzǵa basyp aıaq,
Qalys qaýym bolmasyn neken saıaq.
Án shyrqap, bı bıleıtin qaýym bolyp,
Turmaıyq, ýaqyt keldi ónerdi aıap.
Nazarlaryńyzǵa «Nazerke» bı ujymynyń oryndaýyndaǵy «Qazaq bıin» usynamyz.
1 - júrgizýshi.
Jarqyrasyn Sulýjondaı jerimiz!
Asyp - tasysyn baılyǵymyz, kenimiz
El súısinip dáýletine elimniń,
Malǵa tolyp jatsyn barqyt belimiz!

2 - júrgizýshi:
Toıla búgin taýlarym men boz dalam,
Toıla búgin qarttarym men bozbalam.
Mereke bop kelgen búgin Naýryzym!
Bereke bol eshqashanda tozbaǵan!
Osymen daıyndaǵan shaǵyn merekelik konsertimiz aıaqtaldy. Kelesi Naýryzda aman saý kezdesýimizge alla násip etsin. Hosh saý bolyńyzdar!