InfoHub Logo

Armysyń, áz Naýryz!
Maqsaty: Ulystyń Uly kúni Naýryz merekesiniń erekshelikterimen tanystyrý. Naýryz merekesi týraly túsinik berý. Balalardyń oılaý qabiletterin damytý. Merekelik kóńil - kúı qalyptastyrý. Týǵan elge degen súıispenshilikpen birge salt - dástúrdi qurmetteýge, úlkenderdi jáne birin - birin syılaýǵa tárbıeleý.

Áje: Ýa, halaıyq, armysyzdar! Búgin bizdiń aýylda úlken toı. Qazaǵymyzdyń jańa jyl merekesi Naýryz qutty bolsyn! (áje shashý shashady). Jáne taǵy bir toı meniń eń kenje nemeremniń tusaý keser toıy. Bul úlken qýanysh, mereke. Sizder osy toıdyń úlken syıly qonaǵysyzdar. Kóńil kóterip demalyp otyryńyzdar.

Kelin:
İlesip naýryzbenen kóktem jetsin
Kóńilin úlken kishi kókke órletsin.
Eńsesi kóterilip er azamat
Eski jylmen renish ókpeń ketsin,- degendeı Naýryz jyl basy qutty bolsyn! Jańa jyl tek qana jaqsylyǵymen jańalyǵyn ákelsin. Aq mol bolsyn, halyq toq bolsyn. Elimiz tynysh bolsyn, barshamyzǵa baq qonsyn.

Áje: Áıı, qyzym! Kórshi aýyldan ónerli qyz - jigitter keletin edi, júr solarǵa dastarqan jaıaıyq.
Kelin: Jaraıdy, apa!

Bı: «Asataıaq»

Aıym:
Naýryz keldi elime,
Naýryz keldi jerime.
Baılyq, baqyt tileımin,
Búkil qazaq eline.

Azıza:
Merekege arnalsyn
Búgingi jyr ánimiz.

Ilona:
Keler jatyr jylymyz,
Meıramdaımyz muny biz.

Ǵazıza:
Ortamyzdy ashaıyq,
Yrys tilep bul jylǵa,
Jyrdan shashý shashaıyq.

Áje: Rahmet, senderge shyraqtarym! Búgingi toıymyzǵa qosh keldińder. Senderdeı úlken, ónerli azamat bolsyn degen nıetpen búgin kenje nemeremniń tusaýyn kesip jatyrmyz. Taǵy da qonaqtar kelip qalǵan ba? Bularda kórshi aýyldyń ónerli jigitteri bolar. Qoı, men baryp qarsy alaıyn. Kelin... áıı, kelin... júr qonaqtardy qarsy alaıyq...

Bı: «Kóbelekter»

Aıarý:
Jyldyń basy naýryz
Jerdiń basy naýryz

Erkenaz:
Halyq súıgen meıramdy,
Qarsy alaıyq naýryzdy

Qaraqat:
Kóktem keldi shýaqty,
Balalardy qýantty.

Kelin: Qandaı ónerli qyz - jigitter kelip qalǵan. Jaraısyńdar, raqmet senderge balalar. Dastarqanǵa jaıǵasyńdar. Dámnen aýyz tıińder.
- Shúı, shúı... Armysyzdar, halaıyq! Toılaryńyz qutty bolsyn. Bizde óz ónerimizben keldik. Solaı ma, jigitter?!

Bı: «Qarajorǵa»

Nuralı:
Asyń, asyń asyńa,
Baqyt qonsyn basyńa,
Densaýlyǵyń zor bolsyn,
Dastarqanyń mol bolsyn!

Arlan:
Al, halaıyq turmaıyq,
Ándeteıik, jyrlaıyq.

Arnur:
Ýa, aǵaıyn, halaıyq,
Munda nazar salaıyq,
Merekesi halyqtyń,
Naýryz toıyn bastaıyq.

Áje: Oıı.. aınalaıyndar, jaraısyńdar! Qýanyshyma ortaqtasyp, kelgenderińe kóp rahmet! «Toıdyń kórki án» deıdi halqymyz, endeshe bir áýý dep jibereıik.

Án: «Qosh keldiń naýryz tórime»

Kelin: Apa.. qonaqtardy kóp kúttirmeı, saltymyzdy bastaıyq...
Áje: Bastasaq bastaıyq, shyraǵym. Ákele ǵoı kenjetaıymdy... Mine, meniń kenjetaıymda keldi..

Tusaýkeser salty
Áje: Tusaý kesý degenimiz – kishkentaı balaǵa yrymdap, tez júrip ketsin dep, ala jip baılap, bata tilek aıtyp kesedi. Tusaý keskende, kók shóppen, toqishekpen de kesedi. Ondaǵy maqsat: kógersin, óssin – ónsin degeni jáne de baı – dáýletti, baqýatty bolsyn degeni. Búgin biz ala jippen tusaý kesemiz. Ondaǵy maqsatymyz – balamyz eshkimniń ala jibin attamasyn degenimiz. Meniń ózimniń keskenim uıat bolar, anasy ruqsat berse, qonaqtarǵa ruqsat bersek.
Qaz, qaz, balam, qaz balam.
Qadam bassań máz bolam.
Baltyryńdy túre ǵoı,
Taı qulyn bop shaba ǵoı,
Ozyp báıge ala ǵoı.
Áje: Raqmet, sizge. Sizdiń de osyndaı nemereńiz kóp bolsyn.

Qydyr ata:
Amansyńdar ma, qaraqtarym,
Naýryz toıy qutty bolsyn.
Áje: Oıı.. bizge Qydyr ata kelip qalypty ǵoı.. Qosh keldiń, Qydyr ata! «Jańbyr menen jer kógerer, batamenen el kógerer» degendeı, Qydyr atadan bata suraıyq.
Aısultan:
Baq darysyn bárine,
Oı qosylyp oıyńa,
Boı qosylsyn boıyńa,
Aman esen jeteıik
Kelesi naýryz toıyna.
Áje: Qanekeı, kelińizder, naýryz kójeden dám tatyńyzdar.