InfoHub Logo

Qazaq tili 11 synyp
Sabaqtyń taqyryby: Elbasymyz N. Á. Nazarbaevtyń «Táýelsizdik tolǵaýy»
Sabaqtyń maqsaty: «Táýelsizdik tolǵaýy» týyndaǵan Ýaqyt pen Keńistiktiń qazirgi sıpatyn bilgize otyryp, oqýshylardyń «Tolǵaýda» kóterilgen máselelerdi saraptap taldaı alýyna qol jetkizý jáne Elbasynyń ár sózindegi maǵynany uǵyp, oı qorytyndysyn jasaýǵa múmkindik týǵyzý. Sóz ıesi – Elbasynyń sheshendik tolǵamyn paıymdap, sheshenniń Tulǵalyq beınesin taný. Elbasynyń sózinen týyndaıtyn mindetterdi saralaý, ol mindetterdiń sheshilý joldaryn ózdiginen usyný.
Sabaqtyń túri: aralas sabaq
Sabaqtyń ádisi: «Táýelsizdik tolǵaýynda» qamtylǵan nysandardyń jalpy belgileri men qasıetterin anyqtaýǵa múmkindik beretin jalpylaý oılaý ádisi; halqymyzdyń uly kóshinde jasaǵan tarıhı is - áreketteriniń mańyzdylyǵyn tanýǵa kómektesetin tarıhı tanym ádisi; jeke qorytýlar negizinde jalpy tujyrym jasaýǵa múmkindik beretin jınaqtaý ádisi, oı qorytý ádisi t. b.
Sabaqtyń kórnekiligi: kespe qaǵazdar
Pánaralyq baılanys: ádebıet, tarıh

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý. Synyptyń tazalyǵyna kóńil bólý. Oqýshylardyń zeıinin sabaqqa aýdarý.

á) Úı tapsyrmasyn pysyqtaý:
Úıge berilgen tapsyrmany suraımyn. Oqýshylarǵa ótken tapsyrma boıynsha birneshe suraqtar qoıamyn.

B) Sabaqty ótkizý ádisi:
Synı turǵydan oılaýǵa úıretý. Synı turǵydan oılaý «oılaý týraly oılaný» dep sıpattalady. Ol «Táýelsizdik tolǵaýyndaǵy» mańyzdy máselelerdi talqylaýdy jáne tájirıbeni oı eleginen ótkizýdi qamtıdy. Synı turǵydan oılaý – qazirgi tańda Qazaqstandaǵy bilim berýdi damytý úshin mańyzdy bolyp tabylatyn eń basty pedagogıkalyq túsinik. Bul modýl oqýshylardyń da, muǵalimderdiń de synı turǵydan oılaýyn sanaly damytýdy jáne oımen qabyldaýyn kózdeıdi.
Synı turǵydan oılaý «Tolǵaý» mátininiń mazmunyn esepke ala otyryp, baqylaý men tyńdaý arqyly dálelder jınastyrý jáne sheshim qabyldaý úshin talapqa saı ólshemderdi qoldaný sıaqty daǵdylardy damytýdy qarastyrady. Synı turǵydan oılaý oqýshylardyń burynǵy qalyptasqan baqylaý, taldaý, qorytyndy, ınterpretasıa daǵdylaryna súıenedi.
Synı turǵydan oılaý barysynda oqýshylar «Táýelsizdik Tolǵaýyn» oqıdy, ol týraly aıtylǵan derektermen aqparat kózderinen tanysady, túrli aqparat kózderinen alynǵan dálelder arasyndaǵy baılanysty tabady, ártúrli pikirlerdiń uqsastyqtary men aıyrmashylyqtaryna taldaý jasaıdy, jınaqtalǵan aqparattardyń ózektiligin, mańyzdylyǵyn anyqtaıdy. Dálelderdi negiz etip alynǵan boljamdardy, ustanymdardy aıqyndaıdy.

b) Jańa sabaqty túsindirý.
Halqymyzdyń qasterli Táýelsizdigi men Máńgilik Elimizdiń bolashaǵy meni únemi tolǵandyrady. «Táýelsizdiktiń ómirlik fılosofıasy qandaı bolýy kerek?» degen saýaldy men ózime sát saıyn qoıyp otyramyn. Osy jaıyndaǵy oı oramdaryn qaǵazǵa túsirip «Táýelsizdik tolǵaýy» dep ataǵym keldi. Ol azat elimizdiń kúlli azamattaryna, jalyndy jastarǵa búgingi býynnyń eren isterin laıyqty jalǵastyryp, erteńgi urpaqqa arnalady.

Zaman aǵymy bizdi Qazaqstan Respýblıkasy tuńǵysh ret táýelsiz el retinde álemge áıgilengen tarıhı data - 1991 jyldyń 16 jeltoqsanynan kún saıyn, saǵat saıyn alystatyp barady. Biz jyl ótken saıyn sol bir tarıhı tańdaýdyń sarqylmas qudyretin jan júregimizben túsinemiz. Ol - egemen memlekette beıbitshilik pen kelisimde, ózara senimde azat ómir súrý tańdaýy. Ol týǵan jerimizdiń qazynasy men qazba baılyǵyna derbes ıelik etip, barsha qoǵamnyń ıgiligi úshin óz qalaýymyzben jumsaý tańdaýy. Ol - óz taǵdyrymyzdy ózimiz aıqyndaý, bolashaǵymyzdy óz qolymyzben jasaý tańdaýy. Bizdiń jańa Qazaqstanymyz jaryq juldyz bolyp dúnıege keldi. Barshamyzdy Táýelsizdiktiń Uly rýhy jebeıdi, biriktiredi, boıymyzǵa qýat berip, senimimizdi nyǵaıtady. Ol altyn kúni jarqyrap, altyn qyrany qalyqtaǵan Qazaq Eliniń ashyq aspany astynda dúnıege kelgen árbir sábıdiń júregine ornaıdy. Ol árbir azamattyń júreginde, ár shańyraqtyń tórinde, elimizde boı kótergen árbir úıde, árbir qala men aýylda saltanat quraldy. Ol bizdiń ósimimen, árbir jańa óndiris orynymen, ulanǵaıyr Otanymyzǵa tóselgen árbir kúre jolmen, dala tósine óngen árbir tonna altyn dánmen nyǵaıady.

Táýelsizdik - san býyn babalardyń qasıetti jerimizdiń árbir qadamyn qorǵaý úshin tógilgen ólsheýsiz qany men teriniń óteýi. Táýelsizdik keshegi batyr babalar ósıet etkenindeı, Qazaqstandy qasyq qany qalǵansha qorǵaý jónindegi árbir azamattyń qaısar sheshimi. Biz júrgizip otyrǵan syrtqy jáne ishki saıasat – halyqtyń danalyǵy. Qazaqstandy órkendetý jolyndaǵy kúlli jaýapty sheshimderdiń danalyǵy. Halqymyzdyń asqaq abyroıynyń, qonaqjaılylyǵy men keń peıiliniń danalyǵy. Táýelsizdik degenimiz - bul jalpyǵa ortaq eńbek. Ǵylym qýyp, bilim izdegen oqýshylar men stýdentterdiń eńbegi. Elimizdiń ulttyq baılyǵyn eseleı túsetin barsha mamandyq ıeleriniń eńbegi. Árbir jas býynnyń júregine Otanǵa degen sheksiz súıispenshilik darytatyn qazaqstandyqtardyń eńbegi,- dep atap ótken Nursultan Ábishuly onyń kókjıegin jahandyq deńgeıge jaıǵan san qyrly mádenıeti bar ekendigine de toqtalyp ótti.

- Onyń ǵylymǵa, ınovasıalar men progreske árdaıym aıqara ashyq esigi bar. Onyń kózdegen mejelerine qalaıda jetetin mádenıeti bar. Al Máńgili El - Táýelsizdiktiń ómirlik fılosofıasy. Bul qaǵıdalardy múltiksiz saqtaı otyryp, biz Otanymyzdyń kók baıraǵyn nyq ustaımyz. Ony Qazaqstan damýynyń jańa bıikterinde asqaqtata jelbiretemiz. Bul - bizdiń máńgilik ustanymymyz! - dedi Elbasy.

Bilimdi bekitý: Ótken taqyryptar boıynsha birneshe suraqtar qoıa otyryp, túsinbegen suraqtaryna jaýap beremin.
1. Til týraly Zań neshe taraýdan turady?
2. Neshe baptan turady?
Baǵalaý: Sabaqqa qatysyp otyrǵandaryna qaraı bilimderi baǵalanady.
Úıge tapsyrma: «Men Táýelsiz eldiń ulanymyn» oıtolǵaý jazý.

Elbasymyz N. Á. Nazarbaevtyń «Táýelsizdik tolǵaýy» júkteý