InfoHub Logo

Artıkýlásıalyq oıyn - jattyǵýlar:
Saqqulaq
Maqsaty: Estý qabiletin damytý, belsendi sózdikti tolyqtyrý, frazalyq sóıleýin damytý
Qajetti quraldar: qalqa (tasalap turatyn nárse), qońyraý, syldyrmaq, dabyl jáne t. b.
Oıyn barysy: Tárbıeshi qalqanyń artynda turyp, kezek boıynsha joǵaryda atalǵan zattarmen dybys shyǵaryp jáne balalardan dybystyń qandaı zattan shyqqanyn tabýyn usynady. Dybystar bala olardy tabý úshin, anyq jáne kezektesip shyǵýy kerek.

Aqshaqar
Maqsaty: Sóıleý tynysyn damytý, birqalypty jáne uzaq dem shyǵara bilýdi (aýany aýyzǵa toltyrmaı) qalyptastyrý.
Qajetti quraldar: Maqtanyń birneshe bos túıirshikteri.
Oıyn barysy: Tárbıeshi maqtanyń bóligin kórsetip, aıtady «Dalada qar jaýyp tur. Kelińder, topta qar jaýdyramyz» Sodan soń balanyń alaqanyna «aqshaqardy» salady jáne qalaı úrleý kerek ekenin kórsetedi. Sosyn bala úrleıdi. Jattyǵý 2 - 3 ret oryndalady.
Aqsha qar, Aqsha qar
Appaq bolyp qonasyń.
Tosa qalsam qolymdy,
Alaqanyma qonasyń.

Japyraqtar
Maqsaty: Birqalypty, erikti dem shyǵarýǵa úıretý.
Qajetti quraldar: Juqa qaǵazdan oıyp jasalǵan sary jáne qyzyl japyraqtar.
Oıyn barysy: Tárbıeshi balaǵa kúzde aǵashtardyń japyraqtary túsetinin túsindiredi. Bul qubylys japyraqtardyń túsýi dep atalady. Japyraqtardyń túsýin úıde uıymdastyrýdy túsindiredi. Bala japyraqtar ushatyndaı, olarǵa úrleıdi. Jattyǵý 2 - 3 ret oryndalady.
Altyn, sary, qyzyl, kók,
Alýan – alýan japyraq.
Kúzgi baqta kúlimdep,
Kóz tartady atyrap.

Ush, kóbelek!
Maqsaty: Uzaq, úzdiksiz dem shyǵara bilýdi qalyptastyrý.
Qajetti quraldar: 2 - 3 qaǵazdan jasalǵan, aıqyn boıalǵan kóbelekter ( árbir kóbelekke uzyndyǵy 50 sm jipti baılaıdy jáne olardy bir - birinen 30 sm qashyqtyqta baýǵa baılaıdy. Baýdy kóbelekter balanyń betiniń deńgeıinde salbyrap turatyndaı eki tireýdiń ortasyna keredi).
Oıyn barysy: Tárbıeshi balaǵa kóbelekterge ushatyndaı etip, olardy úrleýdi usynady. Balanyń tik turýyn, aýany ishke jutqanda ıyqtaryn kótermeýin, bir ret dem shyǵaryp úrleýin, aýany jutpaýyn, urttaryn toltyrmaýyn, al erinderin alǵa shyǵarýyn qadaǵalaý qajet. Bala basy aınalmas úshin, 10 sekýndtan artyq emes úzilistermen úrleýi qajet.
Qanattary ádemi,
Qyzyl – jasyl kóbelek.
Gúlge qonyp qalypty
Bir ǵajaıyp keremet.
Bar dalany jaınatyp,
Gúlden – gúlge qonady.
Kóbelektiń qanaty
Gúldeı ásem bolady.
Ne isteý kerek, tabamyz
Maqsaty: Estý zeıinin jumyldyra bilýin damytý. Syldyrmaqtyń dybysymen óziniń qozǵalysynyń araqatynasyn belgileý, qozǵalys sáıkestigin damytý.
Qajetti quraldar: Syldyrmaq, eki jalaýsha.
Oıyn barysy: Balanyń qolynda eki jalaýsha bar, eger tárbıeshi syldyrmaqty qatty syldyrlatsa, onda bala jalaýshalardy joǵary kóteredi jáne bulǵaıdy. Eger syldyrmaq aqyryn syldyrlasa, onda jalaýshalardy tómen túsiredi.
Munda balalardyń durys turýyn jáne qozǵalystarynyń dál oryndalýyn qadaǵalaý mańyzdy. Bala jattyǵýdy jeńil oryndaý úshin, syldyrmaqtyń qatty jáne aqyryn dybystalýyn keminde 4 ret almastyrý qajet.

Kim alǵyr?
Maqsaty: Qulaqtyń estigishtigin, sózdik nusqaýlyqty ony aıtatyn daýys kúshine qaramastan durys qabyldaı bilýdi damytý.
Qajetti quraldar: Oıynshyqtar: qýyrshaq, aıý, máshıne.
Oıyn barysy: Tárbıeshi ústinde oıynshyqtary bar ústeldiń janynda otyrady. Bala odan 2 – 3 metr qashyqtyqta bolady. «Men sybyrmen sóıleıtin bolamyn, sondyqtan bári estilý úshin tynysh otyryp, zeıinmen tyńda»:
- Aıýdy al jáne máshınege otyrǵyz.
- Aıýdy máshıneniń ishinen al.
- Máshınege qýyrshaqty otyrǵyz.
- Qýyrshaqty máshınemen qydyrt.
Bala bul tapsyrmalardy estýi, týsinýi jáne oryndaýy qajet. tapsyrmalar qysqa jáne jeńil, al aıtylýy aqyryn, biraq aıqyn bolý kerek.

Artıkýlásıalyq oıyn - jattyǵýlar. júkteý