InfoHub Logo

Turǵanynda kóktem, jastyq móldir kók,
Ǵashyq otyn ýaqyt qalaı sóndirmek.
Suqtandyrar sulý qyzdar bolmasa,
Myna ómir ketedi eken solǵyn bop.
 
Pák mahabbat júrek terge gúl jaıyp,
Ǵashyǵyn kúnnen kúnge ulǵaıyp.
Aıdyndaǵy aqqý syndy ǵajaıyp,
Arýlarǵa gúl shoqtaryn syılaıyq.
 
İzgilikter nuryn shashqan ǵalamat,
Arýlardy súıe bilgin adal-aq.
Sol arýlar – erteńgi urpaq anasy,
Óteıikshi alaqanda aıalap!

*** *** *** ***

Janymdy jebeıdi bir shýaqty úmit,
Qaldyń sen júregimdi turaq qylyp.
Túndegi shaqyrasyn shamshyraqtaı,
Dátime kelem seni qýat qylyp.
 
Suqtanyp qaraı berem kúnde ózińe,
Kóńildi kúı oınatyp kúmbezine.
Janarym qaraǵanda taıqyp ketip,
Qaımyǵam qaraǵandaı kún kózine.
 
Tamsanyp sulýlyqqa, súzilemin,
Qıyǵy qyzǵaldaqtyń - qyzyl erin.
Júrgende júz qyzǵa da yryq bermeı,
Daýyldaı tynyshymdy buzyp ediń.
 
Tolqytyp tunyq sezim erkim ketti,
Túńligin úmit kóńil jelpildetti.
Júregim qaıaý tartqan qaıta túlep,
Súıgende seni ǵana serpilmekshi.
 
Dál sendeı kórgenim joq shyn asyldy,
Qylyǵyń, mineziń de unasymdy.
Ózińnen muratymdy tapqandaımyn,
Keýdeme mahabattyń gúli ashyldy!

*** *** *** ***

 

---