InfoHub Logo

Erekshe tózimdi kádimgi qazaqtyń Ult analaryna degen qurmetimdi bildirip, qolymyzdy júregimizdiń tusyna qoıyp, ıilip tájim etemiz. Sabyr men tózimnen jaralǵan Ult analary – aıaýly ájeler, asyl analar, kóktemdeı qulpyrǵan qyz-kelinshekter, merekelerińizben!

*** *** *** ***

Jyly shyraıly kóktemniń alǵashqy bir kúnderi barsha azamattyń kóńilin jadyrata kelgen 8 Naýryz – Halyqaralyq áıelder kúnimen barlyq qyz-kelinshekterdi shyn júrekten quttyqtaımyz. Táýelsiz elimizdiń búgingi kúnge nyǵaıyp, álem tanyǵan abyroımen jetýlerine asyl analarymyz, ardaqty jeńeshelerimiz ben apa-ápke, sińlilerimizdiń ólsheýsiz úles qosqandyǵy aqıqat. Otbasynyń kúnbe-kúngi sharýasyn, bala tárbıesin jáne qoǵamdyq jumystardy qosa atqara júrip áıel zaty bizdiń qoǵamdaǵy turaqtylyq pen el birligin saqtaý máselesinde sheshýshi ról atqaryp keledi.

Barshańyzǵa mereke qaıyrly, qutty bolsyn! Árbir shańyraqqa shattyq pen baqyt, otbasynyń amanshylyǵyn, elimizdiń ósip-órkendeı berýin tileımiz. Ómirdegi áıel jaqqan shyraq sónbesin!

Áıelder qaýymyn kim-kimdi de ádemi áserge bóleı keletin kóktemniń jarqyn da shýaqty merekesimen quttyqtaımyz! Ár otbasynyń bereke-birligin qalyptastyryp, halqymyzdyń dástúri men saltyn, onyń mádenıeti men tarıhyn, tilin qadirleýdi urpaqtan urpaqqa jetkizip kele jatqan Sizderge shynaıy rızashylyq sezimimizdi bildiremiz.

Sizderge zor densaýlyq, ári sulýlyq, nárli kúsh-qýat tileımiz! Kóńilderińiz kóktemdeı kórikti bolsyn. Árkez Sizdermen birge jeke súıispenshilik, kóktemniń shyraıly shýaǵy bola bersin. Ár kún Sizderge kóktemgi sezimniń jylýyn, qýanyshyn, baqyty men mahabbatyn syılasyn!

*** *** *** ***

Alashtyń ultjandy azamattary, ulttyń da, urpaqtyń da besigin túzeıtin, tilimizdi de, dinimizdi de dilimizdi de ana sútimen sanaǵa sińiretin, qazaqty tárbıeleıtin qyzdarymyz. "Bári de adamnyń óz qolynda, al adam áıeldiń alaqanynda" degen sóz álemdi bıleıtin de, terbeıtin de áıel ekenin bildiredi.

Sizderdi jyl basy kóktemniń aıtýly merekesi 8 – Naýryz meıramymen shyn júrekten quttyqtaý tilegimdi qabyl alyńyzdar! Búgingi bar tirshilik, jaryq dúnıe, baqytty ómir áıel-ananyń aıaýly alaqanynda. Azamat balasyna tán qasıetti, súıispenshilik pen ińkárlik, susýlyq pen mahabbat, qaıyrymdylyq pen aqyldylyqtyń bar bolmysyn shynaıy rýhta bir boıyna sińire bilgen aq peıildi darhan júrekti názik jandarǵa dúnıedegi bar jaqsylyq ataýlyny tileımin.

*** *** *** ***