InfoHub Logo

«Qatynas» bilim berý salasy
Oqý is - áreketi: Kórkem ádebıet (ózin - ózi taný pánimen yqpaldasýy)
Taqyryby: Asqabaq (ertegi oqý)
Maqsaty: Balalardyń álem halyqtarynyń ertegileriniń mazmunyn túsinýge qyzyǵýshylyǵyn arttyrý. Ertegidegi durys is - áreketpen qıanat jasamaý qundylyqtaryn túsinip ajyrata bilýge úıretý. Oı - órisin keńeıtip, tilin damytý, sózdik qoryn molaıtý.
Kórnekiligi: sýretter
Ádis - tásili: Áńgimeleý, túsindirý, sergitý, suraq - jaýap
Meńgeriletin sóz: abhaz halqy, qyzǵanshaq.

Motıvasıalyq qozǵaýshy.
Shattyq sheńberi
Umytpaıyq tańerteń
Álemge kúlki syılaýdy
Kel balalar kúleıik
Kúlkimen túleıik!
Uıymdastyrýshylyq izdenýshilik.

Uıymdastyrý kezeńi. Jyl mezgili, aıy, apta kúnin pysyqtaý. Oqý is - áreketiniń taqyrybymen tanystyrý. Balalar búgin sizderge «Asqabaq dáni» abhaz halyq ertegisin oqyp beremin.
Bir áıel úıiniń tabaldyryǵynda balalarynyń kıimin jamap otyrady. Kútpegen jerden qarlyǵashtyń uıasyna kishkentaı balapan qulap qalady. Áıel balapandy kóterip alaqanyna alyp qarasa, aıaǵyn syndyryp alypty. Balapanǵa jany ashyǵan áıel onyń aıaǵyn baılap, balapandy aqyryndap uıasyna qaıta salyp qoıady.
Buǵan rıza bolǵan qarlyǵash kelesi kóktemde jyly jaqtan ushyp kelgen kezinde áıeldiń aldyna asqabaqtyń dánin tastap ketedi. Ol dándi alyp baqshasyna otyrǵyzady, al asqabaq ábden piskende, as ázirlemek bolyp asqabaqty jarady.
O, ǵajap! Asqabaqtyń ortasynan laq etip, altyn teńgeler shashylyp ketedi. Muny qyzǵanshaq kórshisi kórip qalady. Kelesi kóktemde qyzǵanshaq kórshisi qarlyǵashtyń uıasynan balapandy sýyryp alyp, aıaǵyn syndyryp, qaýyrsynymen baılap, uıasyna qaıta salyp qoıady.
Kóktemde qarlyǵash ushyp kelgende, oǵan da asqabaqtyń bir dánin tastap ketedi. Qyzǵanshaq áıel asqabaq ósirip, onyń kúzde pyshaqpen jarady. Odan qyzyl jylan shyǵyp, qyzǵanshaq áıeldiń sazaıyn tarttyrypty.

Boı sergitý sáti:
Appaq bolyp tań atty
Tútin tike shyǵady
Qarlyǵashtyń qanaty
Samǵap bıik ushady.
Balalar ertegiden neni túsindińder? Eki asqabaqtan da altyn teńge shyqty ma? Nege olaı boldy dep oılaısyńdar?
Refleksıvti kezeń
Oıyn: «Sıpap tap» Suraqtar arqyly oqý is - áreketin pysyqtaý. Jaqsy qatysqan balalardy madaqtap oqý is - áreketin qorytyndylaý.

Kútiletin nátıje:
Neni bilýi kerek: Bul ertegi arqyly meıirimdi, qaıyrymdy, dos, janashyr bolýǵa, adam túgili ań, qusqa da qıanat jasamaý ekenin túsindirý. Qus bolsa da jasaǵan jaqsylyǵyna rızashylyǵyn bildirip jáne qıanatyna da ó z syıyn jasaǵanyn ertegi mazmuny arqyly túsindirý.
Neni ıgeredi: Balalardyń boıynan qıanat jasamaý, durys áreket qundylyǵy týraly túsinik berý.