InfoHub Logo

«Shyǵarmashylyq» bilim berý salasy
Bólimi: Sýret
Taqyryby: Kamzoldy oıýmen órnekteımiz.
Maqsaty: Balalarǵa qıyp ázirlengen kamzoldy dástúrden tys, karton bastyrmasy arqyly oıý - órnekterdi úıretýdi jalǵastyrý. Boıaý tústerin durys tańdap, oıý - órnek, ulttyq kıimder týraly
bilimderin pysyqtaý. Ásemdik pen sulýlyqty seziný, kórkemdik
talǵamyn qalyptastyrý. Oılaý qabileti men tilin damytý.
Kórnekiligi: ulttyq buıymdar, ulttyq kıimder sýretteri, DVD, dısk.
Ádis – tásili: kórsetý, áńgimelesý, suraq – jaýap, sergitý, oıyn, qorytý.
Salalyq baılanys: kórkem ádebıet, til damytý.
Motıvasıalyq qozǵaýshy.
Shattyq sheńberi: Kúnniń kózi ashylsyn,
Kókke shýaq shashylsyn.
Qutty qonaq kelipti,
Tórimizge enipti.
Amandasý úlkenge,
Tárbıeniń basy ǵoı.
Al, qanekeı bárimiz,
Sálem deıik úlkenge.
Sálemetsizderme apaılar,
Elimiz aman bolsyn!
Aspanymyz ashyq bolsyn!
Meırimdi bolayq!
Denimiz saý bolsyn!
Balabaqshamyz jaınaı bersin!
Bárimiz dos bolaıyq!
Dostarymyz kóp bolsyn!
- Uıymdastyrý – izdenýshi.
- Balalar qazir jyldyń qaı mezgili?
- Qandaı aı?
- Aptanyń neshinshi kúni?
- Qazir bizde qandaı oqý is - áreketi bolady bilemiz be?
(esik qaǵylyp hat tasýshy keledi)

Hat tasýshy: Sálemetsizderme balalar, bul «Balaýsa» toby ma?
Men senderge sálemdeme ákelip edim, ishindegi tapsyrmany muqıat tyńdap, durys oryndańdar, minekeı apaı. Al saý bolyńdar balalar.
Tárbıeshi: Oı rahmet sizge, saý bolyńyz, jolyńyz bolsyn.
Tárbıeshi: balalar qandaı ádemi sálemdeme, qane bárimiz birge ashyp kóreıik, ishinde ne bar eken. Oı balalar mynaý ne?
- Bul dısk ǵoı.
- taǵy ne bar eken?
- qıylǵan qamzoldar.
Qane aldymen myna dıskini qosyp kóreıik, ishinde ne bar eken kóreıik.
(Teledıdar qosylyp, áje kórinedi.)
Áje: Amansyńdar ma, balalar! Men Aıajannyń ájesimin. Men nemereme kamzol tigip edim, endi sol kamzolǵa qandaı oıý - órnek salyp ádemileıtinimdi bilmeı otyrmyn. Sizder mektepke barǵaly otyrǵan balalar ekensińder, sondyqtan ulttyq oıýlardyń túrlerin kóp biletinderińe senemin. Men sizderge sálemdeme berip jibergenmin, sol úlgi kamzoldarǵa ózderiń biletin oıýlaryńdy salyp, maǵan kómektesińdershi. Al endi meniń salyp jibergen kamzoldaryma ádemilep salynǵan oıýlar kútemin.
Saý bolyńdar!
Tárbıeshi: Balalar bizge ájemiz úlken senim artyp otyr eken, ájemizge kómektesemiz be?
- Olaı bolsa aldymen oıý týraly maqal – mátelder aıtyp jibereıik.
Arýjan: Oıý oıǵannyń – oıy ushqyr.
Erasyl: Oıý oıǵan, syzý da syzady.
Anel: Sheshenniń sózi ortaq,
Sheberdiń qoly ortaq.
Al endi biz myna kamzolǵa oıýdy qylqalammen emes, karton bastyrmasymen basyp ádemileıik.
- Balalar, Biz qandaı oıýlardy bilemiz?
- Qoshqar múıiz, qos múıiz, taraq, ırek t. b.
Ulttyq oıýlardyń attary ósimdik, janýarlardyń attarymen baılanysyp jatyr. Olardy tek kıimge emes, sondaı – aq ydystarǵa, turmystyq buıymdarǵa da salyp órnektegen. Myna sýrettegi ulttyq kıimderdi qarańdarshy. Bas kıim, aıaq kıim, kamzol, shapan, beldik bári de oıýlarmen órnektelgen. Oıýdy ár buıymnyń ereksheligine qaraı tańdaǵan.
- qane kim oıý týraly taqpaq aıtady?

Azamat: Ájeı keste tigedi,
Oıyp túrli oıýdy.
Jiberedi óneri,
Sharyqtatyp kóńildi.
Juldyzaı: Oıýlarǵa súısinip,
Qaıran qalyp turasyń.
Kóre bilseń túsinip.
Odan kóp syr uǵasyń.
K. Juldyzaı: Kórshi ájeı ónerli,
Baryp turam kúnde men.
Qurmet tutyp sheberdi,
Oıý - órnek úırenem.
Jaraısyńdar balalar, biz búgin ájeniń kamzolyn qandaı oıýlarmen órnekteımiz? Mynaý qandaı oıýlar? Al mynaý qandaı oıý?
Balalar sender oıý túrlerin jaqsy biledi ekensińder, men qazir senderge ájeniń jibergen kamzolyn taratyp bereıin, aldaryńda daıyn karton bastyrmasyn, qyzyl kók boıaýlardy tańdaı otyryp bastyramyz.
Tárbıeshi kamzolǵa basyp kórsetý arqyly túsindiredi.

Boı sergitý sáti: Al balalar turaıyq,
Oıý - órnek syzaıyq.
Túıe taban,
Qoı izi men qos múıiz,
Qarǵa tuıaq, qus qanat.
Búrshik pen gúl ádemi,
Oıý - órnek álemi.
Qylqalamdy alaıyq,
Sándi órnek salaıyq.
Endi balalar ornymyzǵa otyryp ájemizdiń tapsyrmasyn oryndaıyq.
Joǵarydan tómen qaraı bota moıyn oıýyn basamyz.
Kamzoldyń etegine qoshqar múıiz oıýyn basamyz. Ájemizge unamdy etip, uqypty jasańdar. Kartondy boıaýǵa uqypty etip batyryńdar.
Óz betinshe jumys: Tárbıeshiniń baqylaýy, jeke balaǵa kómegi.
Refleksıvti kezeń.
Balalar jumysyn atap taqtaǵa ilip, kórme jasaý.
Al endi balalar endi bizge Madıar sýret oqý is - áreketi týraly taqpaǵyn aıtyp bersin.
O. Áýbákirov. «Sýret sabaǵy»
Balalar endi biz «Óz oıýyńdy qurastyr» dıdaktıkalyq oıynyn oınaımyz.
Maqsaty: tórt túrli oıýdy ár balaǵa qurastyryp shyǵýdy tapsyrý. Qurastyrǵan oıýdyń atyn ataý.
Balalar búgin báriń de oqý de oqý is - áreketine jaqsy qatystyńdar, jaqsy jaýap berdińder, kamzolǵa ádemi etip oıý bastyńdar. Senderdiń jumystaryńdy kórip Aıajannyń ájesi qýanyp qalatyn boldy. Endi qonaqtarmen qoshtasaıyq. Saý bolyńyzdar.

Kútiletin nátıje:
Bilýi: Ulttyq oıýlar týraly biledi.
Meńgerýi: Qoshqar múıiz, bota moıyn oıýyn basyp úırený.