InfoHub Logo

Ashyq tárbıe saǵaty
Taqyryby: Astana - Otanymyzdyń júregi, Táýelsizdigimizdiń tiregi
8 - synyptary
Astana - Otanymyzdyń júregi, Táýelsizdigimizdiń tiregi
Maqsaty: Astana týraly maǵlumat berý, elordamyz Astananyń kórikti oryndarymen tanystyrý; otansúıgishtikke, Otanyn qadirleýge úıretý; ulttyq patrıotızm rýhynda tárbıeleý.
Kórnekilikter: Astana sýretteri, slaıdtar, býkletter.

Barysy:
İ. Kirispe
1 - júrgizýshi
Qurmetti ustazdar, oqýshylar, búgingi bizdiń tárbıe saǵatynyń taqyryby – «Astana - Otanymyzdyń júregi, táýelsizdigimizdiń tiregi». Astana qalasy Qazaqstannyń jahandyq brendine aınalyp, dúnıejúzindegi ásem de jas qala retinde tanylýda. Astana – Táýelsizdik perzenti, Astana - jańa álemdegi Qazaqstannyń jarqyn beınesi.
2 – júrgizýshi
Táýelsizdik alǵan jyldar ishinde Elbasymyz Qazaqstandy búkil álemge tanytty. Basqa memleket sıaqty bizdiń de Astanamyzdyń bar ekenin, keremet ekenin tanyta bildi. Ánuranymyz búkil álemde shyrqaldy.
İİ. Án «Astana» Jandar Eńlik
İİİ. Ádebı montaj «Astana tarıhy»
2 – júrgizýshi

Astana – elimizdiń bas qalasy. Ár eldiń balasy óz Otany, týǵan jeri týraly bilip, ony kórkeıtip, qadirleı bilý kerek. Biz – osy eldiń bolashaq patrıottarymyz. Úlkenderimiz jasap bergen joldy aldaǵy ýaqytta jalǵastyrýshylar – biz. Endeshe Astana týraly, búgin jyrlap, áńgimelep, maqtan eteıik!
1 – júrgizýshi
Elbasy 1992 jyly Qazaqstannyń Prezıdenttigine saılanǵannan keıin sol jyly Aqmolaǵa keldi. Esilde kóldeneń tartylǵan eski kópirdiń ortasynda turyp ózenge qaraıdy. Elbasyna qashanda qalanyń ortasynan aǵyp jatatyn ózen unaıtyn. Ózen qalaǵa erekshe kórik beredi, mártebesin kóteredi. Elimizde kóp degen qalalar ózenniń boıynda ornalasqan.
2 – júrgizýshi
«Ózindik ortada týǵan, básekege qabiletti tulǵa aldymen óz halqynyń tilin, tarıhyn mádenıetin bilý kerek» degen N. Nazarbaev
1 – oqýshy
Astana halqymyz ǵasyrlar boıy armandaǵan Táýelsizdiktiń rámizi jáne qýatty faktory bolady. «Astana – jańa Qazaqstannyń qýaty jáne onyń kópultty halqyn biriktirýdiń qaınar bulaǵy» degen N. Nazarbaev
2 – oqýshy
Aqmola ortalyq Qazaqstannyń Soltústiginde, Esil ózeniniń jaǵasynda ornalasqan. Ǵun tilinde «aq» - «batys», «mol» «qamal» degen maǵyna beredi. Demek «Aqmola» sózi «Batys qamaly» bolyp aýdarylady.
3 – oqýshy
Hİ ǵasyrda osy qalanyń ornynda eń alǵash Bozok qamaly saýda baılanysy damyp, ortaǵasyrlarda qala mártebesine ıe boldy.
4 – oqýshy
1830 jyly Qaraótkeldiń boıynda Aqmola bekinisiniń negizi qalanyp, 1832 jyly bekinis paıdalanýǵa berildi. Esil ózeniniń taıaz jerin Qaraótkel dep ataǵan. 1830 jyly Astana Esil ózeniniń jaǵasynda qazaq – orys áskerleri negizin qalaǵan bekinisten bastaý alady.
5 – oqýshy
1954 jyly bastalǵan tyń jáne tyńaıǵan jerlerdi ıgerýge baılanysty Qazaqstannyń soltústiginde 6 oblysy tyń ólkesine jatqyzyldy da, 1961 jyly Aqmola qalasy Selınograd qalasy bolyp ózgertildi. Táýelsizdik alǵannan keıin 1992 jyly Aqmola ataýy qaıta qalpyna keltirildi.
6 – oqýshy
1994 jyly 6 shildede joǵarǵy Keńes Qazaqstan Respýblıkasy astanasyn Almaty qalasynan Aqmola qalasyna kóshirý týraly sheshim qabyldady. 1995 jyly 20 qyrkúıekte táýelsiz Qazaqstannyń prezıdenti N. Nazarbaev jarlyǵymen elordany Almatydan Aqmolaǵa kóshirý týraly sheshim qabyldandy.
Synyp jetekshi: J. Bımuratova