InfoHub Logo

(Eresekter toby úshin merekelik erteńgilik)

Maqsaty: Eldik merekege ózindik ún qosý. Kóńildi orta qalyptastyrý.
Bas qala – Astana týraly ánder men óleńder úıretý, súıispenshilik jáne maqtanysh sezimderin týdyrý. Týǵan el tarıhymen tanystyrý.
Aldyn ala atqarylatyn jumystar: Astananyń sulý kelbeti toptastyrylǵan slaıd daıyndaý, Astana kúnine arnalǵan kópshiliktiń júrekjardy lebizderi, quttyqtaýlary túsirilgen beınejazba ázirleý, balalardyń óz shyǵarmashylyqtarynan daıyndaǵan sýretteri kórmesin uıymdastyrý.

Barysy:
Ekranda «Jańalyqtar qyzmetiniń zastavkasy» kórinip, áýeni oınalady. Ortaǵa tárbıeshi telejúrgizýshi bolyp shyǵady:
Telejúrgizýshi
tárbıeshi: Qaıyrly kún, qurmetti telekórermender! Efırde «Apta KZ»
jańalyqtar toptamasy. Sizdermen birge men – Indıra Qosymova
Búgingi shyǵarylymda kóretinderińiz:
-«Astana - balalar kózimen!»
Mereke aıasynda balabaqsha búldirshinderiniń arasynda ótken sýret kórmesiniń nátıjesin anyqtaý.
-«Táýelsiz eldiń júregi sensiń - Astana!»
Astana qalasynyń sulý kelbeti álemdi tań qaldyrdy.
-«Astana - tatýlyq pen birliktiń ordasy»
Súıikti bas qala – Astananyń týǵan kúnine arnalǵan respýblıka jurtshylyǵynyń júrekjardy lebizderi
- Osy jáne taǵy basqa da jańalyqtar legimen tanys bolasyzdar, arnany aýystyrmańyzdar!......
Telejúrgizýshi
tárbıeshi: Bas qalamyz - Astana qalasynyń 16 jyldyq mereıtoıyna oraı respýblıka boıynsha barlyq balabaqshalar arasynda «Astana - balalar kózimen!» atty balalar qolymen salynǵan sýretterdiń kórmesi uıymdastyrylǵan bolatyn. Sýret kórmesi keshe Astana qalasy turǵyndary men qala qonaqtarynyń nazaryna usynyldy. Kórmeni tamashalaýshylar bas júldege
laıyqty dep tanyǵan balabaqshasy men óz pikirlerin «www. Astana - 16» saıtyna joldap, daýys berýleri kerek. Qazir biz sizdermen 5 - ten keri baǵytta sanaý arqyly daýys berýdi toqtatamyz. Qane, bastaıyq:
5,- 4,- 3,- 2,- 1! Daýystar sanyn esepteý - toqtatyldy.
Qaı balabaqsha sýyrylyp alǵa shyqty eken, nazar aýdaraıyq:
(Ekranda aty jazylmaı nómirlengen balabaqshalardyń dıagramsy kórinedi)
Telejúrgizýshi
tárbıeshi: Nátıje ádil bolýy úshin balabaqshalardyń aty atalmaı, tek ret sandarymen ǵana belgilengen bolatyn. Al myna dıagram boıynsha qasıetti 7 sanymen belgilengen balabaqsha aıqyn basymdyqpen jeńip otyr eken. Endi bul nómirge qaı balabaqsha jasyrylǵanyn bileıik, sál sabyr saqtańyzdar.....
(Ekranda: «....................» balabaqshasy, Qyzylorda qalasy!» - degen jazý shyǵady)
Telejúrgizýshi
tárbıeshi: Mine, nátıje de belgili boldy! Qyzylorda qalasyndaǵy
«.....................» balabaqshasynyń búldirshinderi men ujymyn shyn júrekten quttyqtaımyz!
(Telejúrgizýshi qulaǵyndaǵy mıkrofondy tyńdaǵandaı bolady da:)
Telejúrgizýshi
tárbıeshi: Jańa ǵana maǵan habar keldi, bizdiń Qyzylordalyq kishkentaı jeńimpazdarmen júzdesýge múmkindigimiz bar eken. Olar qazir bizdiń stýdıamyzǵa keledi, qoshemettep qarsy alaıyq!
(Kóńildi mýzykamen qýanyshty keıipte, bir toby qoldaryna ózderi salǵan sýretterin ustaǵan, bir toby gımnastshylarsha kıinip lentalar ustaǵan, ár túrli merekelik kostúmderin kıgen balalar stýdıaǵa qonaqqa kelgendeı bolyp jarty sheńberge tura qalady)
Telejúrgizýshi
tárbıeshi: Stýdıamyzǵa qosh keldińder, botaqandar! Jeńisteriń qutty bolsyn!
1 - bala: Kóp rahmet, biz asa qýanyshtymyz.
2 - bala: Bizge daýys bergen barlyq Astanalyqtarǵa úlken rahmet aıtamyz!
3 - bala: Barlyǵymyzǵa ortaq mereke bas qalamyz - Astananyń 16 jyldyq merekesi qutty bolsyn!
Telejúrgizýshi
tárbıeshi: Aıtsyn, aıtsyn! Rasynda da búkil Qazaqstandyqtardy biz de óz atymyzdan Astananyń týǵan kúnimen quttyqtaımyz!
Al balalar senderdiń Astana qalasyna tartýlaryń keremet boldy. Baıqaýda jeńetinderińdi bildińder me?
4 - bala: Jeńetinimizdi bilgen joqpyz, biraq úmittendik. Bizdi osynda alyp kelgen, sýret salýǵa, barlyq ónerge úıretken balabaqshamyzdaǵy tárbıeshi apaılarymyzǵa alǵys aıtamyz.
Telejúrgizýshi
tárbıeshi: Bárekeldi! Al myna qoldaryńdaǵy qandaı sýretter?
5 - bala: Bul - bizdiń Astanadaǵy merekeden alǵan áserlerimizden týyndaǵan sýretter, sizderdiń telearnalaryńyzǵa syılaımyz.
Telejúrgizýshi
tárbıeshi: Kóp rahmet! Shynynda da naǵyz sýretshiler ekensińder, sýretteriń maǵan unady. Tele-arnamyzdyń murajaıyna qoıyp qoıatyn bolamyz. Al senderdiń taǵy qandaı ónerleriń
bar?
6 - bala: Biz Astana qalasynyń týǵan kúnine arnap ánder úırendik, taqpaqtar jattadyq.
Telejúrgizýshi
tárbıeshi: Qane, onda ónerlerińdi tamashalap kóreıik.....
Án «El júregi - Astana» Mýz: Q. Qaıym
7 - bala: Kıeli meniń Aqordam
Arýdaı sulý taranǵan
Bereke, birlik, dostyqtyń
Tunyǵynan nár alǵan.
8 - bala: Jaınaı ber jańa Astanam
Ertegideı ǵajap bas qalam
Yntymaqtyń terbep besigin
Táýelsiz el kóshin bastaǵan
9 - bala: Sáýleńdi shash elińe
Nuryńdy tók jerińe
Kıeli meniń Elordam
Baq bolyp qonǵan tórime!

Qyzylorda qalasyndaǵy №8 «Búldirshin»
sanatorıalyq balabaqshasy komýnaldyq
memlekettik mekemesiniń mýzyka jetekshisi
Jumabekova Bıbigúl Músirephanqyzy